THANGKHAMA MICHAK
MI CHAK THANGKHAMA
He thuziak, Mizo mi chak Thangkhama chanchin ngaihnawm tak hi "Hualtu Khaw Chanchin" FB Group-a Rama Chhangte Chhangte ziak ka rawn lakchhuah a ni e.
Hmasang, Murakeka khuangchawi lai daih tawh khan mi pakhat Hauhnara a awm a, a ni chu Hauhnar hnam thlahtu a ni. Hauhnara chuan fapa Sekhlaha a nei a, Sekhlaha hian Senlaia nei lehin Senlaia chuan Hrangliana a nei ve leh a ni. Hrangliana hian Lalvanga a nei leh a, Lalvanga hian Thangchuailova "Chuaibuka" an tih nei lehin a ni hian a chanchin kan sawi tur mi chak Thangkhama hi a nei leh ta a ni
Thangkhama hi kum 1866 khan Hmuntha bul Khawhreng Bunghmunah a piang a. Khawhreng atang hian apain Hualtuah a pempui a, Hualtua a awm lai hian nupuiah Tochhawng nula Chawnghnuni a nei. A nupuiin an fa hmasa ber tur Ralkaithianga a pai puar laiin Khawhrengah bawk an pem leh a, heta an awm lai hian Ralkaithanga chhang tur pahnih ngawt hlamzuihin an hloh va. Tichuan an fa palina tur Ralmanhleia an pai laiin khawthar satin Chhawrtui Bunghmun (Chhawrtui leh Puilo inkar) - ah an kai leh a. Mak ve ang reng tak chu he ta an awm lai hian hlamzuihin pahnih an hloh leh phawt a, chumi hnuah Bunghmun atang hian a nupui raipuar lai bawkin Zaingenah an pem leh a, chutah chuan an fa tlum ber Ralkaithianga, "Tuikhara" tia an koh chu a lo piang ta a ni.
Zaingena an awm lai hian Puilo lal Khawtinkara'n puithiam Sadawt atan a sawm avangin a pem ta a, eng emaw chen a awm hnu chuan Hmuntha lal Laltawnga'n Sadawt puithiam atan a sawm ve leh ta a, chutia a chhuahna khaw lal leh a lo hrawn thin lal fapain puithiam ni tura pema a han sawm ta chu a lung a len leh ta a, Hmunthaah chuan pem lehin Hmunthaah chuan a thih thlengin a awm ta ni.
Thangkhama chakzia lanna hmasa pawl chu; kum 12 mi vel a nih laiin pasalthain sanghal sumriat a kap a. Sanghal sumriat lu chu patling zawn tawk a ni a. In an han thlen chuan Thangkham chuan sanghal lu chu a hmuiah a vuan a, a lek kang ta va va mai a, chumi an han hmuh chuan la chak dawn hleah an ngai a, a lo lian zel a, an rin ang ngeiin a lo chak ta em em a ni.
Tin, a han tleirawl chhuak, tlangval chho chu a hrisel tha bawk a, a tha hi a za thei em em mai a. Kum sawhnih vel a nih kuma a nunchan zir phei chu rizapah a kal a, thingtuai chawnpuar tia vel chu a elh ving vial ngel ngul mai a, a tlawh tliak bawk a, rizap eng emaw tiat lai kha a eng hawk mai a. Mi pakhatin, " Thangkhama'n rizap a vat e," tiin a hek ta a. Lalin Thangkhama a han zawh a, thil awmzia a hriat nak chuan," Thangkhama ang panga hi ka va duh tak em," a ti ta zawk a ni.
Khawhreng atanga Hualtua an in suan thlak dawn tum pawhin an sial chu a kal duh lo a, a bawk lui tlat reng mai a. A kal duh hun an han nghak khaw muang a, a thianpa kawmngeih em em Zabula'n a nghahpui a. Chutia an nghah chhung chuan an thiante chu an liam zung zung mai a. Thangkhama thin chuan a tuar ta lo va, a pa hnenah, " he tia kan nghah reng chuan kan thiante'n min liam zawh san vek mai dawn e, ka hnuk mai dawn," tiin a dil ta ngawt mai a, a pa pawh chuan a lo remti ve mai a. Thangkhama chuan a han hnuk ta a, sepui meuh si kha a hnuk tawlh ta hun hun mai a, fing khat dawn a hnuh tawlh hnu chuan sepui chu a zam ta a ni ang, a tho hlawl mai a, a pang lei dep lam chu hmul pakhat mah awm lovin a pilhin a kheng rawt mai a, chuti chung chuan Hualtu lam panin an in chhawm thla ta bung bung mai a ni.
Zaingena an awm lai pawhin a pa nen sial an kai a, an sial kaih chu khamah a tla deuh a, chu pawh chu Thangkhama chuan a hnuk chhuak leh a ni.
Tumkhat leh pawh Hualtu luipuiral tlang liam sahbuak kham koah sakeiin Sepui a seh a (thenkhat chuan se pachal an ti), kham tlangah a hnuk liam a, kham chhawrdawha lung kak karah a hnuk zep kut a. Chu chu patling sawm zet tur hian hnuh chhuah an tum a, mahse, sepui meuh chu hmun rem lo lehnghala hnuhchhuah chu a lo har a ni ang, an beidawng ta a. Chutih laia Hualtu ho awmna venghnuaia Thangkhama in awm chu an va pun a. Sakeiin a chhuk hnuh kha chhoh hnuh tir ve thung tumin,"nang i chak deuh a, han hnuk chhuak teh khai," an lo ti a, a zawh tak tak ringa ti pawh an ni lem lo va.
A han beih dawn chuan," pa sawm hen loh (sakei ) chu keia tluk rual em ni dawn? mahse, ka han bei chhin poh a ni ang chu," a ti a, a han bei ta a, a hnuk chho ta chun chun mai a, sakeiin sial a hnuh thlaknaa sanghar thang rual vel batling tuai a tih bunte chu Thangkhama chuan a hnuh pahin a a ti kul a, chungte chuan an perh let thuk thuk niin ama'n a sawi. Tin, a ma hnuh chhohnaah pawh chutiang tiat vel thing chu an pe chho hen hun mai a ni, sial chu hmun rem chinah a dah ta a. Pa ho chuan chumi an han hmuh meuh chuan chak an ti lutuk a ," e, i chak tih chu kan hria a, heti em emin i chak tih kan lo la hre ngai lo, a sehtu sakei nen in inang tawk hle dawn a nih hi," an ti nak nak a ni. Thangkhama pawh a tang ngiang a ni ang, "ka thil tih tawhah chuan ka la tan ber tum a ni, ka tha zawng zawng ka hmang zo vekin ka hria," a ti ve hial e, an ti.
Sakei leh Thangkhama chak dan hi tehna khawl hmanga teh theih ni lo mah se, hemi tum hian sakeiin a chhuk hnuh a, Thangkhama erawh chuan a chhoh hnuh thung avangin sakei aiin Thagkhama hi a hmingtha zawk a ni.
Thangkhama hian Se patuai, a ki leh a beng inchen ang vel hi chu an kiah chawiin a ti kang zo khawp an ti.
Tumkhat chu an zuinnaah zunzungin kawmcharah a va chhuak a, a zun chu sialin lo liah a tum a. Thangkhama rui phur thaza chuan a ki-ah a man a, a chawi kang ta mai a. Mahse, kawmchar kha a lo rinawm tawk lo deuh ta si a, a thlah leh ta a ni. He thu an hriat hian awih lo an awm a ni awm e, ni hranah an lal buatsaihin zu an inchawi a, chumi tum chuan leika atangin sial, a ki leh a beng inchen chu a kiah manin a chawi kang leh a, mahse, sial chu a tal nasa lutuk a, luhka chu chim mai dawnin an hre ta a, an thlah tir leh ta a ni.
An feh kawng lun tak kawng chhak lamah thing lian tak hi a tlu ruah mai a, kawnga kal tana la hlauhawm thei tur hian a awm a, " nakinah a la hlauawm thei ang a," an ti hlawm a. Thangkhama chuan,"ka han tan anga, ka han hung rem ang e," a ti mai a. A han tan ta tak tak a, thing chu a rawn tawlh ta hrut mai a, Thangkhama chuan thing luang tawlh chu a tlan khalh a, a koin a do ding chat mai a, kawng thlang hmun rem chinah a dah ta a. Lo thlirtute chuan," Thangkhama chak zia kha hisap thiam a har khawp mai," an ti nak nak hlawm a ni.
Satthuama, "Pa Taia" tia an koh thin kha Zoram inbuana chakber nihna vawi hnih vawi thum lo hauh tawh a ni a. Tin, Satthuama pa pasaltha Hrangkunga chu Satthuama ai maha sang leh lian, chak leh inbuan thiam a ni bawk a. Tumkhat chu Khualen khaw ho nen mi zawn an inchuh a, an mi chak Behzuta leh Hrangkunga chu an intum a, an inbuan ta a. Hrangkunga chuan a hneh ta mang lo tlat mai a. Thangkhama tlawmla chuan, "khawnge, kan bei ve teh ang," a ti a, inbuan a thiam ve lem lo va, a rem dana che mai chi a ni a. An han in bei dawn ta a, Thangkhama chuan Behzuta kawngah a man a, a herh vir ta mawp mai a, Behzuta kawng chu a ri thawt mai a, a che thei ta lo va. Behzuta kawng chu a chhiat phat hial a ni.
An lalpa Lalthangvunga leh a nupui Darkungi chu an inthen tlat mai a, Darkungi'n Chhawrtui Bunghmunah a chhoh pui a, heta an awm lai hian pathlawi ni lem lo mah se, "Bunghmun pathlawi," tiin a mah hi a invuah fiam thin a. Tumkhat chu mi zawn an inchuhnaah Thangkhama chu amahin atang a, lehlamah patling panga vel an tang a. Thangkhama chuan, "Bunghmun pathlawiin hlang a en dawn e," a han ti a, a awm zawnah hlang ngul a han la kang a, a han zut phei mai chu, leh lam ho chuan an kut chu sawp mai dawnin an hria a, an thla ta zung zung mai a ni.
Tumkhat leh pawh Hrangkunga nen an zin dun a, an kal kawngah Chawilung kawtchhuah an kal tlang dawn a, chawilung lo in hung reng an han hmuh chuan Thangkhama chuan a la lawk, a deng dup dup mai a, a ma ruang tluk a deng thei a. Hemi tum hian a kal pui Hrangkunga chuan, " ngawi rengin chhuanlam dang siamin chawilung awmna khaw dai chu khaw mite hmuh lohah ka pan nal nal a, ka va chawi ve ngat a, theih tawpin ka tang a, ka koah chuan ka hlang thei a, deng leh tur ka awm tawh lo," a ti. Chawilung khaw chawilung hi artui ang deuha sawl, chawi than leh chawi thiam leh thiam loh awm a ni a, chawi thiamin an chawi mai theih laiin chawi thang lo tan chuan har tak a ni reng reng a .
An haw lamah chuan chawilung chu a han chawi leh a, thing kak karah a zeh sak a, an kalsan ta daih a ni awm e. Khua hnuah Hualtu inbuan chak Chhundenga ,"Hualtu keite," an tih chu Chawilung khuaa a kal tumin , " Pu Chhun, in khaw chak Thangkhama tih dan kha chu kan lawm lo, kan chawilung thing kakah a zep a, a haw san daih mai," an lo ti a. Chhundenga chuan, " pa phawk ngang hi a ni a, Hualtuah pawh khawtlang leh mimal laka phawk thin leh mi fiam ching a ni, ngaithiam rawh u," tia a phawk dante a hrilh hnu chuan, " e, a lo nih tak chu," an ti thei ta a ni. Chhundenga chuan chak chanchin an han sawi nikhua hian he thu hi a sawi tel deuh ziah nghe nghe.
Thangkhama hi hna hrang hrang han thawh pui ila, a chakna chi dang hriat belh tur a awm zel an ti.
Vawk man turte'n an man hleih theih lohte hian puih mai hi a hreh lo va. Thenkhat chuan vawk an man dawn hian a keah an man thin a. Thangkhama erawh chuan an hnungzang leh tuang velahte a tham a, a khai kan loh leh leiah a nem bet mai thin. Vawkpa sumnga ang vel hi chu," i duhawm fe reuh hi le," a ti a, a ken hian a keng ve ve mai a ni. Tin, chutiang vela lian vawk leh sanghal chu a kamsira zai miah loin an kha be a kuai bal mai zel a, an mit pawh a kawm chhuak mai thin.
Tumkhat pawh Zikkawia'n vawk sum nga talh turin an ruai a, Thangkhama chuan a tuangah a tham kang a, vawkte talhin a talh sak a ni awm e. Hemi tum hi a ni maithei, vawk chaw pekna kha sumhmun chhak lam thingkhawn hnuaiah a ni a, a chep angreng hle mai a. Chuta an chaw pek lai chu mi dangte chuan a keah man an tum a, a chep deuh avangin an man nghet zo lo va, a put chhuak leh zuk thin a, an ti hleithei lo a. Thangkhama chuan , "mak mang nge aw, ka han bei ve teh ang," a ti a, a chung thingkhawn sir dap chhuat chu a keu kau a, a tuangah a tham kang nawl nawl a, a man ta der mai a ni.
Mi pakhatin a vawkpa sutnghak talh tir a tum a, a tih thin dan pang ngaiin a zak zeh a, a vawkte talh taka talh a tum a. Mahse, a nei tu chuan, "kan vawkpa sutnghak vawkte talha mi talh sak maiin kan thangtlawm lutuk ang e," a ti ta a, Thangkhama chuan, " a ni tak e a " a ti a, talh dan pang ngaiin a talh sak leh zawk ta a ni.
Sena te vawk an talh dawn pawhin Satthuamate nen an fatu dawn a, mahse, Thangkhama tel lo chuan man ngaihna an hre ta mang lo va. Thangkhama chuan," thangtharte hi chu in chapo lo lutuk a ni e," a ti a, a tuang hmul a thlang nuap nuap a, a khai kang nawlh mai a ni.
Hruipui hnang a chhah pawhin thinga zam kaite hi pawh thlak zawh loh a nei lo. A hrui a chah loh pawhin thing zâr zawk a bal mai a, a pawt thla ngei ngei. Tin, hrui hnang chu a pum a lian emaw a te emaw, a hring emaw a ro emaw pawh ni se, a zai fik hmawk hmawk thei bawk.
Tuium tur rua a lak reng rengin a zawl leh zawl loh a en dawn chuan a kut khing kehlamin chung lamah a nawr kang a, a thlek mai thin. Tin, a tuium lak chu a na a thel pan dawnin hmanrua emaw, kut lehlam emaw a thawh ngai lo. Mite chuan a chang zawn a thlenin chem zângah talhtumin an chhu chawt chawt a, a nih loh vek leh an kut lehlamin an chum pui a. Thangkhama erawh chuan a kut lehlamin rua a vuan a, a thel thla zung zung zel mai a ni.
Tin, Chhawrtui Bunghmun khuaa an awm laiin mi thenkhatin ,"Thangkhama pawh hi eng a lo ni bik tak tak lo ve," an ti khang lang a. A rilru a na ve ta deuh tlat mai a," rua han la teh u," a ti a , an han lak chuan tuium thelin a thel a, a chang zawnte pawh bahlah miah loin a na chu a thel tla ta zung zung mai a ni. Paite sumdawng darbelpui zawrhte hi," in darbel tlang hi a mawih a nih hi maw le," a ti a, a piai thlak sak fo mai a ni awm e. Tin, miin vawkba suka vawk chaw tur bane an den chawt chawt ang te hi a hmet keh zung zung mai thin.
Thangkhama hi Saizahawla'te ang bawka mi phawk, fiamthu duh a ni a. A uan a chhuah chang chuan a thian, a kianga kalte hi a uang thut a, an mawngah a dawm a, a sep ti tih a, a keng mai thin. Patling pangngai chutianga phekphehlen zawh loh chu a nei lo. Chutiang chuan a thiante zu han ti lawr fo thin a! Tumkhat chu a thianpa nen kham lengkir ko chunga zawngțah an lo dawn a, zawngțah rah bawr chu a zar hniam lawn ngamna kak ațanga ban phak loh deuh si, lawn khung dawna a zar te si-ah a rah a. Thangkhama chuan lawn ngamna chin ațang chuan a thianpa chu a phekphehlen a, zawngțah chu an lo thei ta mai a. Hemi tuma lo hmutute chuan an lo hlauhthawnpui viau a ni awm e.
Pasaltha-in Sanghal sum ruk vela lian an kahhliam khama zuang thla tur pawh a meiah a pawt ding tlat mai a, sanghal nena an inchai buai lai chuan a thiante an rawn thleng a, an rawn vaw hlum ta a ni. Paikawng khata bal an dah hi a chawi kang va va zo bawk. "Chuai" hi hriat loh thei tak a ni awm e. Kutzungchal tih char a, mi kan kawh anga a tin chunglam zawnga hawi tirin a hmawr chuan paikawng mawng atanga hrui emaw hnam emawa an dawm chu a lu lam atangin a ti kang va va zo tihna a ni.
Hmunțhaa an awm hnuin an awmna, an inhmun atangin Maite kawng lama an insawn dawn vangin an in an thiat a, sut ban thingri rîl lian sei tha tak mai chu,"hman leh atan a tha ang," a ti a, a tupa naupang fel tawh tak Thangvela paw chung chuan a pu a, chuti chung chuan an vawk a zakzeh phei bawk a, a thlen phei vek a ni.
Kum 1897 vel khan Sapsakeiate lamlian sial chuan Hualtu ram an rawn thleng a, a sual khawp mai a, a duh duh hi a vaw ri leh zawt zawt mai thin a. Tumkhat chu Thangkhamate bulah Sapsakeia chu a inti hlauhawm vel a, a ti kuk kuk mai a. Thangkhama chuan a ngaithei ta lo va, a ngam ve zia entir nan, a thirtiang ken chu Sapsakeia lam hawiin leiah a vaw dawp mai a, a mal a hlim khum bawk a, Sapsakeia chuan engtinmah a ti zui ngam hlek lo an ti.
Thangkhama hi pa uang lo leh chapo lo tak, inngaitlawm a ni a. Mizo mi chak zinga a khumtu awm chuang lo tura ngaih pa lian leh chak Chawngsavunga kha "Tawitlang tuiliakah chuan a chak ber a, a dawltu chu Thangkhama a ni," an ti a. Amah Thangkham pawhin, " Chawngsavunga te chu keini aiin an lianin an hruanghrau va, kan hneh lo ang," a ti ve mai a ni.
Hman lai mite chuan michak chungchang bikte chu an taksa pian danah mi dangte aia danglam bikna an neih leh neih loh an endik thin a. Thangkhama pawh hi heti taka a chak avang hian hmanlaia an tih ang chuan an inphelh ruah tir a, chik taka a taksa an han en dik chuan, thenkhat chuan a nak ruh chu chhiar hleih theih lohin a tlep zur mai niin an hria a. Thenkhat erawh chuan, "Mi dang ang tho a ni lawm ni," an ti bawk.
Thangkhama len leh san lam hi teh chiah awm lo mah se, ft 5 leh inches 10 ai chuan a hniam lo ang tih a ni thin. A fapa tuikhara kha ft 5.4 vel a nih hmel a, chu chu a beng parh hnuai chen chiah a ni. I beng hnuai atanga i chhip kha han teh chhin la, i hrethiam mai awm e. Chu ai chuan a ni ang palian bek chho chu a thui zawk emaw kha a la ni lehnghal si ang a. A taksa hi a len em avangin sang lutuk angin a lang lo a, bem deuh luaiin a hriat tho a ni. Mahse, feet 5.8/9 vela sang Satthuama chuan san lamah a chen loh thu leh an thut dun pawha a tiat loh zia thu a sawi thin a ni. Tin, A bân bulte hi a vawng lian khawp a, "Thangkham ban liana," an lo ti hial a ni. A ban a han thlak thla zuar mai chu lian tak a ni, an ti.
Tin, Thangkhama hi a sa a muk em em mai a, a rih pawh a rit hle. Hmunțhaa a awm tawh hnua Hualtua a zin leh tumin Hualtu pahoin chhuatah an țhut tir a, chu chu a kaihzaa lain chawi kan an han tum hlawm a, chawi kang zo tumah an awm lo. A chawi tute zingah hian Hualtu chawilung chawi zo leh, pu chunga kal pui zo Phaitawna te, Vanbula te, Ngurauva te pawh an tel nghe nghe a ni. Chawilung khaw chawilung aiin Hualtu chawilung chu a rih zawk hmel a, Pu Pachunga chuan "quintal a tling maithei," a ti.
Chumi hnuah a duh angin thut hmun a han rem a , "Min nam thluk tum r'u le," a han ti leh a, tu man an nam thlu zo lo. A hmuna awm ngei Pu Vanbula chuan,"A țhu mai mai pawh kan nam thlu zo lo, kan nam nghing det det chauh a ni," a ti. Chumi zawh lehah chuan a ban lian phawk-phaw-hraw zet mai chu a han ti char phei ut mai a," Sut tlang tum rawh u le," a ti leh a, tuma'n an su tlang zo lo.
Kan sawi tawh angin Thangkhama ban hi a lian a, a ban bulte chu vawng tlut mai hi a ni a,"Thangkham ban liana" an lo ti thin reng a ni.
Thangkhama hun lai hian Hualtu khuaah palian leh chak, "A khup bial chu khap bial a ni," an tih thin Feet 6.6 laia sang Khumbawnga a awm ve bawk a, a ni chu tharuma a chak bakah inbuan thiam, hneh loh nei ngai lo a ni a. Thangkhama erawh chuan inbuan a thiam ve lo va, hnathawh kawng hrang hrang leh tharum thawh tawrh lamah a chak hle thung a. "A khawi zawk hi nge chak ang le?," tia rin dan han sawi vel chu mi titi tui tak a ni thin a. Mahse, chakzawk hriatna turin thil tih dun a awm thei si lo a ni.
Tum khat chu Hualtu Zawlbuk saa an hnatlan tumin Zawlbuk awkpaka kham kha thing tlawn khatin a tlin loh deuh avangin zawm an tum a, lehlam lehhlamah an rek a, chu chu inhnek rem tir tur a ni a. Mahse, a her (lek) deuh avangin inhnerem tur chuan kawih mil a ngai a. Chu chu Khumbawnga an han kawih rem tir dawn a, a inbar tur inhnek rem dawn chiah chuan a zo ngang lo va, a thlah leh thin a. An piaha Thangkhama vei turh turh chu ,"Nang han bei ve teh," an ti a, an han beih tir ve chuan a inhnerem thei ta thlap mai a, Tharumah chuan Thangkhama a chakzawkah an ngai ta a ni.
A thianpa Pasaltha Hrangkunga kha sakap thei tak a ni a, Hmunțha khuaa an awm hnuin tumkhat chu a sakah chhim turin Thangkhama a sawm a, a ko turin a fapa inbuan chak, ft 5.8 veka sang Satthuama chu a tir a, a ni chuan a banah a va kai a. Mahse, Thangkhama chuan hmanlai tlawmngaihna hmanga lo hnar khaw mawiin , "Valte ka lo kal lo mai ang e," tih paha Satthuama kaihna kut a han vai kiang chu, Satthuama chu a kat dawr dawr mai a ni.
Kum 1924-vela Satțhuama inbuana Zoram champion a nih hmasak ber tum khan an lalpa Hmunțha lal, Laltawnga chuan a lawmpui em em a, a lawmna hun a siam hial a. Chumi zan chuan Satțhuama leh Thangkhama chu infiamtir a chak tlat mai a. Chhuatah a țhut thluan tir ve ve a, an bawp chu dar belpuia tui dah khah tlata chawi hlen tawn zak zak tur a ni a. Thangkhama chuan a han bei a, baw miah lovin a chawi hlen tawn zung zung mai a. Satțhuama chuan a han bei ve a, chawi chu a chawi hlen ve mai a, mahse, a ti chhawk baw leh hlup hlup thin a.
Nakinah chuan a inbelvalpawh tir leh dawn a. Inbelvalpawh hi chhuata țhu thluanga kephah leh kephah in tlawh chhan a, chumi rinchhana kut leh kut inpawha inpawh kan tum kha a ni a. An han inbelval pawh chuan Thangkhama chuan a duh ang angin a pawt kang ta leuh leuh mai a, pawh kan leuh leuh pah chuan, "Aw, Thuamate chu Zoram chak ber in ni tak si a maw, heti a nih chuan thangtharte chu in va ngaihtuahawm ve le," a ti a ti mai a ni.
Kum 60 chuang a nih tawh hnuin Hmunțha rama Hlumte ramah mau sat turin a ram kal a. Chutah chuan lung phek tha tak mai hi a hmu a, tha a ti em em mai a, "Pemna a pianga chhawm zelah," tiin a mau put a vawn lohna lam chuan a zakzeh ta a, miin chu chu an lo hmuh chuan ropui hi an ti khawp a, hahipin an sawi ta mai a. Chu chu Thangkhama'n a lo hriat chuan,"Hetiang hian in ngai hlu ang tih lo hria ni ila, a aia lian zawk lo put chhuah tur nia," a ti a ni. Thangkhama lung zakzeh chhuah hi tun thlengin Hmunțha Hlumte ram kawngpui kamah hmuh mai theiha phun a ni a, a hlai lam inches16 leh a chanve, a chhah lam inches 8, a san zawng inches 27 a ni a, quintal ai maha rit tur hi a ni.
Tapchhaka tap hrut hrut tawh a nih hnuin a fapa Tuikhara nupui hmasa lung phun zai an rel a, a lung tur chu patling eng emaw zatin an rawn zawn haw a, thlanlung tha pangngai tak a ni a, an kawtah chuan an dah a. Thangkhama chuan," Khawi nge, in lung lak chu a tha em maw kan en teh ang," a ti a, a kut khingkhat chauh chuan a kuai let tawn a kuai let tawn mai a, upa pui tawh siin patling eng emaw zatin an zawn si, chuti taka a han tham lo mai chu mak an ti hle a ni.
Thangkhama hi kum 1944 khan Hmunțha khuaah kum 78 mi niin a thi a, a thlanlungah chuan ti hian an ziak.
( Chak)
THANGKHAMA
HAUHNAR K.78
T.N 17.8.44
Engtikah nge Zionah serafim tlang
Thianghlimah lungduhte nen kan len ang.
Phuntu: Mana leh Tuia.
THANGKHAMA FA-TE
1. Ralkaithianga
Pian kum =
Dam chen =
Thih ni =
Thih kum =
2. Ralmanhleia.
Pian kum =1903
Dam chen = Kum 82,
Thihni = Ni 8, October
Thih kum = 1985
3. Ralkaithanga(Tuikhara)
Pian kum = 1909
Dam chen = kum 84
Thih ni = 29, August.
Thih kum = kum 1993
Mizote hian mi chak hi kan ngaisang hle a, tin, Mizote hi mi chak hnam zawng kan lo ni chiang ngei tih he Mizo mi chak Thangkhama chanchin atang hian a hriatthei awm e.
He thuziak, Mizo mi chak Thangkhama chanchin ngaihnawm tak hi "Hualtu Khaw Chanchin" FB Group-a Rama Chhangte Chhangte ziak ka rawn lakchhuah a ni e.
Hmasang, Murakeka khuangchawi lai daih tawh khan mi pakhat Hauhnara a awm a, a ni chu Hauhnar hnam thlahtu a ni. Hauhnara chuan fapa Sekhlaha a nei a, Sekhlaha hian Senlaia nei lehin Senlaia chuan Hrangliana a nei ve leh a ni. Hrangliana hian Lalvanga a nei leh a, Lalvanga hian Thangchuailova "Chuaibuka" an tih nei lehin a ni hian a chanchin kan sawi tur mi chak Thangkhama hi a nei leh ta a ni
Thangkhama hi kum 1866 khan Hmuntha bul Khawhreng Bunghmunah a piang a. Khawhreng atang hian apain Hualtuah a pempui a, Hualtua a awm lai hian nupuiah Tochhawng nula Chawnghnuni a nei. A nupuiin an fa hmasa ber tur Ralkaithianga a pai puar laiin Khawhrengah bawk an pem leh a, heta an awm lai hian Ralkaithanga chhang tur pahnih ngawt hlamzuihin an hloh va. Tichuan an fa palina tur Ralmanhleia an pai laiin khawthar satin Chhawrtui Bunghmun (Chhawrtui leh Puilo inkar) - ah an kai leh a. Mak ve ang reng tak chu he ta an awm lai hian hlamzuihin pahnih an hloh leh phawt a, chumi hnuah Bunghmun atang hian a nupui raipuar lai bawkin Zaingenah an pem leh a, chutah chuan an fa tlum ber Ralkaithianga, "Tuikhara" tia an koh chu a lo piang ta a ni.
Zaingena an awm lai hian Puilo lal Khawtinkara'n puithiam Sadawt atan a sawm avangin a pem ta a, eng emaw chen a awm hnu chuan Hmuntha lal Laltawnga'n Sadawt puithiam atan a sawm ve leh ta a, chutia a chhuahna khaw lal leh a lo hrawn thin lal fapain puithiam ni tura pema a han sawm ta chu a lung a len leh ta a, Hmunthaah chuan pem lehin Hmunthaah chuan a thih thlengin a awm ta ni.
Thangkhama chakzia lanna hmasa pawl chu; kum 12 mi vel a nih laiin pasalthain sanghal sumriat a kap a. Sanghal sumriat lu chu patling zawn tawk a ni a. In an han thlen chuan Thangkham chuan sanghal lu chu a hmuiah a vuan a, a lek kang ta va va mai a, chumi an han hmuh chuan la chak dawn hleah an ngai a, a lo lian zel a, an rin ang ngeiin a lo chak ta em em a ni.
Tin, a han tleirawl chhuak, tlangval chho chu a hrisel tha bawk a, a tha hi a za thei em em mai a. Kum sawhnih vel a nih kuma a nunchan zir phei chu rizapah a kal a, thingtuai chawnpuar tia vel chu a elh ving vial ngel ngul mai a, a tlawh tliak bawk a, rizap eng emaw tiat lai kha a eng hawk mai a. Mi pakhatin, " Thangkhama'n rizap a vat e," tiin a hek ta a. Lalin Thangkhama a han zawh a, thil awmzia a hriat nak chuan," Thangkhama ang panga hi ka va duh tak em," a ti ta zawk a ni.
Khawhreng atanga Hualtua an in suan thlak dawn tum pawhin an sial chu a kal duh lo a, a bawk lui tlat reng mai a. A kal duh hun an han nghak khaw muang a, a thianpa kawmngeih em em Zabula'n a nghahpui a. Chutia an nghah chhung chuan an thiante chu an liam zung zung mai a. Thangkhama thin chuan a tuar ta lo va, a pa hnenah, " he tia kan nghah reng chuan kan thiante'n min liam zawh san vek mai dawn e, ka hnuk mai dawn," tiin a dil ta ngawt mai a, a pa pawh chuan a lo remti ve mai a. Thangkhama chuan a han hnuk ta a, sepui meuh si kha a hnuk tawlh ta hun hun mai a, fing khat dawn a hnuh tawlh hnu chuan sepui chu a zam ta a ni ang, a tho hlawl mai a, a pang lei dep lam chu hmul pakhat mah awm lovin a pilhin a kheng rawt mai a, chuti chung chuan Hualtu lam panin an in chhawm thla ta bung bung mai a ni.
Zaingena an awm lai pawhin a pa nen sial an kai a, an sial kaih chu khamah a tla deuh a, chu pawh chu Thangkhama chuan a hnuk chhuak leh a ni.
Tumkhat leh pawh Hualtu luipuiral tlang liam sahbuak kham koah sakeiin Sepui a seh a (thenkhat chuan se pachal an ti), kham tlangah a hnuk liam a, kham chhawrdawha lung kak karah a hnuk zep kut a. Chu chu patling sawm zet tur hian hnuh chhuah an tum a, mahse, sepui meuh chu hmun rem lo lehnghala hnuhchhuah chu a lo har a ni ang, an beidawng ta a. Chutih laia Hualtu ho awmna venghnuaia Thangkhama in awm chu an va pun a. Sakeiin a chhuk hnuh kha chhoh hnuh tir ve thung tumin,"nang i chak deuh a, han hnuk chhuak teh khai," an lo ti a, a zawh tak tak ringa ti pawh an ni lem lo va.
A han beih dawn chuan," pa sawm hen loh (sakei ) chu keia tluk rual em ni dawn? mahse, ka han bei chhin poh a ni ang chu," a ti a, a han bei ta a, a hnuk chho ta chun chun mai a, sakeiin sial a hnuh thlaknaa sanghar thang rual vel batling tuai a tih bunte chu Thangkhama chuan a hnuh pahin a a ti kul a, chungte chuan an perh let thuk thuk niin ama'n a sawi. Tin, a ma hnuh chhohnaah pawh chutiang tiat vel thing chu an pe chho hen hun mai a ni, sial chu hmun rem chinah a dah ta a. Pa ho chuan chumi an han hmuh meuh chuan chak an ti lutuk a ," e, i chak tih chu kan hria a, heti em emin i chak tih kan lo la hre ngai lo, a sehtu sakei nen in inang tawk hle dawn a nih hi," an ti nak nak a ni. Thangkhama pawh a tang ngiang a ni ang, "ka thil tih tawhah chuan ka la tan ber tum a ni, ka tha zawng zawng ka hmang zo vekin ka hria," a ti ve hial e, an ti.
Sakei leh Thangkhama chak dan hi tehna khawl hmanga teh theih ni lo mah se, hemi tum hian sakeiin a chhuk hnuh a, Thangkhama erawh chuan a chhoh hnuh thung avangin sakei aiin Thagkhama hi a hmingtha zawk a ni.
Thangkhama hian Se patuai, a ki leh a beng inchen ang vel hi chu an kiah chawiin a ti kang zo khawp an ti.
Tumkhat chu an zuinnaah zunzungin kawmcharah a va chhuak a, a zun chu sialin lo liah a tum a. Thangkhama rui phur thaza chuan a ki-ah a man a, a chawi kang ta mai a. Mahse, kawmchar kha a lo rinawm tawk lo deuh ta si a, a thlah leh ta a ni. He thu an hriat hian awih lo an awm a ni awm e, ni hranah an lal buatsaihin zu an inchawi a, chumi tum chuan leika atangin sial, a ki leh a beng inchen chu a kiah manin a chawi kang leh a, mahse, sial chu a tal nasa lutuk a, luhka chu chim mai dawnin an hre ta a, an thlah tir leh ta a ni.
An feh kawng lun tak kawng chhak lamah thing lian tak hi a tlu ruah mai a, kawnga kal tana la hlauhawm thei tur hian a awm a, " nakinah a la hlauawm thei ang a," an ti hlawm a. Thangkhama chuan,"ka han tan anga, ka han hung rem ang e," a ti mai a. A han tan ta tak tak a, thing chu a rawn tawlh ta hrut mai a, Thangkhama chuan thing luang tawlh chu a tlan khalh a, a koin a do ding chat mai a, kawng thlang hmun rem chinah a dah ta a. Lo thlirtute chuan," Thangkhama chak zia kha hisap thiam a har khawp mai," an ti nak nak hlawm a ni.
Satthuama, "Pa Taia" tia an koh thin kha Zoram inbuana chakber nihna vawi hnih vawi thum lo hauh tawh a ni a. Tin, Satthuama pa pasaltha Hrangkunga chu Satthuama ai maha sang leh lian, chak leh inbuan thiam a ni bawk a. Tumkhat chu Khualen khaw ho nen mi zawn an inchuh a, an mi chak Behzuta leh Hrangkunga chu an intum a, an inbuan ta a. Hrangkunga chuan a hneh ta mang lo tlat mai a. Thangkhama tlawmla chuan, "khawnge, kan bei ve teh ang," a ti a, inbuan a thiam ve lem lo va, a rem dana che mai chi a ni a. An han in bei dawn ta a, Thangkhama chuan Behzuta kawngah a man a, a herh vir ta mawp mai a, Behzuta kawng chu a ri thawt mai a, a che thei ta lo va. Behzuta kawng chu a chhiat phat hial a ni.
An lalpa Lalthangvunga leh a nupui Darkungi chu an inthen tlat mai a, Darkungi'n Chhawrtui Bunghmunah a chhoh pui a, heta an awm lai hian pathlawi ni lem lo mah se, "Bunghmun pathlawi," tiin a mah hi a invuah fiam thin a. Tumkhat chu mi zawn an inchuhnaah Thangkhama chu amahin atang a, lehlamah patling panga vel an tang a. Thangkhama chuan, "Bunghmun pathlawiin hlang a en dawn e," a han ti a, a awm zawnah hlang ngul a han la kang a, a han zut phei mai chu, leh lam ho chuan an kut chu sawp mai dawnin an hria a, an thla ta zung zung mai a ni.
Tumkhat leh pawh Hrangkunga nen an zin dun a, an kal kawngah Chawilung kawtchhuah an kal tlang dawn a, chawilung lo in hung reng an han hmuh chuan Thangkhama chuan a la lawk, a deng dup dup mai a, a ma ruang tluk a deng thei a. Hemi tum hian a kal pui Hrangkunga chuan, " ngawi rengin chhuanlam dang siamin chawilung awmna khaw dai chu khaw mite hmuh lohah ka pan nal nal a, ka va chawi ve ngat a, theih tawpin ka tang a, ka koah chuan ka hlang thei a, deng leh tur ka awm tawh lo," a ti. Chawilung khaw chawilung hi artui ang deuha sawl, chawi than leh chawi thiam leh thiam loh awm a ni a, chawi thiamin an chawi mai theih laiin chawi thang lo tan chuan har tak a ni reng reng a .
An haw lamah chuan chawilung chu a han chawi leh a, thing kak karah a zeh sak a, an kalsan ta daih a ni awm e. Khua hnuah Hualtu inbuan chak Chhundenga ,"Hualtu keite," an tih chu Chawilung khuaa a kal tumin , " Pu Chhun, in khaw chak Thangkhama tih dan kha chu kan lawm lo, kan chawilung thing kakah a zep a, a haw san daih mai," an lo ti a. Chhundenga chuan, " pa phawk ngang hi a ni a, Hualtuah pawh khawtlang leh mimal laka phawk thin leh mi fiam ching a ni, ngaithiam rawh u," tia a phawk dante a hrilh hnu chuan, " e, a lo nih tak chu," an ti thei ta a ni. Chhundenga chuan chak chanchin an han sawi nikhua hian he thu hi a sawi tel deuh ziah nghe nghe.
Thangkhama hi hna hrang hrang han thawh pui ila, a chakna chi dang hriat belh tur a awm zel an ti.
Vawk man turte'n an man hleih theih lohte hian puih mai hi a hreh lo va. Thenkhat chuan vawk an man dawn hian a keah an man thin a. Thangkhama erawh chuan an hnungzang leh tuang velahte a tham a, a khai kan loh leh leiah a nem bet mai thin. Vawkpa sumnga ang vel hi chu," i duhawm fe reuh hi le," a ti a, a ken hian a keng ve ve mai a ni. Tin, chutiang vela lian vawk leh sanghal chu a kamsira zai miah loin an kha be a kuai bal mai zel a, an mit pawh a kawm chhuak mai thin.
Tumkhat pawh Zikkawia'n vawk sum nga talh turin an ruai a, Thangkhama chuan a tuangah a tham kang a, vawkte talhin a talh sak a ni awm e. Hemi tum hi a ni maithei, vawk chaw pekna kha sumhmun chhak lam thingkhawn hnuaiah a ni a, a chep angreng hle mai a. Chuta an chaw pek lai chu mi dangte chuan a keah man an tum a, a chep deuh avangin an man nghet zo lo va, a put chhuak leh zuk thin a, an ti hleithei lo a. Thangkhama chuan , "mak mang nge aw, ka han bei ve teh ang," a ti a, a chung thingkhawn sir dap chhuat chu a keu kau a, a tuangah a tham kang nawl nawl a, a man ta der mai a ni.
Mi pakhatin a vawkpa sutnghak talh tir a tum a, a tih thin dan pang ngaiin a zak zeh a, a vawkte talh taka talh a tum a. Mahse, a nei tu chuan, "kan vawkpa sutnghak vawkte talha mi talh sak maiin kan thangtlawm lutuk ang e," a ti ta a, Thangkhama chuan, " a ni tak e a " a ti a, talh dan pang ngaiin a talh sak leh zawk ta a ni.
Sena te vawk an talh dawn pawhin Satthuamate nen an fatu dawn a, mahse, Thangkhama tel lo chuan man ngaihna an hre ta mang lo va. Thangkhama chuan," thangtharte hi chu in chapo lo lutuk a ni e," a ti a, a tuang hmul a thlang nuap nuap a, a khai kang nawlh mai a ni.
Hruipui hnang a chhah pawhin thinga zam kaite hi pawh thlak zawh loh a nei lo. A hrui a chah loh pawhin thing zâr zawk a bal mai a, a pawt thla ngei ngei. Tin, hrui hnang chu a pum a lian emaw a te emaw, a hring emaw a ro emaw pawh ni se, a zai fik hmawk hmawk thei bawk.
Tuium tur rua a lak reng rengin a zawl leh zawl loh a en dawn chuan a kut khing kehlamin chung lamah a nawr kang a, a thlek mai thin. Tin, a tuium lak chu a na a thel pan dawnin hmanrua emaw, kut lehlam emaw a thawh ngai lo. Mite chuan a chang zawn a thlenin chem zângah talhtumin an chhu chawt chawt a, a nih loh vek leh an kut lehlamin an chum pui a. Thangkhama erawh chuan a kut lehlamin rua a vuan a, a thel thla zung zung zel mai a ni.
Tin, Chhawrtui Bunghmun khuaa an awm laiin mi thenkhatin ,"Thangkhama pawh hi eng a lo ni bik tak tak lo ve," an ti khang lang a. A rilru a na ve ta deuh tlat mai a," rua han la teh u," a ti a , an han lak chuan tuium thelin a thel a, a chang zawnte pawh bahlah miah loin a na chu a thel tla ta zung zung mai a ni. Paite sumdawng darbelpui zawrhte hi," in darbel tlang hi a mawih a nih hi maw le," a ti a, a piai thlak sak fo mai a ni awm e. Tin, miin vawkba suka vawk chaw tur bane an den chawt chawt ang te hi a hmet keh zung zung mai thin.
Thangkhama hi Saizahawla'te ang bawka mi phawk, fiamthu duh a ni a. A uan a chhuah chang chuan a thian, a kianga kalte hi a uang thut a, an mawngah a dawm a, a sep ti tih a, a keng mai thin. Patling pangngai chutianga phekphehlen zawh loh chu a nei lo. Chutiang chuan a thiante zu han ti lawr fo thin a! Tumkhat chu a thianpa nen kham lengkir ko chunga zawngțah an lo dawn a, zawngțah rah bawr chu a zar hniam lawn ngamna kak ațanga ban phak loh deuh si, lawn khung dawna a zar te si-ah a rah a. Thangkhama chuan lawn ngamna chin ațang chuan a thianpa chu a phekphehlen a, zawngțah chu an lo thei ta mai a. Hemi tuma lo hmutute chuan an lo hlauhthawnpui viau a ni awm e.
Pasaltha-in Sanghal sum ruk vela lian an kahhliam khama zuang thla tur pawh a meiah a pawt ding tlat mai a, sanghal nena an inchai buai lai chuan a thiante an rawn thleng a, an rawn vaw hlum ta a ni. Paikawng khata bal an dah hi a chawi kang va va zo bawk. "Chuai" hi hriat loh thei tak a ni awm e. Kutzungchal tih char a, mi kan kawh anga a tin chunglam zawnga hawi tirin a hmawr chuan paikawng mawng atanga hrui emaw hnam emawa an dawm chu a lu lam atangin a ti kang va va zo tihna a ni.
Hmunțhaa an awm hnuin an awmna, an inhmun atangin Maite kawng lama an insawn dawn vangin an in an thiat a, sut ban thingri rîl lian sei tha tak mai chu,"hman leh atan a tha ang," a ti a, a tupa naupang fel tawh tak Thangvela paw chung chuan a pu a, chuti chung chuan an vawk a zakzeh phei bawk a, a thlen phei vek a ni.
Kum 1897 vel khan Sapsakeiate lamlian sial chuan Hualtu ram an rawn thleng a, a sual khawp mai a, a duh duh hi a vaw ri leh zawt zawt mai thin a. Tumkhat chu Thangkhamate bulah Sapsakeia chu a inti hlauhawm vel a, a ti kuk kuk mai a. Thangkhama chuan a ngaithei ta lo va, a ngam ve zia entir nan, a thirtiang ken chu Sapsakeia lam hawiin leiah a vaw dawp mai a, a mal a hlim khum bawk a, Sapsakeia chuan engtinmah a ti zui ngam hlek lo an ti.
Thangkhama hi pa uang lo leh chapo lo tak, inngaitlawm a ni a. Mizo mi chak zinga a khumtu awm chuang lo tura ngaih pa lian leh chak Chawngsavunga kha "Tawitlang tuiliakah chuan a chak ber a, a dawltu chu Thangkhama a ni," an ti a. Amah Thangkham pawhin, " Chawngsavunga te chu keini aiin an lianin an hruanghrau va, kan hneh lo ang," a ti ve mai a ni.
Hman lai mite chuan michak chungchang bikte chu an taksa pian danah mi dangte aia danglam bikna an neih leh neih loh an endik thin a. Thangkhama pawh hi heti taka a chak avang hian hmanlaia an tih ang chuan an inphelh ruah tir a, chik taka a taksa an han en dik chuan, thenkhat chuan a nak ruh chu chhiar hleih theih lohin a tlep zur mai niin an hria a. Thenkhat erawh chuan, "Mi dang ang tho a ni lawm ni," an ti bawk.
Thangkhama len leh san lam hi teh chiah awm lo mah se, ft 5 leh inches 10 ai chuan a hniam lo ang tih a ni thin. A fapa tuikhara kha ft 5.4 vel a nih hmel a, chu chu a beng parh hnuai chen chiah a ni. I beng hnuai atanga i chhip kha han teh chhin la, i hrethiam mai awm e. Chu ai chuan a ni ang palian bek chho chu a thui zawk emaw kha a la ni lehnghal si ang a. A taksa hi a len em avangin sang lutuk angin a lang lo a, bem deuh luaiin a hriat tho a ni. Mahse, feet 5.8/9 vela sang Satthuama chuan san lamah a chen loh thu leh an thut dun pawha a tiat loh zia thu a sawi thin a ni. Tin, A bân bulte hi a vawng lian khawp a, "Thangkham ban liana," an lo ti hial a ni. A ban a han thlak thla zuar mai chu lian tak a ni, an ti.
Tin, Thangkhama hi a sa a muk em em mai a, a rih pawh a rit hle. Hmunțhaa a awm tawh hnua Hualtua a zin leh tumin Hualtu pahoin chhuatah an țhut tir a, chu chu a kaihzaa lain chawi kan an han tum hlawm a, chawi kang zo tumah an awm lo. A chawi tute zingah hian Hualtu chawilung chawi zo leh, pu chunga kal pui zo Phaitawna te, Vanbula te, Ngurauva te pawh an tel nghe nghe a ni. Chawilung khaw chawilung aiin Hualtu chawilung chu a rih zawk hmel a, Pu Pachunga chuan "quintal a tling maithei," a ti.
Chumi hnuah a duh angin thut hmun a han rem a , "Min nam thluk tum r'u le," a han ti leh a, tu man an nam thlu zo lo. A hmuna awm ngei Pu Vanbula chuan,"A țhu mai mai pawh kan nam thlu zo lo, kan nam nghing det det chauh a ni," a ti. Chumi zawh lehah chuan a ban lian phawk-phaw-hraw zet mai chu a han ti char phei ut mai a," Sut tlang tum rawh u le," a ti leh a, tuma'n an su tlang zo lo.
Kan sawi tawh angin Thangkhama ban hi a lian a, a ban bulte chu vawng tlut mai hi a ni a,"Thangkham ban liana" an lo ti thin reng a ni.
Thangkhama hun lai hian Hualtu khuaah palian leh chak, "A khup bial chu khap bial a ni," an tih thin Feet 6.6 laia sang Khumbawnga a awm ve bawk a, a ni chu tharuma a chak bakah inbuan thiam, hneh loh nei ngai lo a ni a. Thangkhama erawh chuan inbuan a thiam ve lo va, hnathawh kawng hrang hrang leh tharum thawh tawrh lamah a chak hle thung a. "A khawi zawk hi nge chak ang le?," tia rin dan han sawi vel chu mi titi tui tak a ni thin a. Mahse, chakzawk hriatna turin thil tih dun a awm thei si lo a ni.
Tum khat chu Hualtu Zawlbuk saa an hnatlan tumin Zawlbuk awkpaka kham kha thing tlawn khatin a tlin loh deuh avangin zawm an tum a, lehlam lehhlamah an rek a, chu chu inhnek rem tir tur a ni a. Mahse, a her (lek) deuh avangin inhnerem tur chuan kawih mil a ngai a. Chu chu Khumbawnga an han kawih rem tir dawn a, a inbar tur inhnek rem dawn chiah chuan a zo ngang lo va, a thlah leh thin a. An piaha Thangkhama vei turh turh chu ,"Nang han bei ve teh," an ti a, an han beih tir ve chuan a inhnerem thei ta thlap mai a, Tharumah chuan Thangkhama a chakzawkah an ngai ta a ni.
A thianpa Pasaltha Hrangkunga kha sakap thei tak a ni a, Hmunțha khuaa an awm hnuin tumkhat chu a sakah chhim turin Thangkhama a sawm a, a ko turin a fapa inbuan chak, ft 5.8 veka sang Satthuama chu a tir a, a ni chuan a banah a va kai a. Mahse, Thangkhama chuan hmanlai tlawmngaihna hmanga lo hnar khaw mawiin , "Valte ka lo kal lo mai ang e," tih paha Satthuama kaihna kut a han vai kiang chu, Satthuama chu a kat dawr dawr mai a ni.
Kum 1924-vela Satțhuama inbuana Zoram champion a nih hmasak ber tum khan an lalpa Hmunțha lal, Laltawnga chuan a lawmpui em em a, a lawmna hun a siam hial a. Chumi zan chuan Satțhuama leh Thangkhama chu infiamtir a chak tlat mai a. Chhuatah a țhut thluan tir ve ve a, an bawp chu dar belpuia tui dah khah tlata chawi hlen tawn zak zak tur a ni a. Thangkhama chuan a han bei a, baw miah lovin a chawi hlen tawn zung zung mai a. Satțhuama chuan a han bei ve a, chawi chu a chawi hlen ve mai a, mahse, a ti chhawk baw leh hlup hlup thin a.
Nakinah chuan a inbelvalpawh tir leh dawn a. Inbelvalpawh hi chhuata țhu thluanga kephah leh kephah in tlawh chhan a, chumi rinchhana kut leh kut inpawha inpawh kan tum kha a ni a. An han inbelval pawh chuan Thangkhama chuan a duh ang angin a pawt kang ta leuh leuh mai a, pawh kan leuh leuh pah chuan, "Aw, Thuamate chu Zoram chak ber in ni tak si a maw, heti a nih chuan thangtharte chu in va ngaihtuahawm ve le," a ti a ti mai a ni.
Kum 60 chuang a nih tawh hnuin Hmunțha rama Hlumte ramah mau sat turin a ram kal a. Chutah chuan lung phek tha tak mai hi a hmu a, tha a ti em em mai a, "Pemna a pianga chhawm zelah," tiin a mau put a vawn lohna lam chuan a zakzeh ta a, miin chu chu an lo hmuh chuan ropui hi an ti khawp a, hahipin an sawi ta mai a. Chu chu Thangkhama'n a lo hriat chuan,"Hetiang hian in ngai hlu ang tih lo hria ni ila, a aia lian zawk lo put chhuah tur nia," a ti a ni. Thangkhama lung zakzeh chhuah hi tun thlengin Hmunțha Hlumte ram kawngpui kamah hmuh mai theiha phun a ni a, a hlai lam inches16 leh a chanve, a chhah lam inches 8, a san zawng inches 27 a ni a, quintal ai maha rit tur hi a ni.
Tapchhaka tap hrut hrut tawh a nih hnuin a fapa Tuikhara nupui hmasa lung phun zai an rel a, a lung tur chu patling eng emaw zatin an rawn zawn haw a, thlanlung tha pangngai tak a ni a, an kawtah chuan an dah a. Thangkhama chuan," Khawi nge, in lung lak chu a tha em maw kan en teh ang," a ti a, a kut khingkhat chauh chuan a kuai let tawn a kuai let tawn mai a, upa pui tawh siin patling eng emaw zatin an zawn si, chuti taka a han tham lo mai chu mak an ti hle a ni.
Thangkhama hi kum 1944 khan Hmunțha khuaah kum 78 mi niin a thi a, a thlanlungah chuan ti hian an ziak.
( Chak)
THANGKHAMA
HAUHNAR K.78
T.N 17.8.44
Engtikah nge Zionah serafim tlang
Thianghlimah lungduhte nen kan len ang.
Phuntu: Mana leh Tuia.
THANGKHAMA FA-TE
1. Ralkaithianga
Pian kum =
Dam chen =
Thih ni =
Thih kum =
2. Ralmanhleia.
Pian kum =1903
Dam chen = Kum 82,
Thihni = Ni 8, October
Thih kum = 1985
3. Ralkaithanga(Tuikhara)
Pian kum = 1909
Dam chen = kum 84
Thih ni = 29, August.
Thih kum = kum 1993
Mizote hian mi chak hi kan ngaisang hle a, tin, Mizote hi mi chak hnam zawng kan lo ni chiang ngei tih he Mizo mi chak Thangkhama chanchin atang hian a hriatthei awm e.
Comments