THE GOLD BUG IN MIZO

 

                                        THE GOLD BUG

 

 

 

(He thawnthu hi hman deuh 2014 ve khan a chhumbung deuhin post a ni a, a rawn zawm ta mai silova,hi kumin 2021 lockdown lai ve hian a full in kan type leh tlauh tlauh a ni e. a tawp lam enge nge maw sign leh hrilhfiahna then khat hi chu ka paih nual mai.)

 

Edger Allan Poe.

Re- type by; chhana tawp. Wheeeeeeeeee..

 

 

 

         Kum eng emaw zat liam taah khan mi pakhat Mr William Legrand-a nen kan intawng a. Hmanlai Huguenot chhungkaw hlun leh hausa tak atanga rawn chawr chhuak a ni a. Amaherawhchu, beisei lawk hauh lohvin an chhungkaw chungah vanduaina a rawn thleng zut zut a, an dinhmun chu beisei phak bâkin a tleu ta a. Midangte tanpui leh chhawmdawl ngai an lo ni ta hial a. Chutianga thenawm khawvengte laka mualphona pumpelh nan chuan, Legrand-a chuan a pi leh pute mi hlun an lo nihna hmun, New Orleans khua chu pemsanin Charleston bul lawk, South Carolina khuaa Sullivan Island-ah chuan awmhmun a bengbel ta a ni.

He thliarkar bul velah hian thliarkar bul velah hian thliarkar dang pawh a awm lova. A len lam pawh a dûng chu mel 3 vel a ni a. A vang lam pawh mel chanve chanve leh chauh a ni. A piah lawk khawmual nen chuan tuipui atanga litengsawl rawn insawh lut luan fintu lui chuan a daidang a. Chulai velah chuan chirhdup-ar an tla sup sup thin. Thliarkarah chuan thing lian tham sawi tur pawh a awm lo va. A awm chhun pawh hnimtêtê tawi bim bem an ni.

Thliarkar chhaklam atanga hla lote . Hnim buk chhah tak karah chuan Legrand-a chuan thlâm a sa a, chutah chuan a chhiahhlawh mihang Jupitara nen, tuma chimbuai loh leh khawhar takin an khawsa a, chulai hmun a sapela ka va vah luh tumin kan intawnga. Kan inngaina ta phian mai a, Amah chu Lehkha thiam leh Rilru chak tak mai a ni a. Mahse tu lakah mah a tlangnel lo va. A mizia chu hriatthiam a harin, a changin a phur hluai a,a changin a ngui leh em em thin, A nuam tih ber chu Silai nen a ram vah te, Sangha man te, leh tuikeplung mak tak tak chhar khawm a ni a. A chhuahvah a piang hian a hlimthla ang mai in, Jupiter-a leh a ui 'Massa' chuan an zui deuh ziah thin a.

Sullivan thliarkarah chuan thlasik a nâ vak ngai lo va. Meilum thuk chhem a tul tum pawh a khat hle thin. Kum 18-- october thla laihawl a ni a. Chutihlai chuan Charleston-a ka awm lai a ni a. Thliarkar atang chuan mêl 9 a hla a ni.

Ka thianpa Legrand-a chu chawlhkar tam tak ka hmu tawh lo va. Tlawh turin ka chhuak ta a. Inkalpawhna kawngte chu pal en chawp deuh mai mai a nih avangin ni tlak hmain a chenna thlâm chu ka thleng thei hrâm a.

Kawngkhar ka kik karh karh a. Min chhangtu an awm loh avangin Chahbi a thurukna chu ka dap a. Tlangnêl takin ka lut a. Meilum nuam tak a lo inchhem sa a. Pawn boruakin min hmeh khawng thelh tawh avangin, ka kawrchung chu ka hlip a. Thuthleng vawnban nei chu ka va chawi lawk a. Meilum chu va âi pah chuan. An rawn thlen hun chu ka nghak ta a.

Unau hmelhai velah an rawn thleng a. Rinloh taka ka hmel an han hmu chu khualtha thleng ang maiin min lawm thiam em em a. Jupiter-a pawh chu hnapkhawn pachang hmu ang maiin a nui khi deuh vun vun reng a.

An rawn thlen tirh atangin Legrand-a chu a phûl hlut a, Nidanga a awmdan nen a in an loh avangin a mak ka ti rilru ang reng hle a ni. Hmuh ngai zen zen loh tuikeplung kep pahnih nei an rawn hawn a. Legrand-a chuan thilnung la hmuhchhuah lovah a chhiar tel theih ngei a ring a. Chubakah, Jupiter-a tanpuinain Patling ke zungpui tiat vel sephung hi an rawn man tel bawk a. Chu pawh chu Legrand-a chuan rannung hriat ngai loh leh vawikhat hmuhchhuahna a nih a ring bawk a. Kei pawhin chumi chungchanga ka ngaihdante chu a tukah min zawh ve a duh thu te pawh min hrilh luam a.

"Engatinge ka ngaihdante chu Zaninah min zawh mai loh?" ka ti a. Meilum chungah chuan ka kut khing hnih chu ka tuai vat vat a.

Inthiamlo hmelpu deuh hian, " ka hmuh lohna che a rei tawh êm a, hetah i awm tih reng reng kan hre hleinem! Kan rawn haw kawnga Leiutenant G. Fort-a cheng nen khan kawng lakah kan intawk a, kan sephûng rawn man chu enchian a duh avangin hawh min dil a, kei lah pek chuan awlsam takin ka phal ve mai bawk a. Chuvang chuan Naktukah lo chuan i hmu thei dawn lo a ni. Zanin chu hetah riak mai la, naktuk zing ni chhuah veleh Jupiter-a hi ka va tir ang a, sephûng chu ava la dawn nia, amawi tak tak a ni" Legrand-a chuan a ti a.

Kei chuan, "Eng chu maw? Zing ni chhuak chu maw?" ka lo ti vat

Legrand-a chuan, "Ni nang! Ni lo ve a! Sephûng chu maw le. Rangkachak rawng ang maia tlê sâr a ni a. Patling ke zungpui tiat vela lian a ni a. A hnung hmun khatah chuan chhetêin a dumd rêih a, a hmalamah chuan a aia rei deuhin a dum bawk a, a kî te chu..." a ti a, a tawngkam thiamin a daih lo a niang . A chek tlak tlak a. Hawiherin a mawizia chu a sawi chhunzawm ni berin ka hria a ni. Jupiter-a lah chuan, "Master Will, a rawng kha rawng mai mai a ni lo ka tih ka tih chu. Kha sephûng kha chu rangkachak sephûng a ni chiang lutuk, a taksa zawng zawng kha, a thla tih mai loh chu khatiang rannung ka hmuh ang khan rannung dang ka hmuhin ka hlim ngai lo reng reng," tiin a pu thusawi chu fiah mang lo zet hian a rawn tui hnih ve bawk a. Legrand-a chuan, "A ni teh tak e, Jup. Chuvang chu em ni. I sava rawh lai i hem uh vek phah a?" a ti a. Min rawn en a, "Jupiter-a ngaihdan chu tawmpui ve mai a awl khawp mai. A rawng chu a êng mawi em em a. A sawizawm zel a," Mahse, apian hmang chu naktukah lo chuan i hmu ve thei si lo va. Hawh teh, a pianphung ka lo hrilh ang che," phûr takin a ti a. Tawng mawlh mawlh pah chuan dawhkan têtaktê tawngtawl tawh tak chu a dap zui nghal rawk rawk a. Pen leh pentui chu a dap hmu a, mahse, lehkhapuan erawh a awm tel lo, lehkhapuan chu a han dap kual fê hnu pawhin a hmu zo mai lo va. "A pawi lo ve, hei hi a tha mai e," a ti a. A chakai khawrh kawr ipte atang chuan lehkha them bal tak mai hi a rawn phawrh chhuak nawlh a. Chutah chuan milem eng emaw ni a ziak a. Chutihlai chuan kei chu a vawt ka tih avangin meilum bulah chuan che chang lovin ka la thu reng a. Legrand-a milem ziak pawh chu ka va bih hnai lo. A ziah zawh chuan a thut hmun atanga tho kang lem lovin mi rawn pe a. Ka lak lai chuan ui ngur ri deuh chhar chhar thawm kan hria a. Legrand-a ui ngei a ni. Kawngkhar chu a rawn hiat ri hraih hraih a. Jupiter-a chuan kawngkhar chu a va hawn veleh Massa-a chu arawn zuang lut nghal a. Min han hmu chu, a mawi a hawih pawh thlu lovin min bawh chung chung nghal a. A mei a hem a, a phi ruai a, a vir vel sek mai a. Ka tlawh hnuhnun ber tum khan ka chhawnchhaih that em avangin a ngaih pawh min lo ngai hle a ni. Massa-a thau khawh zualpui a reh hnu chuan Legrand-an a milem ziak min pek chu ka en a. Zêp miah lovin ka thianpa lem ziak chuan min barakhaih teh chiam lo. Ngun taka ka en hnu chuan," A tha e, sephûng mak tak a nih hi! Hetiang hi ka la hmu ngai reng reng lo. Ka tan chuan thil thar a ni . A ang ka tih ber chu luruh, thihna luruh (tuipui suamhmang ten an hman thin, luruh lem a hnuaia ruh inkawkalh awm) lem a ni maiin ka hria. Ka thil hmuh tawhah chuan chutiang chu a ang ber," ka ti a. Phawk deuh maiin Legrand-a chuan, "Thihna luruh a!" a rawn ti a. Aw, ni e, a milem ziah chuan chutiang chu a ang a ni. A chung lam chhut han pahnih awm te chuan mit an ang em em a, hnuai lama ami chu a ka a ang a, A pumpuia a pianzia chu a sawl deuh bawk si a. Chuvangin, a lemziak chuan thihna luruh chu a ang ber a ni. Kei chuan, "AW, a ang viauin ka hria. Legrand, lemziak lam pang chu i chem kalna a nih loh hmel khawp mai. Engpawhnise, sephung pianzia hre chiang tur chuan naktuk chu ka nghak mai ang e," ka ti a. "Aaa, ka hre lo le," lunghnur hmel deuhin a ti a. "Lemziak hi chu ka thiam ve zawng tak a ni asin, Zirtirtu tha deuhin min zirtir thin a, ka themtlaw lêm vakin ka hre lo, ka lo infak rilru ve viau thin a sin," a ti a, A lungawi teh chiamin a lang lo.

Hnial hrat sabawp chan tum vang pawh ni chuang lovin,"Mahse, ka thian duh tak, i fiamthu chu a ni lo maw," ka ti zui leh talh a. Ka aw chu ka han thian a, "Ngaihbel tur atan chuan thihna luruh chu a ang ber alawm, i sephûng chhar chu khawvela sephûng zawng zawngah ala mak ber hial awm e. Chuvangin, thihna luruh nena hmehbel pawh chu a awm viau asin. A hming atan pawh 'Scarnabaeus caput homini' tih a inhmeh viauin ka ring. Thilmak chhinchhiahna buah pawh chutiang hming chu a awm ve ngei ang. Mahse, a ki kha i sawi si a, khawilaiah hiang nge a ki chu a awm?" tiin ka hmuhdan chu pehhel kual lovin ka sawi bawrh bawrh a. Legrand-a chuan, "A ki maw?" tiin a rawn meng phawk hle a. Ngaihdan nih loh hmel deuh hian, " chiang takin ka ziah kha, a tawk thawkhat viau emaw ka lo ti mai asin," ati bung deuh nghat a. Kei chuan, "A ni awm teh tak e. I ziak chu a ni mai thei a, mahse, ka la hmu lo reng reng," ti zui leh talh chung chuan a milem ziahna lehkha them chu ka pe kir a. Ka hnial luih zel chuan a sahuatah ka khawih palh ang tih ka hlauh avangin ngawih ka chuh ta a. A lemziah chuan thihna luruh bak thildang a an awm reng reng ka hre lo. Ka ngaihdan ka han phawrh chhuah tak avang chuan a thinrim hmel lek lek leh nghal a. A rilru tê lutuk avanga kan inkawmna boruak a nuam lo ta riau chu a mak pawh ka ti hle a ni. Titau deuh chungin lehkha chu ala a, hmeh khawra meia vawm luh mai chu a tum a. Mahse, lehkha chu a han en ve leh thuak a. Vawilehkhatah a hmel chu a rawn danglam nghal ta vek a. A thuthmunah chuan chîk takin lehkha chu a bih ta a. Engmah thudang sawi lo chuan a tho a, dawhkan atang chuan sathau khawnvar a la a, kil khata thir thingrem inhung chungah chuan a thu ta daih a. Lehkha chu khawnvar eng zung thlârahte chuan a bih a, a let kual a let kual a. Mahse, engmah a sawi lo. A chetdan chu mak ka ti em em a, mahse, han chhaih kawlh belh chhah chu ka ngam loh avangin kei pawh chuan engmah ka sawi zui lo. A kawrchung ipte atang chuan a pawisa ip ala chhuak a, lehkha chu fimkhur takin a dah lut a, lehkha ziahna dawhkana pawhdawhah chuan a kalh khum ta hmak a. Reilotêah a titau pawh chu a reh a, a rawn pangai ve leh tan a. Mahse, atira a phûr ang kha chuan a phúr thei tawh miah lo. A tlai telh telh a, a inngaihtuah mûk tulh tulh a. Boruak zangkhai zawk siam tumin thil eng eng emaw, ka sawi a. Thil, inkahpup chaw lo deuh deuh ka sawi nachungin a rilru chu ka la peng thei reng reng lo. Ka tum lawk dan chuan, chumi zan chuan a thlâma riah chu ka tum a. Mahse, ka thianpa awmdan atang chuan inthiar fihlim chu tha zawkin ka hre ta a. Charleston lama mutmu tuah tura tinsan zai ka rel pawh chuan zan dang angin min chelh reng reng lova. Ka hawng tur erawh, kawngkhar bul thleng min rawn thlah a, hawihhawmna namenlo nen,"Mangtha, Muttui" tiin min chibai lawp lawp thung a ni.

Ka thianpa Legrand-a nen chuan thlakhat vellai kan inhmu ta lo va. Ni khat chu Charleston-a ka awmnaah chuan Jupiter-a chuan min rawn len chilh a. He putara hi hetiang em em a lunghnur hian ka la hmu ngai lo. A hmel chuan zualko thuchah kengtu hmel a pu a. Vanduainain ka thianpa chu a tlakbuak ta ngei niin ka ring a ni. "E he, Jup, nang i ni maw. Eng thil nge thleng ta? I pu enge a an?" hlauthawng ang reng takin ka lo ti nghal a. Jupiter-a chuan sawihreh hmel ang reng tak hian, "Aaa,dik tak chuan, ka pu chu atha lem lo khawp mai," a ti a. Chuveleh phawk taka mengin ka ding hluai a,"Tha lo a! Ava pawi ve aw. Engnge that lohna a neih?" tiin ka zawt zui leh nghal vat a. A ngaihna hriat loh hmel deuhin Jupiter-a chuan, " Chu chu alawm! Engmah a insawisel lo va. Mahse, adamlo nasa hle a ni" a ti leh ringawt a. "Damlo nasa hle a. Jupiter! Engatinge i sawi vat loh? Khum betin a damlo em ni?" "Aih, chutiang chu ni lo ve. A natna chu a hriat loh va. A khawngaihthlak em em a! Ka rilru hi a hah takzet a ni" beidawn hmel deuhin a ti a. Kei chuan,"Jupiter, i thil sawi hi ka hrethiam lo reng reng. I pu chu a damlo a nih chuan, a damlohna chu a hrilh lo che em ni?" ka ti a.

 

Jupiter-a chuan "Ka pu, ngaihtuahin awmzia a nei lo. Master Will chuan engmah a damlohna a sawi duh lova, Mahse, hnuailam melhin a kûn tlat a. A dar achhin a, thil tui lam lakchhuahna dâwt hi a keng reng a. Engemaw zawn nei nawm takin a tei kual chhen mai a ni" a ti a. A sawi zawng pawh chuana apu chetzia chu mak a tih hmel hle a ni. "Eng maw a ken reng a, Jup?" Hlauhthawn hmel deuha hmuntin melh kual chung chuan. "Lungphek chungah tui lam lakchhuahna dâwt chu milem dang nen a dah a. Thil lem ruangam ka hmuh zinga la mak ber a ni. Chuta tang chuan ka hlauthawng rilru tan a. Khawdang hawisan miah lovin a che vel chu ka thlir ru reng a. Mahse, vawin chu ka hriat miah lovin min relhruksan a. A awmdan maksak lutuk avang chuan inven nan tiang lian tawk tak ka keng a, amah ka hmuh chuan a chawrche lutuk a, vuak tluk mai ka duhna rilru pawh chu a bo vek hial a ni," a ti a. Chuthanga mahni pute pawh tiang nena han zawn tak chu mak ka ti deuh a, "Ehe? Engtin a? Chutianga tharum nena rikrap chi a ni dawn em ni? I sawidanin a khawngaihthlak hmel viau si a. Chutianga i tih te chuan a tawrh belhchhah ang asin. A nih, hetianga a awm chhan hi engnge tih i ngaihtuah reng reng em? Ka rawn tlawh hnu che u khan thil thleng duhawm lo deuh te a awm a ni lo maw?" ka ti bah nawk nawk a. Jupiter-a chuan, "Aih, ka pu, engmah thil duhawm lo a thleng lo. I lo kal hmaa thil thleng kha ni zawkin ka hria. I rawn tlawh ni a thil thleng kha," a ti a. "Eng chu maw? Eng nge i sawi awm zia?" "Ka pu, Sephûng kha mawle" "Engnga?" "Sephung kha maw le. Master Will chu sephûng vang khan a ngaihtuahna a buai tan niin ka hria." A thusawi chu awih loh hmel zet hian, "Engvangin nge chutiang thil a nih chu i rin theih?" tiin Jupiter-a chu dilchhût deuhin ka zawt zui leh a. Jupiter-a chuan "Sephûng chu a kawlh em em a. A tinte chu a zumin a hate chu a hriam em em a ni. Hetianga sephûng khawlh hi ka la hmu ngai reng reng lo. A khawihtu apiang chu a ham a, a seh mai thin a. Master Will chuan Sephûng chu a man thin a, a man apiangin a seh a, chvang chuan a thlah leh thuai thin a. Hetianga a awm chhan pawh sephûng chuan a seh vang a nih ngei ka ring a. Kei chuan ka kut lawngin ka man ve duh ngai lo va. Ka man dawn pawhin lehkha them chu man chhanah ka hmang thin a. Chutianga tihtur chu niin ka hria," a ti a. "Chuti chu, i pu chu sephûng chuan a seh vangin a chiangkuanglo niin i ring ta a maw?" "Aw, ka ring mai pawh a ni lo. Ka hria a ni. Ka sawi ang chu ni lo se. Engvanginnge a mumangah rangkachak a hmuh chhen ang? Chuvangin, sephûng khan a seh chiang a ni. Tunhma pawhin hetiang rangkachak sephûng chanchin ka lo hre nual tawh a sin," A mak ka ti tulh tulh a, "Engtinnge a mumangah rangkachak a hmu tih i hriat?" tiin Jupiter-a chu ka zawt leh a. "Ka hriat dan maw? A mutlaiin a tawngvai thin a, chuta tang chuan ka hre mai alawm" "Ni e, Jup, i rindan chu a dik maithei. Mahse nang meuhvin engvangin nge vawinah hian min rawn tlawh?" "Engtin aw, ka pu?" "Pu Legrand-a hnen atangin thuchah i rawn keng em ni?" Jupiter-a chuan, "Aih, ka pu, chutiang thu reng reng mhn chah lo." tih pahin lehkhathawn min pe a.

o                                                   

Hmanhmawh takin Jupiter-a lehkhathawn min pek chu ka hawng nghal a, hetiang hian alo inziak a.

 

‘ Thian duhtak,

Engatinge rei tak ka hmuh loh tak che? Ka mize nikhualo tak avanga han thinrim tur êmah chuan ka ngai lo che a. Chutiang avanga lungni lo chu i nih ka ring miah lo. Kan inhmuh hnuhnun ber atang khan ka rilru kap tlattu thil a awm a. Engemaw han hrilh hriat ngei tur che chu ka nei a. Han sawifiah ngaihna ka hriat si loh avangin ngawihbopui maite ka tum deuh rum rum a. Ni tam tak chu ka dam chiangkuang meuh tawh lo va. Putar Jup-a lah hian ka Zun leh ek thiar chenin min zui atum niin ka hria a. Chutifakauva min ngaihsaka ka hniakhnung zuizo nih a tum chu ka chhangkham lek lek zawk a ni. Amah lah chuan min la hlau leh nghal emaw ni dawn ni. Tiang lianpui hi a keng reng a. Hmanni lawka atel lova ka chhuahvah tum phei chuan nikhaw hre lova min vuak tluk hi a tum niin ka hria. Mahse, thliarkar chhengchhe tak kara ka tei chhuah nilen avang chuan ka chauin ka pawr em em a. Chuvang chuan min vuak tluk a tum pawh chu a thulh leh ta niin ka hria a ni. Kan inhmuh hnu khan engmah ka thingremah thilhlu khawlkhawm belh ka la nei lova I thei hram a nih chuan hun remchang insiam la, Jupiter-a rualin i lo ka thei a nih chuan ka lawm ngawt ang. Zanin hian thil pawimawh deuhah ka hmu duh che a. Thil pawimawh tawpkhawk a ni tih chu i hrethiam dawn nia’

 I thian William.

 

 A lehkhathawn rawn ziah dan atang chuan ka ngaih chu a tha fahran lo hle mai. Ka han thlek vang vangin Legrand-a lehkhathawn ziah dan thin nen chuan inpersan hlein ka hria a. Engnge a mumangah chuan a hmuh? Engthilin nge a rilru chu ti buai? Eng thil pawimawh tawpkhawk nge min hrilh tur a neih? Tihte chu ka ngaihtuah buai nasa hle ani. Jupiter-an a chanchin a sawi lah chu a ngaihthat thlak si loh va. A chunga Vanduaina a rual ruala a rawn thleng zut zut chu a chhelnain a tlin ta lo emaw ni dawn aw ka ti rum rum a. Engkhaw sawi set set lo chuan mihang putara zui tur chuan ka insiam ta nghal a. Kan chuanna tur lawng kan thlen chuan chemkawm leh suahdur 3, la thar tha tak mai lawng chhuata alet reng chu ka hmu a. "Engnge hengte hi a awmzia,Jup?" "Chemkawm leh suahdur te an nih hi, ka pu." "Ni e, mahse, eng atan nge?" Jupiter-a chuan, "Heng chemkawm leh suahdurte hi ka puin khawpuiah lei turin min ti a, an to hlawm em em mai leh nghal a" tiin a ner deuh nung nung a. "I pu chuan heng chemkawm leh suahdurte hmang hian eng thil nge tih a tum, i hria em?" tiin Jupiter-a chu ka zawt a. Jupiter-a chuan, " ka hriat bak thil a ni a. Ani pawhin ahre bikin ka ringlo. Mahse, sephûng vang vek kha a ni," a ti a. Jupiter-a chuan thil engkim mai chu sephûng vangah a puh fai vek si a, alak atangin engmah chiangkuangin ka hre dawmlo niin ka hria a. Lawngah chuan ka chuangkai a. Kan kalna tur lam pan chuan kan chhuak zui ta a. Thli a thawt that em avangin chak takin kan kal a. Reilotêah lung pûk awmna hmun hi kan va thleng a. Chu lung pûk chu Moultrie hmar lama awm a ni. Mel hnih vel ke a. Kan kal leh hnu chuan zanriah chhum hun velah Legrand-a thlâm chu kan thleng ta a. Legrand-a chuan nghakhlel takin min lo thlir reng a. A bul kan thlen dawn hnaih chuan awm hle hle thei lovin min rawn pan a. Ka kut chu nghet takin a hum a. A hmel ka han en chuan thlawhhma thlahthlam ang maia pawr a ni a. A zam deuhin ka hria. Thil eng emaw tak a rilru kap tlattu a awm a ni tih chu hai rual a ni lo. Chuvang chuan ka ngaih chu athalo hle a ni. A hmel chu a râpawm khawp hialin a dawl dang a. A mitkhur chu a tla kawk a, mahse. A mitmeng erawh helhhawlh eng emaw tak a neih avangin a phûr hmel em em a. A hriselna chungchangte ka zawh hnu chuan sawitur ka haihchham deuh avangin Lieutenant G-a hnen a tanga sephûng alak kir tawh leh tawh loh chu ka zawta ringawt a. Legrand-a chuan "Aw, la kir tawh e" tiin min chhang a. A thusawi lai chu reilotê a han chawl hlek a. "A Tuk zingah khan ka la kir nghal a. Tu hnenah mah kha sephûng kha ka kawltir leh tawh ngai lovang. Jupiter-a sawi kha alo dik chiah tih i hria em?"

 

o                                                   · 

·                                

 

 

tiin min zawt zui a. "Engti zawngin maw?" ka ti a, ka rilru chu a nuamlo tan riau a. "Sephûng kha rangkachak tak tak a nih a ring kha mawle" thutak deuhin a ti a. Mak tiin ka meng bial kawk nghal a. "He sephûng hian min la tihausa dawn a ni" hlim leh phûr takin a ti zui a. Zawlnei, hunlo thleng tur hrilhlawk dik thei ang maiin, "kan thlahtute hausakna zawng zawng kha ka nei kir leh dawn a ni. Chuvang chuan a lawm ka hlut em em. Vanneihna chuan chutiang dawng tlakah chuan min ruat a. A tawpah ka lawmman rangkachak tam tak chu ka dawn theih nan ka vanneihna hi ka hman thiam hle a tul a ni" a ti bawrh bawrh a. "Jupiter. Sephûng kha rawn la teh" a ti zui nghal a.

·                                

 

Jupiter-a chuan, "Engtin a! Sephûng kha maw, ka pu? Nangmahin la zawk mai rawh. Kei chuan ka lo la buai lo zawk mai ang e," a ti a. Chutah Legrand-a chu a tho a, sephûng chu adahna darthlalang bawm atang chuan a rawn la a. Sephûng mawi tak zawng a ni ngei mai. Rannung lam chanchin zir mite pawhin chutiang chu an la hmuchhuak lo va. A hlut hmel hle a ni. A hnungah chuan hmun hnihah a dumin abial a. Ahmalamah chuan chu aia sei deuh chuan adum bawk a. A kâwr chu akhauhin a tle mawi em em a. Rin aiin a khîn reuh phian leh nghal a. Ngun taka han en chuan Jupiter-an rangkachak sephûng ati pawh chu a awm viauin ka hria a. Mahse, Legrand-a chuan Jupiter-a thusawi chu a tawmpui tak tak em tih chu ka hre chiang miah lo. Chu sephûng chu chik taka ka enchian hnuah Legrand-a chuan, "Ka rawn chahna chhan che chu, he sephûng chungchanga thil lo thleng turah i thurawn leh tanpuina ka mamawh vang a ni," thutak deuhin a ti a. A thusawi lai chu ka lo pawt chat a, "Thian duhtak Legrand, i damlova i inenkawl that angai a ni. Khumah mu hahdam la, i that deuh hma chu ka awmpui dawn che nia. I khuate a sikin..," ka tih lai mek chuan, "Ka marphu han dek teh," a ti a. Ka dek a. A pangte pawh chu ka han khawih a, mahse, a khawsik awm pawh chu ka hre lem lo va. "Mahse, khawsik lovin i damlo thei tho alawm. Tun tum chauh chu ka thurawn i zawm a ngai a ni. A hmasain khumah mu la. Chumi hnuah..." ka tih lai mek chuan Legranda bawk chuan, "I ring dik lo a ni. Namen lova ka phûrna avang hian damlohna ka neih phahlo reng reng a sin. Min duhsak ve tak tak a nih chuan ka phurna hi min tawmpui ve zawk rawh," a ti a. "Eng ti kawngin nge iphûrna chu ka tawmpui ang che?" ka ti a. "A awlsam lutuk. Jupitera nen thliarkar khawi emaw laiah hian kan tei chhuak dawn a. Kan mi rin ngam tanpuina kan mamawh dawn a ni. Nang chauh hi kan mi rintheih awmchhun i ni a. Kan tei chhuahnaah chuan kan hlawhtling emaw, kan hlawhchham emaw, tuna ka phûrna hi kan zavaiin, kan intawm dawn nia," Legrand-a chuan a ti a. "I duhzawng chu ka theih ang tawka tih puitlin sak che ka duh a. Mahse, i sawi awmziaah chuan ramchhuah itum chhan ber chu he sephûng vang hi a ni em?," tiin ka zawt a. Zêp hauh lovin Legrand-a chuan, "Ni e" a ti a. Chuveleh kei chuan, "Chutichu Legrand, hetiang thil atthlak lutukah hi chuan ka inhnamhnawih ve thei lo vang." tiin ka rilru dik tak chu a ruh langin ka hrilh nghal kawl a. Legrand-a chuan, "A va pawi êm, a pawi hle mai. Keimahnia kan tih mai a ngai dawn ta a nih chu," a ti sam êt a. An thiltiha inhnamhnawih ve loh ka tum thu ka hrilh avang chuan chhetê mahin lunghnur hmel pawh a put phah lo. An thiltih turah ka tanpuina an mamawh thu min hrilh zo chauh a. Mahse, ka tel loh pawhin an thiltih turah chuan an khawngkhawbai phah dawn loh hmel hle a ni. Legrand-a hmel chu ka va en a, a tum chu a ruh hmel em em a, ka vaukhanna thu avang chuan a tim phah eih lo. Chu chuan ka ngaih a ti tha lo zual a. A chhe ber a thlen loh nan Zâi lo zaptu atan tak ka tel ve chu thain ka hre le hnuhnawh a."In pahnih chauhin maw? I â ta emaw ni le! Engpawh chu nise, engtia rei nge thang inrilruk?" tiin ka zawt a. Legrand-a chuan, "Kan zankhua hial maithei. Muangchang lovin kan kal nghal ang a. Engpawhnise, zing ni chhuah hma chuan rawn let leh ngei kan tum ang," a ti a. A tum chu ka thulh tir dawnlo tih ka hriat a vang chuan, ka thu chu zûk leh atha in ka hria a, Mahse, patlingin inngaihtuah chiang lovin chîl kan lo pîk ting tang tawh si avangin, zahzelah tha inbat tir ve hrim hrim chu ka duh a. " Chutiang a nih dawn chuan thil pakhat min tiam ve a ngai ang," ka ti a. Legrand-a chuan "eng chu maw?" bangbo zetin a rawn ti a. Kei chuan " Hethil i buaipui, sephûng chungchang hi i zawh fel veleh inah i haw anga. Nangmah enkawltu doctor ang in, ka thurawn i zawm ang!" ka ti a. Legrand-a chuan" awle, ka tiam a che, a nih leh ikal ang u, hun khawhral hman mai mai kan ni lo" ati a. Rilru mumal fum fê pawh nei lo chuan ka thianpa chu thlâm atang chuan ka zui chhuak a. Jupiter-a leh Legrand-a ui,Massa-a pawh chuan min zui ve bawk a. Jupiter-a chuan chemkawm leh suahdur chu avaiin a keng a. Han ken chhawk ve tum pawhin a duh tlat lo va. A tlawmngaihna ai mahin a puin a ât a so thut pawh a. Hmanrua a chuh theih tur ken khawm vek chu him bera a hriat vang niin ka hria. Jupiter-a chu kawng tluanin " He Sephûng phiangsen.." tiin a phun tluan chhuak zak a. Kei chuan khawnvar dum deuh deuh pahnih ka khai a. Legrand-a ve thung chuan awlthawng takin sephûng chauh chu akeng a. Lazai hmawrah a hling a, kal pah chuan a then vir deuh chhen bawk a. A thiltih ka hmuh hian ka thianpa rilru chianlohzia chu ka ngaihtuah a, ka mittui a tla lo chauh a ni. A rilruah ât khat cheng tlata ka hriat avangin ka duhdan anga awmtir tur chuan a thu chu ka zawmsak hmasak chu tha berin ka hria a. A thiltih atthlakzia chu.

·                                

 

A hniak rap chat chata zui pah zel chung chuan hrilhfiah ka tum nghal a. A rilru kulmûk a chhuak a ni ang. A titipui hleih theih der loh. Eng pawh zawt ila, "Kan la hria ang chu," tiin min chhang fai vek mai a ni. Thliarkar tawntirh chu pûmhn kan pan a. Lui dungah chuan kan chho zel a, hmar thlanglam kan pan leh a, ramhnuai pilril tak tumahin ramvah nan pawha an la tin chhin loh hmunte chu kan paltlang zel a. Khawvel pian tirh ata kan pathum hniak tih loh chu mihring hniak tumahin an la hnutchhiah ka ring lo. Legrand-a chuan intithu takin hma chu ahruai zel a. Kan pathuma kan kal hma chuan chulai hmun vel chu, lo fang felsa vek tawh ang maiin kan kal dik leh dik loh chu a chhinchhiahna en ni awm tak hian reilotêtê a chawl zauh zauh a. Darkar hnih vel kan kal hnu chuan, ni tlak dawn suar suarah, kan kal tawhna zawng zawng aia hmun pik leh chhengchhe zawk; tlang chhip zawl, lung khawkrawk em em awmna hmun kan thleng a. Lung lian leh hriam tak takte chu a ngir khup a. Fanghmir ang maia hmatiama lawn liam zel chu a tum pawh tum chhin chi a ni lo. Chung lungpuite chuan a hnuai ruamah chuan lengkir tihbaiawm tak tak hi an siam chek chuk a. Thingkung tam takte chuan chung lung lian pui pui te chu rem leh rem lova an chelhbeh, avangin lungpui inkarte chu kawr thûk tak tak ang hi a ni deuh vek a. Chu chuan a ti nelawm loh leh zual a ni. Tlangzawl chu theihmu kung hian a bit khat mup bawk a. Chemkawm hmang lo chuan kaltlang theih ziazâng a ni lo. A pu hrilh angin Jupiter-a a chuan keptum kung sâng tak mai awmna lam kawng chu min thenfaisak a. A kung bulah chuan sasaw kung riat emaw, kung sawm vel emaw hi a awm bawk a. Chulai hmuna thingkung awmah chuan keptum kung chu a sâng ber a, a hnahte leh pianzia chu a mawi danglam hle a, a zar han pharh chhuah dante leh akung lan dan hrim hrim chuan mit ala bik hle a ni. Chu thingkung bul kan thlen chuan Legrand-a chuan Jupiter a chu a en a, alawn theih a rin leh rin loh a zawt a. Mihang putara chuan a pu chu engtin mah a chhang lo. A hnu deuhvah chuan ngawi rengin thingkung lianpui chu a pan a. Zawimuangin a kal hual a. Chiang takin a en vel a. A duh ang thala a bih chian hnu chuan,"Aw, ka pu, Jup-a chuan a thingkung hmuh tawh phawt chu a lawn thei zel alawm," a ti ta a. Chuveleh Legrand-a chuan,"Chutichu, khua a thim mai tawh dawn si a. A rang thei ang berin han lawn rawh le, i lawn thuai loh chuan kan thiltih tur kan titheilo palh ang" a ti a. Jupiter-a chuan,"Eng chena sang nge ka lawn ang, ka pu?" tiin Legranda chu a zawt a. Legrand-a chuan phûr takin, " A kakpui khi han lawn thleng phawtla, chumi hnuah khawi lamah nge lawn tur tih ka hrilh zui dawn che nia. Chuan, ngawi lawk teh, kha , he sephûng hi keng bawk la" a ti a. Jupiter-a chuan "Sephûng a. Master Will! Rangkachak sephûng maw!" tiin hnungtawlhin a te chul a, "Engvangin nge thingkungah Sephûng ka lawnpui ringawt ang! A ti a. Hlauhlawpin a thidang dawn ta emaw ka lo ti hman hial a ni. Legrand-a chu a lungnihloh hmel hle a. "Jup, nang ang mihang palian takin hetiang Sephûng thi tawh leh nghal i hlau a nih chuan! Kha, i duh leh hrui hian khal la. Mahse, i keng lo a nih chuan suahdur hian i lu ka vuak keh a ngai mai dawn a ni" tiin a ke bula suahdur let reng chu a melh a. Jupiter-a chuan "Engtizia nge ni ta, ka pu?" a ti a, a zawldawhtu zawkah a tang ta nge nge a. "Kei mihang putar khawngaihthlak tak hi hetiang hian min vau leh khur khur thin a, ka uang mai mai a nih kha! Kei hian sephûng kha ka hlau tak tak anga maw! Engah mah ka ngai lo" tiin a tuang a ti chhah a. Fimkhur takin hrui hmawrah chuan sephûng chu ataksa atanga a hla thei ang bera khaiin thingkunga lawn tur chuan a inphuahchah ta a. America rama thingkung mawi ber mai keptum kung, 'Liriodendron Tulipiferum,' chu a tir chuan thing mam tha tak a ni a. Zar nei lovin boruakah sang tak a thang phawt a. A upat hnu chuan a pilte chu a khawka, a bawl deuh tuk a. A pangahte chuan chhe tetein a rawn chawr fir fer a. A kunga lawn chu a harsat hmel hle a ni. Jupiter-a chuan thingkung

o                                                   · 

o                                                   

·                                

 

a kherh bet a. A panga chhe têtê rawn chawr fir ferah chuan inham tangin thing titoh laite chu a rem dan danin a rinchhan pah zel a. Vawi hnih khat a tlak thelh hnu chuan hah thi kûlhin a kakpui fit sawmsariha sang chu a han lawn thleng thei ta a. A hlauhawm zualpui lai chu a lawng pelh tawh avangin, a hna chu hlawhtling thawkhatah a inngaia, thawk a han la têtê a. Jupitera chuan. "ka pu, khawilamah nge ka lawn dawn?" a rawn ti lauh lauh a. Legrand-a chuan " a zar lian ber kha zawh zel rawh, hetilam pangah hian" a ti a. Mihang putara chuan a pu thu zawmin, harsa ti em em lo chuan a lawn zel a. Thing hnah buk tak karah chuan amah pawh chu kan hmu thei ta lo va. A aw chu hla tak atanga aw ri lo chhuak ang mai hian kan hria a. "Eng chena sâng nge ka la lawn dawn?" Legrand-a chuan "Engtia sangah nge i awm tawh?"

·                                

 

"A sâng tawh lutuk," tiin mihang putara chuan a chhanga," a ler atang chuan van pawh alang chiang lutuk" a rawn ti zui leh lauh lauh a. "Vante kha chu theihngilh la, ka thil sawi hi lo ngaithla teh. Han bih thla la, hnuailamah hian zâr engzatnge i lawn pelh han chhiar teh?" "1,2,3,4,5. Zar lian pui pui panga ka lawn pel tawh" "Chutichu zâr 1 lawn pel leh rawh" Reiloteah a aw chu kan hre leh a, zâr 7naah a awm tawh thu a rawn sawi a. Chuveleh Legrand-a helhhawlh lutuk chuan awm ngaihna pawh a hre tawh mang lo va. Jupiter-a hnenah chuan "Tunah chuan. Jup, a zâr 7na kha i theih anga thui zawh phei la, thil danglam deuh i hmuh chuan min lo hrilh ang che" a ti a. Legrand-a chuan chunglam chu âng deuh phuau hian che lo chang lovin a thir reng a. A kutte chu chung lamah chuan a phar chhuak deuh bawk, nikin ni a. Tawtawrawt ri hria ang mai hmel hi a pu a. Nuam chu ka ti chiahlo hle. Tunah chuan, ka thianpa âtsopui ka lo rem ti chu anchhia ka inlawh mawlh mawlh lo chauh a ni. Ka thiltih theih awmchhun ni a ka hriat chu. A suangtuahna chu ka rilrem ang zawnga sawipuiin a rilru lakpensak a. Hawpui dan kawng dap chhuah tum chauh chu a ni. Tihdan tur tha ber, ka ngaihtuah lai chuan Jupiter-a aw chu kan hre leh ta a. "Hemi zarah hi chuan alawn thui ngamloh, a zar aro vek tawh a nih hi" Legranda chuan "A zar aro tawh i tia lo" a ti khur deuh dar dar a. "Aw, ka pu, a zâr hi a ro vek tawh a," a han kik ri kauh kauh a, "A ro chiang tawh khawp mai," a rawn ti lauh lauh a. Mangan hmel deuhin "Engtinnge kan tih tak ang?" Legrand-a chuan a ti a. Chuveleh ramchang ka hmu fuh tain ka hria a "Engtia han tih ngaihna a awm tawh lo a nih ber mai chu! Mu turin i haw tawh ang u! Lo kal rawh. A tlai tawh ri a. Chubakah, i intiamna kha ila hre reng em?" ka lo ti nghal vat a. Mahse, Legrand-a chuan ka tawng reng reng chu a ngaithla lo. "Jupiter" tiin a au a. "Ka tawng i hre thei em?" tiin mihang putara chu awr phiar tawng tawngin a au a. "Aw, ka pu, hrethei e" Legrand-a chuan, "I chemte khan a zar chu han sat chhin teh, a mawih tawh viau em, han enchhin teh" beisei nei takin a ti leh a. A hnu deuhvah chu "Amawih, ka pu, a mawih tawh khawp mai, mahse, chutiang em em a mawih chhia chu a ni lo. Tlem chu keimahin a la zawh phei theih ang," Jupiter-a chuan a rawn ti a. "Keimahin a! Engnge i sawi awmzia?" "Sephûng hi mawle. A rit reuh lutuk a. Ka rawn thlauh thla phawt ang a. Kema rihna chauh chu min dawl ang" "Hremhmun Misualpa!" tiin Legrand a chu a au te ta tuar tuar a. A thawl deuh hawka a hriat hnu chuan "Engvangin nge chutiang thil atthlak chu mi hrilh? Kha sephûng kha i thlauh vaih chuan i ringruh ka ulh tliak ang. I hria em. Jupiter? I hre thei em?" tiin a chhiahhlawh putar khawngaihthlaka chu Legrand-a chuan dim lo baksakin a vau zui hrep a. Jupiter-a chuan, "Aw, ka pu, khatianga he mihang putar khawngaithlak tak hi i vin vak kha a tul lo a sin" tiin thingkung atang chuan mahni leh mahni chu a thlavang a rawn inhauhsak ve a. Kan hriat phak si lohvin a phun mawlh mawlh zui a. "A nih chuan, ngaithla teh! Sephûng keng chung khan a zar kha a him chin tawka i hriat thleng zawh phei la. I rawn chhuk veleh tangkaraw pawisa ka pe ang che" Jupitera chuan, "Ka zawh dawn, Master Will ka zawh phei dawn alawm" a rawn ti vat a. Reilotêah " A tawp ka thleng tep tawh" hah hmel deuhin a rawn ti a. "A tawp a!" Legranda chu a au vak a"Thing zâr tawp ka thleng tep i ti em ni?" a ti a. "Aw, ka pu, a tawp ka thleng tep. Ka pu-o-o-o-o-oh! Awi ka rei! He thinga mi hi engnge ni?" Mahni sahimna zawngin Jupiter-a chu tlan thei ni ngat se, a mawng phe pawh kan hmu hman lovang tih chu a aw atang chuan a hriat theih a ni. Legranda chuan a nghahfâk a lo thleng ta emaw tih mai tur hian, "Engnge? Engnge ni?" tiin Jupiter-a chu a au vak a. Jupiter-a chuan, "Luruh mai mai a nih hi! Tuemawin thingkungah luruh hi an dah a ni ang. A sa zawng zawng chu Choak ten an chuk zo vek tawh" a rawn ti a. "Luruh i ti elaw! A tha e. Engtinnge thingah khan a invuah dan han en teh.

o                                                   · 

·                                  

 

aw, ka pu." "Ngaithla chiang rawh, luruh mit veilampang kha en rawh le" "Hmm! Ehe! A mak ngei mai! Mit veilam a nei tawh lo a nih hi!" Legrand-a chuan. "I mawlzia hi chu aw. Laktlaklohpa, I kut veilam leh dinglam i hre hrang em?" a ti tuarh tuarh a, jupitera chuan"Aw,Ka kut veilamin thing ka ek thin," a ti a. "A Dik chiah! I vei khawr a, i mit veilam chu i kut veilam awmna lamah chiah khan a awm a. Luruh, a mit veilam, a nih loh pawhin a mit veilam awmna thin chu i hre thei tawh em?" Jupiter-a chu rei tak a thawm a reh vang vang a. A hnu deuhvah chuan,"Luruh mit veilam chu ka kut veilamah maw a awm? Luruh chuan kut a nei ve bawk si lo va. A pawi lo ve! A mit veilam chu ka hmu ta e. Hei, a mit vei lam! Engtinnge ka tih zel ang?" tiin a pu chu a rawn zawt leh a. "A chhungah khan sephûng kha rawlh lut rawh, hrui kha nghet deuhvin vuan tlat la, i theih chen chen rawlh lut rawh." "Ka ti e, Master Will, a kuaa sephûng rawlh ringawt chu a awl lutuk, a hnuai atang khan lo en rawh u!" Hetia an in auh an in auh lai hian Jupiter-a chu a hmuh theih miah lo va. Hrui hmawra athlun Sephûng chu a rawn thlak thla zel a, Ni tla tur êng sen phût chuan a chhun tle vêt vêt a. Sephûng chu thingzâr velah chuan inbat buai miah lovin a rawn thlak thla zel a. Rawn tla se chuan ka ke zawnah tak chuan a rawn tla ngei ngei ang. Legrand-a chuan a chemkawm chu a la a, sephûng hnuai zawn patling hlam bial vel chu thatho takin a rit fai a. Chutia a zawh hnu chuan Jupiter-a chu a hrui hmawr vawn thlah turin a ti a. Amah pawh chu rawn chhuk turin a hrilh zui a. Legrand-a chuan Sephûng rawn tlakna laiah chuan hmawlh a kheng bur a. A ipte atang chuan tehna phita hi arawn la chhuak a. Thingkungin a hmawlh khenbur a hnaihna lai ber atang chuan thingkung leh a hmawlh khenbur inkar chu a teh a. Chuta tang chuan ngil takin Fit 50 a teh leh a. Jupiter-a chuan a pu thlazarna lo dipdaltu theihmu kung tetaktêtê chu chemkawm chuan alo thian nghal zung zung a. Legrand-a chuan fit 50-ah chuan hmawlh a khengbur leh a. Patling tang phel velin a rin bial a. Suahdur chu a la a, 1 ve ve Jupiter-a nen chuan min pe a. Hmanhmawh taka lai nghal thuai thuai turin min hrilh nghal a. Dik tak chuan thinphu dep depa chutiang han tih chu ka châk loh zawng tak a ni. Kan boruak tawn ka ngaihtuah phei chuan ka peih lo tih mai ka duh rum rum a. Khua chu a thim dawn a ruai a ni tawh si. Nilenga kan vahvelna avang chuan ka chau em em bawk nen, pehhelna awm se ka tirilru takzet a ni, mahse, chhuanlam siamtur tha tak ka nei bawk si lo va, a pawng a taka ka thianpa chu han hnar fithlak ringawt pawh a rilru ka tih buai belhchhahsak ang tih ka hlau bawk si! Khua a thim fel tawh avangin khawnvarte chu kan chhi a. Kan pathum chuan lei chu, chawlh pawh chawl miah lovin kan lai ta a. Khawnvar ênga kan 3 a kan lei lai chu mituten emaw min lo hmu ta thut se, mak an tihdan tur leh min rinhlelh dan tur chu sawi fiah ngaihna pawh a awm lovang. Kan laih tur chin, Patling khabe chen vela thûk kan laih hnu pawh chuan ro phumruk reng reng kan hmu lo va. A ngaihna kan hre lo lutuk chu khuavang kallai ang maiin, a rehin, kan reh thiap a. Tumahin tawng zai chhah reng reng kan tum lo. Thlarau sual bumna lak ata chu kan harh ta dawn ngei a nih hi ka ti rilru a. Legranda pawh chu inngaihtuah buai tih hriat takin a ding mar a. A thlan a huih pawk pawk a. Beidawn duh loh hmel deuhin lei chu a lai nawn leh thin a. Kan laih tur rin bial chin aia zau chu kan laih belh leh a. Engmah hmuh kan nei chuang lo. Kan ro phumruk zawngtupa chu kan khur laih atang chuan a rawn lawn chhuak ve ta a. A hmelah chuan alawmlohzia chu chiang takin a lang a. Lei kan laih tan dawn a, a kawrchung hlih leia a dah chu muangchangin a chhar a. A ha tha mawlh mawlh a. Jupiter-a chuan a puin kut zaizira a hrilh angin kan lei laihna hmanruate chu ngawi rengin ala khawm mawlh mawlh a. Kei pawh chuan engmah ka sawi lo. Hawng turin pen sawmhnih vel kan pen tawh tih chuan Legrand-a chuan lungawilova phun mawlh mawlh chunghn Jupiter-a kawr nghawngah chuan vawilehkhatah a tham ta thut a. Mihang putara mak ti lutuk chu ramhuai hmu ta ang maiin hlauin a meng phawk vak a, a kâ chu a zau thei ang berin a ang phuau bawk a, a suahdur kente chu a thlauh a. Tap lo chauhin leiah chuan a thingthi a.

"Misualpa!" tiin Legrand-a chuan a ha chang a thial rawp rawp a, Jupiter-a chu pawh darh vek tum ang mai hian, "Nang, meidil misual dum ber hi! Hrep tak che chuan, sawi rawh, sawi rawh ka tih chu, min chhang nghal rawh. Khawi, khawi hi nge i mit veilam chu?" a ti vin tuar a. Jupiter-a chuan, "Aw, Master Will hei hi ka mit veilam chu a ni chiang lovem ni?" khur zawih zawih a tih pah chuan, amit dinglam chu chiang takin a kawk pir va a. A puin a mit chu a kherchuahsak mai ang tih a hlauh hmel hle a ni. "Ka ring reng a ni ! Ka hria alawm!" ring tak in Legrand-a chuan a ti a. Mihang putara chu a chhuah a. Legrand-a chuan "Lo kal r'u! Kan lêt leh a ngai kan la haw thei lo," a ti a. Thingkung lam chu hmanhmawh takin a pan leh ta a. Thingkung bul kan thlen chuan, "Jupiter, lo kal teh! Luruh chu a hmai lang thei zawngin nge, lang theilo zawngin a intar?" tiin a zawt a.

o                                                   · 

Jupiter-a chuan, "A hmai lang thei zawngin a awm, ka pu, choakte pawhin harsa miah lovin a mitte pawh chu ankher thei ang," a ti a. Legrand-a chuan, "chutichu, i mit hetilam nge imit hetilamah hian sephûng kha i rawlh luh?" tih pah chuan Jupiter-a mit pahnihte chu a kawk tawn a. "Ka mit hetilamah hian, ka pu, ka mit veilam min hrilh ang chiah khan," a mit dinglam kawk va, chung chuan a ti leh a. "A tawk e, kan titha leh ang" chutah ka thianpa âtna chuan awmzia eng emaw tak nei riauin ka hre rilru ta a. A hmaa sephûng rawn tlakna laia a hmawlh phun chu a pawt phawi a. A hmaa aphunna atanga khawthlanglam pang, kut phah beng vela hlaah chuan aphun tha leh a. A tehna phita chu ala chhuak a, thingkung nen a inhnaih theihna lai ber chu a teh leh a, A hmaa a tih ang bawkin, chuta tang chuan ngil takin fit sawmnga a teh leh a. A hmaa kan laihna nen chuan a inkar hlat ta hle a ni. Eng emaw a chhan sawifiah theih si loh hian min ti phur ve viau mai a. Phur tak mai a, Darkar 1 leh 30min vel kan laih leh tang tang hnuah chuan, ka rilru kal ding lai chu Massa, Legrand-a ui bauh ri chuan min rawn tibuai a. Jupitera chuan a hmui phuarsak a tum pawh chuan duh lovin, kan khur laihah chuan a rawn zuang lut a, a ke hmalam chuan rang fahran hian lei chu a rawn hai bawrh bawr a. Reiloteah chuan Mihring ruhro chu a hai chhuak ta mai a. Kan han en chian chuan mi 2 ruhro alo ni a. Ruhro chu thir leh dar kawr kilh nen a awm khawm ruih bawk a. Suahdura vawi 2, 1 vel kan han thaisawn leh chuan Spanish chem lian tak a rawn lang a. Kan lai zel a, Rangkachak leh tangkaraw pawisa thir 2 , 1 hi khawnvar êngah chuan kan hmu thei ta a. Chutiang thil kan han hmuh avanga Jupiter-a lawm lutuk chu kan khap theilo tep a ni. Mahse, apu ve thung chu lawngawi loh hmel tak hian, lei chu lai zawm leh tur in min ti a, kan lei laihah chuan thir kual lianpui hi a lo awm a. Ka pal a, ka tluk pawh chuan a ngawi reng a. Engmah a sawi lo. Mit khap kar pawh chawl lovin kan lai ta sawk sawk a. Hetiang em em a ka phûr pawh ka la hre ngai miah lo. Reiloteah thingrem hrawl leh awmkhauh deuh mai hi kan lai lang ta a. Chu thingrem chu, tawng 2 leh khap khat a sei a ni a. Avanglam chuang tawng 2 a tling ngawr ngawr thung a. A chhung thuk zawng pawh tawng 1 leh khap 1 vela sei a ni, nghet takin kil tinah chuan thirin a inkilh vek a, a chhin kan han kar hawn chuan, thawklehkhatah, ro chhiar sen loh chu kan hmaah chuan a rawn inpho lang ta uar a, khawnvar êng chau tawh takin kan khûr laih a rawn ên pawh chu a tle ta sût mai a. Rangkachak leh lunghlu tam tak chuan kan mit chu a ti vai lo chauh a ni. Chutih laia ka thil hmuhin min tih phawklekzia chu lei tawng leh van tawng pawhin sawifiah thiam theih rual a ni lovang. Thawlehna ni a lo thleng ta emaw tih mai turin kan 3 chuan che lo changlo chuan kan meng â ruai a. Min lo hmutu chu awm se, damchhunga âtphahna tham khawp hialin thlarau rapthlak hmuhin min lo hmuin ka ring. Legrand-a hlim lutuk pawh chu a hlim rui ni hialin ka hria a. A hnuk a ulh a, tawng ngaihna pawh a hre lo hial a. Jupiter-a pawhin mak tiin a mit a nuai a, chal chuar meuhin a meng fiah leh kawk kawk thin a. Ani ang mihang putar rethei tak tan chuan kuta sak loh chatuanin chu mit khapkar chhung lekin a bantlang ta emaw tih tur hial hi a ni reng a. Hriatna thazâm mumal nei lova vuak leh tawp, chawmawlh zo vek hi a ang berin ka hria. "Sephûng avang khan hetiang zawng zawng hi a rawn thleng a! Sephûng mawi tak mai chu! Sephûng khawngaihthlak tak mai kha, khatiang khan tawngkam chhe takin ka lo ti vel a! I zak lawm ni, mi hang putar? Min han chhang teh!" tiin amah leh amah chu a inhau mawlh mawlh a. Mu leh mal pawh a nei thei lo. Legrand-a hnenah chuan rei rial lovin kan ro phumruk laih chhuah chu a lak chhuah dan kawng kan zawn vat a tul thu ka hrilh a ngai ta hial a. A tlai tawh si a, zing khawvar hmaa avaia in thlen theih chu kan tan atluka tha a awm lo. Ro phumruk chu a tam em avangin a tihdan tur pawh hriatthiam a har khawp mai, rei tak kan ngaihtuahna kan thawh khawm

, fel taka ro rel thiam a har hle a ni. Atawpah chuan ro, hmun 3 a then a hmun 1 chu harsa ti takin khûr chhung atang chuan kan la chhuak a. Theihmu kungah te chuan kan dah tha a, kan lêt leh hma chuan Massa-a chu lo veng tlat tur leh khawiah mah kalbosan lo turin Jupiter-a chuan a hrilh a. A hrilh satliah pawh a ni lo, a vauin a vau ni berin ka hria. Tichuan, kan 3 chuan thingrem chu thimtham zingah pai chawn chawnin kan zawn a. Thlantui far zawih zawihin zinglam dar 1 velah Legrand-a thlâm chu kan thleng a. Kan chau chhe lutuk chu, han phek chhuah lehnghal mai thei lovin dar 2 thleng kan han chawl hahdam têtê a. Chaw kan eikham hnu chuan buara ip lian tak pathum kan keng a. Ro phumruk kan laih chhuahna lam chu kan pan leh ta a. Zing dar 4 velah kan va thleng a. Kan lak bâng zawng chu hmun 3-ah a rih dan inrualkhai thei tur berin.

 

kan sem darh a. kan khur laih pawh chilh leh tawh chuanglo chuan kan haw leh ta nghal vang vang a. khawchhak lamah kawl a eng tan tih chuan kan vawi 2 na chu in kan thlen ve leh hman hram a ni. Kan chau tawngkhawng tawh bawk a, Darkar 3 vel hnar bawrh bawrh a kan han muthilh hnuah chuan kan thova, kan ro chu enchian kan tum ta a. Thingrem chu a inhnawh muk hle mai. engmah inrem fel thlip thlep awm lovin, a inchawhchawrawi vek a. A chhunga ro awm enchiang tur chuan Nileng a hun kan hman bakah a tuk zan thleng chuan hun kan la duh belh a, a zavaia kan thliar hran hnu chuan a tira kan rin aia tam ala ni ta fo va. Rangkachak pawisate chu a hlutna kan chhut thiam dan ang tawka kan han chhutin $450000 vel hu ni in kan hria. Tangkarua pawisa reng reng a tel ve lova. A vai chuan Rangkachak vek ani a, pawisaah te chuan hmanlai hun a chuang hlawm a,Ram hrang hrang pawisa a ni a. French, German,Spanish,English pawisate an ni. Tam tak chu kan la hmuh ngai miah loh te pawh a awm a. Thenkhat chu a inziak a hlui tawh lutuk avangin a chhiar theihtawh lo a. khawi ram pawisa nge a nih tih pawh kan hretheilo, Mahse kan han enchian fe hnu pawh chuan America pawisa chu a tel ve miah lo. Rangkachak pawisa mai bakah chuan namen lova tam LUNGHLU a awm bawk a, lunghlu lian zualte chu 130 vel a awm a, Emerald Lunghlu hring nalh em em te chu 360 vel a awm bawk a. chubakah an hming ka hriat loh lunghlu 500 chuang fe a la awm bawk a. Reitak chhung kan rophum ruk laih chhuahte chu kan en chian hnu chuan kan sophul zualpuite chu a kiam ve ta a.

Chutah,ka hriat chak em em mai rophumruk awmna a chhui chhuah dan chu kan han ngaithla ta a. Legrand-a chuan thupui fun takin thuthmun a han siamtha te te a," i la hria ang a". a ti a, a aw chu a han thian a, a thusawi lai chu chhunzawm lehin " Sephung lem ka ziahna lehkha ka pek zan che khan ke lem ziahin Thihna luruh a an thu i sawi avanga i chunga ka lawmlohzia kha ila hriain ka ring. Kha tia i sawilai khan i uang thuang mai mai emaw ka ti a. Mahse, Sephung hnunga chhun han awmte kha kan hriat chhuah chuan i thil tehkhin chu a awm ang ve viau tho chuan ka hria, chu pawh ni se, ka lemziah thiamloh zia min hrilh khan min la tithinur tho tho a ni. Midang hmuhah pawh lemziakah na na na hi chuan ka khawr bik hran lo chuan ka hria, mase, i veilam pawh tluklo hial khawpa ka themtlaw zia i sawi kha chu ka ngaihdan a ni teh chiam lo a ni. Tichuan , ka lemziahna savun min rawn pek let leh pawh khan ka hlawm nawk nawk a, mei a vawm luh mai ka tum a nih kha." a ti a. "Kha lehkhathem kha itih na ani maw?" ka lo ti a "A landanah chuan lehkha them mai mai a ang a! kei pawhin a ni emaw ka ti a. mahse ka han bel chiang a, savun pan tak a ni tih ka hmu chhuak a,I la hriat chian chu an balh pawh a bal hle a nih kha, Hlawm nawk nawk a meia vawm luh ka tum lai tak chuan, ka lem ziak chu ka en leh hlauh va! mak ka tih a ka tih zia mai chu!Nang pawhin ka hmel atangin i hriatthiam ka ring!. Sephung lem ka ziahna lai takah khan thihna Luruh lem ang deuh mai chu ka hmu ve ta tlat mai a. A mak ka ti takzet ka ni! ka sephung ziah chu thihna luruh nen chuan in an ve na lai deuh chu a nei a, nihmahsela chu nen chuan inkar hlat tak mai a ni! ka sephung lem ziah ni miahlo lehkha thema lo lang chu ka hrethiam lo hlemai a! sathau khawnvar chu ka la a. pindan kilkhatah chuan kan thu a, ka thillem savun chu kan en chiang leh zual a! A lehkha leh lam pang chu kan enchiang a ka thil ziah ngei mai chu a lo la awm reng mai a. sephung lem ka ziahna hnuai lam pang deuh hlekah chuan thihna luruh lem chu a lo awm a. A len zawng leh a pianhmangchu ka lem ziah nen chuan a in ang em em mai a. Hriat lawk hauh lova chutiang thil rawn thleng mak tak chuan rei ngial ka ngaihtuahna a ti buai a. engmah ka hre chhuak thei lo.Pa burchut ang maiin a ngawngin ka ngawng chiang khawp mai. mahse bengsika ka ngaihtuah that leh hnu chuanthil pakhat ka ngaihtuah chhuak ta a. sephung lem ka ziah dawnah khan a leh lam leh lampanga ka en chian em a vang chuan engmah ala in ziak lo tih chu chiang tak mai chuan ka la hria a, Thihna luruh lem kha awm sela chuan ka hmuh hmaih bik hauh lovang le! chhungrila ka thiamna leh finna in thukru chu a awm hle hle thei ta miah lova. khami ni a kan vah chhuahna leh Thihna luruh hian inzawmna a nei deuh tlat a ka hriat avang chuan keimah chuah va ka awm hun a ngaihtuah that leh a tan ka ipteah chuan ka ak tha ta a. "I haw hnu khan Jupiter-a chu tui takin a muhil nghal bawrh bawrh a, kei chuan chiang leh zualin ka lemziahna lehkha chu hriat chhuah ka tum leh ta a. A hmasa berin Savun lehkha kan chharna hmun ka ngaihtuah let leh a. sephung kan chharna hmun hi thliarkar chhaklam mel khat vela hla, li thuk tak awmna hmun bul lawk tuipui kam khuamualah ani, ka man velleh min seh vak avangin ka thlah phah hial a. Jupiter-a lamah chuan a thlawk pheia .Jupitera hi a hmel en ngawt aia Fimkhur a ni a, sephung manna tur a tan hnahthel emaw lehkha emaw a tuamna tur a zawng hmasa te te a, Vaivuta lehkha awm a hmawrin phum a hmawr te lo pir vah chu sephung manna a tan chuan a pawt chhuak a ni. Lehkha them kan chharna bul velah chuan Lawng chhe them pawh hmuh tur a awm nual a, Mahse a hlui tawh em avang chuan lawngchhe them a ni tih pawh hriat harsa tak a ni. "Jupiter-a chuan Savun lehkha a tuam sephung chu min rawn pe a. kan haw kawngah chuan Lieutenant g-a chu kan tawk a. rannung chu ka entir a! a ni chuan a chenna hmuna hawn phei chu min dil a. ka phal hnuah chuan Sephung tuamna lehkha chu ka la keng zel a, G-a chu Pathian thilsiam mak tak tak tuichilh leh ngaihven em em mai a nih a vang chuan ka rilru ka thlak leh ang tih hlau ni awm fahran chuan a kal nghal ta vang vang a. Ngaihtuah pawh ngaihtuah lovin savun lehkha chu ka ipteah ka lo khung ve ri ngawt mai a a ni. "Dawhkan lampan a ka kal lai kha ila hre ve reng em? sephung lem ziahna tur lehkha ka zawng a nih kha, ka lehkha dahna thina ka hmuh mai loh avang khan pawhdawh ka hawng leh a nih kha! lehkha a lo awm chuang lova, ka ipte chu lehkhathawn hlui vel tal alo la awm takin tih thuah kan dap rawk rawk a, Savun lehkha kha kan khawih fuh ta mial a, chutiang chu ani, Savun lehkha ka kut a alo awm dan chu! a mak ang reng khawp mai! " ka suangtuahna a kal thui i ti mai thei mahse thil hrang hrangte chu a in chuktuah rem thei tur berin ka ngaihtuahna fim tak chuan ka ngaihtuah ta a, tuipui kamah chuan lawng keh them chhia a awm a, chuta tanga hlavak lovah chuan Savun lehkha alo awm leh a.. Lehkha pangngai mai mai a ni lo,! Thihna luruh lem a chuang a. nang chuan , " Enge a inkungkaihna ?" iti mai thei ! Luruh, Thihna luruh chu lawng suam hmang chhinchhiahna a ni a. hma la tura an kal chhuah a piangin luruh lem hi an lawngah an tar thin a ni. "Savun lehkha chu a tha rei em em a! Thil pawimawh tawp khawk tih loh chu hetiang savunah hian an ziak ngai lo, chubakah Savun lehkha chu eng emaw han ziah satliah nan mai mai chuan a hman tlak loh a ni. chu savunah chuan thuruk pawimawh tawp khawk rei tak chhung chhinchhiah tur leh theinghilh mai mai loh tur an ziahna anih ka ring ta a ni". A thusawi lai chu lo pawt chatin"sephung lem i ziah lai khan thihna luruh lem lehkhaah khan hmuh tur a awm lo iti si a!thihna luruh chu Sephunglem i ziah lai khan engtin emaw tihpalh thil thuin a lo lang tihna em ni?" ka ti a. Legrand-a thusawi chhunzawm tur chu hriatloh palh hlau tak mai chuan ka beng ka chhi zui leh ta nghal a. ka chil tak ngial pawh ka lem ring phal lo.

 

Edit tur…

‘Nia, chutak tak chuan alawm,thilmak tak a inphum ru ka tih chu.mahse chutihlai chuan thil inphum ru chu,chhuichhuah ngaihna reng reng ka la hre lova. Sephung lem ka ziah lai chuan savun lehkha ah chuan thihna luruh lem chu hmuh tur a awm miahlo.A lem ka ziah zawh khan ka pe che a, min pek let leh hma pawh khan khawdang hawi miah lovin chiang takin ka lo en reng che a. Chuvang chuan thihna luruh lem chu I ziak lo tih ka hre chiang en em a. tumah dang han biak tur pawh an awm chuang lo.mahse kan pahnih a kan ziahloh ve ve si chuan tunge ziak ta ang? Mahse thihna luruh lem chu chiang takin a in ziak si. Chutia ka ngaihtuah lai tak chuan, thil thlen dan zawng zawng chu ka ngaihtuahna ah chuan chiang takin a rawn lang uarh uarh a.engpawh min zawt se, thil th;en dan chu a indawtin chiang takin ka sawi thei vek ang.

 

Khua a vawh a vangin in meilum kan chhem a, keichu dawhkan bul mai ah chuan ka thu a.Nang erawh chuan kan meikhuchhuahna bulah thuthmun I rem ve thung a.i kut a savun lehkha ka pek che kha en I tum lai takin kan ui chu a rawn lut a.i kut veilam chuan I chul thuak thuak a, I nem sawn a.savun lehkha chu I kut dinglamin I keng a.tum vang reng pawh nilovin I kut dinglam chu I kapkarah chuan I dah a.meilum chu kapkalak a I ai avangin savun lekha chu I ti kang thelh a.keipawhin rawn hrilh che ka tum zuau hman nghe nghe ani, mahse ka hrilh hma che in ikut chu i la let leh a.sephung lem ka ziah chu i en ta a.hetiang thil thleng vel chu ngun tak a ka ngaihtuah chuan, meilum ngei chuan savun lehkha a thihna luruh lem chu a rawn tilang a ni  tih chu ka ring ta a.

 

 

TA TANG TIH LEH TUR

 

Hmanlai atang tawhin damdawi bawlhlo chi hrang hrang chawhpawlh hmangin lehkha ah emaw savunah emaw engmah langlovin an lo ziak tawh thin tih hi I hre tawh ngeiin ka ring a. Hetiang a an ziah hi thil lum leh sa a kan han hem chuan,chhiar theihin a lo lang thin a ni. Aquarigia ah tui a let li in pawlh ila chutia tih chuan thil in ziak chu a chhiar theih a.Mei lum a kan hem chuan,a daih hnu ah thil inziak reng reng chu a bo leh vek thin. Hem lum lai chauhin thil ziak chu a lan thei thin a ni. chu thihna luruh lem chu chik lehzualin ka han bih a. Thihna luruh hnaihtu savun lehkha tlang chu hmundang aiin a lang chiang zawk a.chuvangin an thil ziahna bawlhlo vel chu a chawhpawlh dan a inruallo tih ka hre thei a.hmanhmawh takin meilum chu ka chhem a.savun lehkha chu ka hem lum a vek a.a tirah chuan thihna luruh lem chauh chu a rawn lang chiang zual a.mahse dawhthei tak a chutia a ka hem lum hnu chuan,lehkha kilah chuan kel lem ang deuh hi ka hmu ta a. ka zir chian leh zual hnu chuan kelki lem a ni ngei tih ka hmu chhuak ta a.A thusawi kar lakah chuan ka insum zolo chu ka lo nui deuh hak a.nuihzat na chhan tur chu ka nei miahlo.cheng maktaduaih khat leh a chanve zet chu nuihzat chi awzawng a nilova,mahse thil pahnih rem tak a inchuktuah sa chu a pathumna kellem nen chuan engtin nge I thlunzawm tak ang?Tuipui suamhmang te leh kellem chuan engtingnge inzawmna a neih theih ang? Anni chuan kellem chu engatan mah an ti awm silova.kuthnathawktu te nen a inkaihhnawih daih a ni lovemni ? ka lo ti a.

 

      Legrana chuan thil thui tak min hrilh tawh nain, a thil sawi ho chu han chuktuah khawm dan reng reng ka hre lo.Legrana chuan a hma aia thutak zawk hian min rawn melh a,mahse Kellem satliah mai mai ani hauhlo. A thilsawi chu a kip a kawiin hriat ka duh avangin, Nie, kel pawh chu nise enge a danglam vak na.? ka ti leh a, ro phumruk kan haichhuah tirh a ka phur ang hial khan ka phur tawhin ka hria. A khabe liam chang chuan ngawi rengin a thusawi chu ka ngaithla chhunzawm leh a. Legrana chuan “danglam vak love,mahse ka thian duhtak, thil inphumru chu engemaw chu sa awm ngei ang tih ka ring tlat ani.

 

Captain Kid an tih thin hming kha ilo hre tawh thin mai thei a,chuvang chuan savun lehkha a kellem inziak chu,mimal hming nen a induh ta riau in ka hria a. Thihna luruh lem chu milem lu emaw,thu nemngheh na angina ka ngai a,chutiang rilru pu a savun lehkha ka han thlir chuan,a hnuailam kil a kellem chu mimal hming nen hmehbel a rem ta riau a ni. Mahse thildang inziak engmah ka hmulo chuan min ti lungawilo hle a,hmuh ka beisei ber hmuh tur a awmlo chu a mak ka ti rilru hle a ni’ a ti a.A mawng kham chu a han insiamrem hlek a. keichuan ‘Thihna luruh leh kellem inkarah chuan thu inziak a awm I ring a ni maw?’ tiin ka lo zawt nghal vat a. A ni chuan  “aw, chutiang deuh chuan ngai e,dik tak a sawi chuan, ro phumruk chungchang inziak se ka tih lutuk vang  pawh nifahmiang,chuti khawp a fimkhur a thuruk an ziak ni ngei a ka hriat avang chuan ka lo ngaisang rilru zawk ta em em a.i la hria ang a ,jupitera’n sephung rangkachak a tih kha. Mahse tumlawk leh ruahman lawk miah lohvin a in tahtawl a thil a rawn thlen dan kha a mak ngawt mai. Kum tluanin khua a lum a,khami ni kher khr a meilum ai ngai khawp a khua a vawt te kha ila hria em? kha savun lehkha i ken lai tak  khan,uiin lo zuan lo che sela chuan,thihna luruh kha kan hmu miah lovang.  Ro phumruk hai chhuaktu pawh kan ni miah lovang le.” ti a . Keichuan. ‘Nia, legrand, han sawi zel the’ ka lo ti a.

 

 

 

 

“Awle, kid a leh a hoten ro tam tak an thuhruk thuthang hi ilo hre tawh mai thei a,Hetiang thu a lo than na chhan hi a awm ngei ang. Hmanlai atang tawh in rophum ruk chungchang hi an sawi tawh thin a. Tun thleng hian an la sawi chhunzawm zel a.Chuti a nih chuan rophumruk chu tuman an la hmu chhuaklo tihna a ni thei ang. Kida hian a ro phumruk hi hai chhuak tawh nita ang se,heng thuthnag te hian sawi zui a hlawh tawh miahin a rimawm loh ani,chubakah keini thleng thlengin s kan lo hriat ve a rinawm loh a ni.i ngaihtuah chian chuan heng thuhang vel ah hian pawisa chauh an sawui thin a.mahse thenkhat chuan pawisa mai anih loh thu an sawi bawk thin. Lawng suam hmangpa chuan a Ro chu hmu let leh nise,tun thleng thlengin khual thuthang engmah a awm zui tawh a rinawm lohva,ka rindan chuan tihpalh thil thu in a chhinchhiah rukna lehkha chu a tibo palh anih ka ring a. Kil tin kil tang a zawn hnuah pawh a zawng hmu leh thei tawhlo ani ngei ang. Chu chu a thuihruai ten an lo hria ang a. Titi leng vak a lo darhsarh ta niin ka ring a, Kida rophum ruk hmuhchhuah tum a thuihruaiten an  zawng vel thuthang chuan beng a verh ta hle a,in kaihhruaibna tha mumal neilo in an pawngpaw zawn chiam chiam a. Chuvang chuan ro phumruk thuthang chua lo lar phah ta em em ani.

 

Helai tuipui kam ah hian rophumruk an hai chhuah thu i hre tawh ngai em.?”a ti thut a. keichuan “hre ngai miahlo”ka lo ti var a. A ni chuan. “Kida rokhawm tam zia chu tlang hriat ani a.leihnuai a hmuh chhuah lohvin a la inphum bo a ni ang tih ka ngai nghet hmiah a.Ro phumruk awmna lai chu savun lehkha ah hian a inziah ka beisei a.ka beidei mai pawh a nilo, a rinin ka ring nghet tlat a ni.

 

 

Thukah chuan mei chu ka vur belh a, savun lehkha chu ka tilum lehzual ta a ,chuti chung pawh chuan engmah a la lang chuanglo. A lehkha hlui leh balh tawh lutuk vang chu a ni thei ang a, tiin fimkhur takin savun lehkha chu tuilum in ka silfai ta a. Chutia ka tihzawh chuan thleng ah a rem thei ang berin ka phah a, meichungah chuan ka ur ta a.reilote ah thleng chu a rawn sa chhuak nghal vek a,savun lehkha pawh chu hmun tam takah a rawn dum ta thliah thliah a. Thil inziak a awm ngei a ni tih chu a rawn lang tan ta riai riai a.ka phur hle a. Fiah angreng tak a lan theih hnu chuan,tun a i hmuh theih ang hian a lo awm ta a ni,’tiin ka enchian theih tur chuan min rawn pe a. A hnuai ah chuan hawrawp thuhruk hriat mai mai theih loh tur hi thihna luruh leh kellem inkar ah chuan a lo inziak teuh amai a. Lehkha chu ka en vang vang pawn a hma ang thovin ka la bo tho mai. Balconda lunghlu zawng zawng pawh hlawh chhuak dawn mahila. He thil chhut chhuak tur hi chuan,ka finna leh thiamna hi engtihna mah anilo. Eng rohlu mah ka hlawh chhuak zo hauhlovang le.ka ti a. Legranda chuan.mahse he thil hi hei ta i hmuh ang ai hian chhut chhuah a har tehchiam hleinem. Heng hawrawp te hi a landan a tang hian awmze ril tak nei a ziah a ni a. Mahse, Kida ka ngaihtuah chuan hawrawp inthup harsa lutuk ziak tur chi niin ka hre lova,ka rilru chu ka han sawrbing deuh a . Lawngkhalhtu rilru mawlmang tak chuan a hawnna chahbi chu tuman an hriat theih a ring miah lovang.mahse chu chu thil harsa a nilo tih  chu ka hre thei mai ani.

 

[Heta a hawrawp a remkhawm dan vel hi chu ka type duah peih tawh lo e a.hihi..]

 

Chuti chuan hetiang deuh hian ka han rem khawm ta a . ‘The  good glass in the bishops hotel,in the devil seat,41 degree and 30 mins north east and by north,main branch ,seven link east side, shoot from the left eye of the death head,the  line from the tree,true the shoot fifty feet out.’ Hetiang hi a nih a vangin thu in thukru chu a hma aiin a sak deuh talh a. Engtinge hetiang thu harsa leh khirhkhan tak tak kan hriatchhuah theih tak ang le. Han en thuak pawhin he thil hi awl ai lo hle ani tih chu ka hre chiamg em em a.la hnawk chingchivet thei ang ber chinfel tum ang a la ni tho mai. A ziaktu chuan hriatthiam mai a harsat nan a hawrawp a thuhruk bakah a ziak zawm put a.a thuziak hi bih cheuh cheuh hian hlawm hrang hranga then theih niin a lang a.

 

 

Tichuan hetiang deuh hian ka thliar hrang ta a . A thu thliar hran tawh sa pawh chu ngun em em a ka en nawn leh pawn a awmzia ka la hrethiam chuanglo reng reng.

 

Ni enge maw zah hnu ah chuan sulivan thliarkar a kan thenawm te chu. BISHOP hotel tia an sawi thin, In a awm leh awmloh ka zawt a.mahse engmah hriat belh ka nei lem lo.Hotel tih chu thu awmze neiloah ngai in ka han thlauhthla chhin a.Tukkhat chu bishops hotel tih chuan hmanlai chhungkaw hming a kawk tlat a hriatna ka nei ta a . Chu chhungkaw hming chu ,BISHOPS  tih nilovin BISHOP tih ani zawk a. Hmanlai  hriat phak tawh mangloh ah khan he sulivan thliarkar ah hian in ropui tak an lo nei tawh thin a ni. Chulai hmun vel nia an sawi ah chuan ka va kal a.Mihang pitar leh putar te chu ka va zawt kual a.an zing a upa ber chuan bishop castle tih a awm thin thu chu min lo hrilh a. A hmun a min hruai theih tur thu leh, bishop castle chu inropui emaw khualbuk emaw nilovin lung lianpui anih thu min hrilh bawk ani. Min buaipui hah na vang chuan sum tamtak ka pek tur thu ka hrilh a. A tir chuan sum duh vang a min hruai tur nia a in chan deuh a vangin a hreh deuh a. Mahse a lo tawng awh tawh avangnge a hnu chuan min hruai leh ta tho va,a hmun chu harsa lemlo tak chuan kan va thleng a.  Chumi hnu chuan min hruaitu chu ka hawn tir leh ta a.

 

 

 

 

A hmunhma vel chu uluk taka a ka en vel hnu chuan, bishop castle  chu hotel emaw in ropui emaw nilovin  lungpui hmun khawkrawk em em mai hi a ni a. Lengkir sang tak tak te pawh a awm teuh a.. Pakhat phei chua dang zawng zawng aiin a sang lehzual a. A ko ah chuan ka han ding a.ka han hawi vel pawh chuan tih leh chuang tur ka hre der lo nia. Chutia ngaihna hrelova ka hawihaih lai chuan. Lung indawh hi chulai ah chuan ka hmu ta a. Chu lungdawh chu ban chen vel a rawn filawr hi a ni a. A thui lam chu tawng khat vel tur awm hi a ni a.  Ka en vang van chuan hmanlai thutthleng kan pi leh pu ten an hman hi ang hle in ka hria a. Ka rilru chuan.. chhekchhehei … hei ngei hi a nih hi DEVIL SEAT chu ka ti a.rang takin ka pan ta nghal a.

 

Lawng lam a chetla thin te chuan glass tih chu entlang sawi nan bak an hmang zen zen ngailo tih ka hria a. Chuvang chuan ka thu rem khawm a , ‘The good glass’ tih chu, Entlangna ni ngeiin ka ngai nghet ta a.  Chu devil seat a tang chuan entlangin en ila thil enge maw chu ka hmuh chhuah ngei ka inring ta a. Savun lehkha a a inziahdan; 41 degrees and 30m mins tih leh north east and by north tih chu entlangna herh mil dan tur a nih ka ring ta bawk a. Chutiang chiah a ka siam rem chuan ka thil zawn chu ka hmuh theih ngei ka ring a. Phur em em in ka tlan haw leh ta phawt a.ka entlang nen chuan lungpui lam ah chuan baklengin ka tlan kir leh ta a.

 

Lungdawh filawr ah chuan ka han chuangkai a.hmun khat hawi zawng chauhin a lo thut theih a,a hmaa ka lo suangtuahna chu chu chuan a rawn nemnghet ta chiah bawk a. Entlangna  chu ka han phawrh chhuak a,ka ipte a compass hmang chuan ka han herh mil a. A in ziahdan ang tak chuan a san lam 41 degree an 30 leh a khamphei zawng a  thlir dan tur north east and by north chuan ka han herh rem a. Entlang na dik tak a han her rem vel chu ka tih than a nih chiahlo avangin  a dik awm ang tawk vel a ka rin chuan ka herh sangin ka herh hniam a.

 

Chutia ka tih chuan ngun takin ka han thlir kual vel a. Chulai hmun a chuan thing  sang fal bik karah chuan thil engemaw kaw bial deuh hi ka hmu a .Chumi kaw bial deuh a chuan thil var hi ka hmu bawk a. Enge a nih ka hre chiang thei mai biklova, ngun lehzual a ka han bih hnu ah chuan. Mihring luruh ngei ani tih chua ka hret thei ta ani.,chumi ka hmuh hnu ah chuah engkim hi ka chhut chhuak ta ni mai in ka hria a. Tin, thukru dang ,, main brach, seven link.east side tih te chu thing kung a luruh awmna lai sawina niin ka hria a. shoot from the left eye of the death head tih pawh chuan awmze pakhat chauh a nei hei ang; Chu chu luruh mit veilam atangin silai kah tur tih ani ang a. Chu silaimu in lei a zuk fuhna hnu hma leh,thingkung inhnaihna lai ber ngil tak a rin a kawk  ang a,chumi rin ngil taka tang chuan feet 50 kan rin leh tur ani ang a.chumi tawpna lei hnuai ah chuan,ro phumruk chu a awm ngei ang tih ka ring ta a’ a ti a.

 

Keichuan.’Chutia a kip a kawi a min hrilh tak ah chuan, ka var ta uarh amai. A bengvar thlakin a fin thlak viau naa. A ho angreng viau lawi bawk si a. Chumi hnu chuan engtin zel nge tiin nghakhlel tak in ka lo zawt var a.

 

He thil chungchang a finthlak ta  em em mai chu,thingkung kar a thil kua chu khawi a tang pawn thlir in hmuh tum leh mahila; a hmuh theih reng reng loh mai chu a ni.

 

Hemi hmun Bhishop hotel a ka kal tum hian Jupitera chu ka hruai ve a , a chhan pawh chawlhkar tam tak chhung ka awmdan maksak tak chu min ngaihven em em a. Rampalaileng a keimah chauh a min thlahthlam a remti lova. Chubakah; ka kiang hnai a a awm reng a vangin ka tan han relhruk san dan vak a awmlo a ni. Mahse a tuk vartian ah chuan hma takah ka tho a. Kalsan dan tur ka ruahman ta a.  Tlang lamah chuan thingkung zawng tur chuan ka chhuak ta a. Hah tak a ka zawn fe hnu cuan ka hmu thei ta hram a, in ka thlen chuan Jupitera chuan ka thlim a vangin min vuak a tum ta hial reng a.mahse min han en khan a thinurna zap dai thei khawp a ka chauh chhiat a vangin a tum chu a thulh leh ta ani.

 

Chumi hnu a thil thleng zawn zawng chu keimah ang thovin i hriat vek tawh kha. A ti a.keichuan ‘Nie,mahse, kan zawn hmasak khan a nilo lai kan lai char char a, Jupitera nikhua lo lutukin luruh mit veilamah nilovin a mit ding lam ah sephung kha a rawn   thlak, a

 

 

thil tih sual khan zungthum bawk velin silai kahna hmun tur kha a ti sawn a. Tul lovah kan hah hrep phah ta ani.sephung rawn tlakna hmun a hmawlh leh thing nen a inkar hlat lam kha ngil tak a rin tur ani a,chumi rin chu rophumruk na kawk tu tur chu a ni.jupitera nikhualoh a vang a chhete a insawn kha, feet 50 han rin chuan a lo insawn ta dawrh a.a vawikhatna kan hlawhchham hnu pawh khan ro phumruk chu a awm ngei a ka rin tlat avangin hlawhtling takin a hmawr kan bawk theih phah ta ani. Chutiang chu nilose kan hna thawh hah na zawng zawng khan awmzia a nei hauh lovang le.’ A ti a.

 

Tunah chuan thil pakhat leh chiah mak tih ka la nei. “Chu chu kan khur laih a ruhro lo awm te kha engvangnge tih leh tu ruhro nge niang tih hi?”  ka ti a.

 

 

 

Nangmah ang thovin chumi chungchang chu ka la hre bik miah lo mai. Amaherawh chu niawm ang thei ber a hrilhfiahna pakhat chu a awm thei ang. Mahse nunrawng lutuk a mi dang va puh erawh a tha in a mawi tehchiam lo mai thei. kan ro chhar te hi kida rophumruk ni ngeiah ngai ta ila; hetiang zat zat Rophum tur hian amah mai chuan a tih theih a rinwm loh a. Puibawmtu pahnih khat chu a nei ngeiin a rinawm.mahse ro chu an han phum fel hnu chuan kida chuan hriatpuitu neih a duh leh lo emaw, tul a ti lo pawh a ni mai thei, A dahtha zui ta mai ah lo ngai ta ila.khur chhung a an la awm lai chuan silai vawihnihkhat han hmehpuah mai chu a tawk viau awm e.vawi sawmpahnih pawh ani maithei.tunge chiang tak a sawi thei tawh ang le.

 

 

                                         A TAWP  TA..