SABENGTUNG KAITU NAUPANG
Chutia Isua zirtirten kan sabengtung patuai Zedekia kan thlunna an phelh sawk sawk lai chu ka thlir reng a, an mahni ta ni mai awm hian an sawngbawl ni ber in ka hria a, kan phalna an la lova, hawikualin an ngaichang lova, thil dik ani reng em tih hre turin an ngaihtuahna an seng hek lo, a phuarna chu an phelh mawlh mawlh ringawt mai nia !
Heng zirtirte hi ka hmu fo tawh, nia an zawlnei zui thin Isua hi a lar em lah tak a, hnaitea Bethani khuaah Mari, Marthi leh Lazara te kiangah a thleng fo mai, ni e Lazara, kha mitthi Isuan a kaihthawh leh pa kha !
Ring zet chuan ka pa chu ka au ta nghek a, ‘ Ka pa tuten emaw kan sabengtung an la ringawt ania !’
Inchhungah chuan kangmei a chhuak ta emaw tih mai tur khawpa ranga rawn zuangchhuah pah chuan ka pa chuan, ‘ Hey ! Eng thil nge in tih tak !’
An ding zui ta nghal a,mahse ka pa chuan ala duhtawk mai lo, kan Sabengtung kaitu ber chu pan hnaiin a hmai bul chetah chuan ava kun hniama(Ka pa hi pa lian leh chak tak ani a), ‘Zawhna ka zawh che chu,’ a va ti leh a.
‘ A .. englo ania ka pu, Zirtirtuin va la ru ati alawm mawle, engmah buaina a awm lovang atia !’ buh nuaih in a chhang ta a.
‘Lalpain a duh ani’ tiin an zinga upat hmel ber chuan a rawn ti ta thuai a..
Mak tak maiin ka pa hmela thinrimna zawng zawng chu a kiang ta daih a, a tawlh kiang a an kalna kawng a kian ta mai a ! Chupa chuan, ‘ Isua… Lal Isua chuan I sabengtung hi a mamawh tih hrilh tur che in min ti a ni,’ ati leh ta a..
Ka pa hmel chu ngilneihna in alo khat a nuih sak pah chuan, ‘In hotupa hi mi ropui tak ani, tlang chunga thu a sawi tum khan ka ngaithla ve asin, Pathian ram chungchang te pawh kha,’ ati ta a.
Jerusalem lam chu a thlir vang vang a, ‘ Zedekia hi chu la chhawr ngailoh ania, thunun a buaithlak deuh ka ring in duh zawk chuan amah hringtunu ‘Sarai’ hi in hruai thei ang a chunga chuan pawh anuam zawk daihin ka ring,’ ati a.
‘ Lalpa chuan tuma la chuan lohna hi a thlang tlat ani, a chhan kan hre bik lo, kan hman zawhah keiman ka rawn kir leh dawn nia’ tih chu a chhanna dawn ani.
Ka pa chuan a hnial zui tawh lo, anni pawh chu an kal tan ta nghal a, ka ngawi thei tawh lo, ‘Ka pa, ka kal ve duh Zedekia pawh keiman ka lo kai haw leh thei anga, an tan pawh a awlsam zawk dawn asin,’ ka tit a a.
‘ I tibuai mai mai lo maw ?’ ka pa chuan ati a mahse zirtir zinga mi khan, ‘ A duh phawt chuan lo kal ve sela, sabengtung pawn a thu a awih deuh maithei asin,’ a rawn tita a. Ka damchhunga ka huntawnte zinga ka nghilh ngai tawhloh tur chu a intan ta a.
Khaw pawn maiah chuan Isua leh a zirtir dangte chu amah zuitu midang tamtak nen an lo tlim hmur a, tam tak an ni, keini ho leh sabengtung min hmuh chuan an au ta hluah hluah a. Zedekia chu ka kai a zirtirte nen chuan Isua hnenlam chu kan pan phei ta a. A bul kan thlen chuan Isua chuan puan pakhat hi Zedekia hnungah chuan phahin a chungah chuan a lawnzui ta nghal a.
Chutia a chunga mihring an chuan tak ah chuan Zedekia chu a hram ta dut dut a, a ke hmalam chu a per tat lat tlat maia ka rilru chuan, ‘Chhei le ! An inthingthla ngei dawn anih hi,’ ka ti a. Mahse Isua chuan Zedekia pang chu an beng thak thak a kun hniamin zawitein eng thu emaw hi a zu hrilh a, mak tak maiin Zedekia awmdan chu a inthlak chawpchilh ta nghal a thu awih zet chuan a awm ta hle hle a, a hnu a mipui tam takte thawm nasa takin a chhunzawm te pawh chuan eng buaina mah a siam zui ta lo, thu awih takin, lawm takin, tlawm takin a chunga chuang chu a phur ta zel a !
‘ Vala enge I hming ?’
‘ Johan-a ka ni e ka pu.’ tin ka chhang a
‘ Sabengtung tha tak anih hi, I pa hnenah chuan ka lawm em em ani tih hi ilo hril dawn nia.’
‘Awle ka pu.’
Ani sabengtung chunga chuang, kei a sira kal mipui thawm lo bengchheng bawk nen inbiakzui ngaihna a awm ta lova. Jerusalem panna kawngpui chu kan zawh zel a kan khua Bethphage chu kan lut ta a, Zedekia ka kai a a chungah Isua a chuang a kan hnungah chuan mipui tamtakin min zui mup mup a, ka thiante chuan min va thik dawn tehreng em ! Kan khua hi kalhlen kut Jerusalema hman tum khualzin tam takin kum tin an paltlang thin a, kut a hnaih tawh avangin mi an tam a, kal sawt a har hle a.
Kan hnunga mipui kara tang chuan Rabbi pakhat hian Zawlnei lehkhabu thu a rawn au chhuah pui a..
Aw Zion fanu, nasa takin hlim la
Aw Jerusalem fanu, au chhuak rawh
Ngai rawh, I Lal I hnenah alo kal e
Mifel ani a, hnehtu ani
Inngaitlawm takin sabengtung chungah a chuang a
Sabengtung no chung ngeiah..
Chutia hlim tih te, au chhuak rawh tih te an hriatlar em em mai zawlnei lehkhabu ami auchhuahpuia an awmtak ah chuan a hmaa ngawi renga an zui dul dul ang kha ni tawh lovin mipui chu an au ta thup thup mai a, I Lal I hnenah alo kal e tih chuan an au dan ki chu a thlak danglam ta nghal thuai bawk a.
Hosanna ! Davida fapa ! Min chhantu tur…
Hosanna ! Davida fapa..
Hosanna tih chu ‘ Min chhandam rawh’ tihna ani a, tun ang kut hunah chuan khawthianghlim pantu khualzinte tawngtaina hla ber ani thin reng a, mipui chu an au rual dual dual reng a. Kei pawh chuan uar zetin, ‘ Hosanna, Hosanna Lalpa min chhandam thuai rawh,’ tiin ka au ve ta chiam chiam a. Kan thlahtu kalta te pawh khan he fakhla chham chung zel hian khawthianghlim an lo pan tawh thin.
Kan hma lawkah Jerusalem pawh a lang ta, ni chuan Temple cheina rangkachak chu a chhun tle sur a, a mawi in a ropui takzet zet ani. Hnunglam chu ka lehhawi a Isua chu ka va en a, ani chuan mipui au thawm chu hr eve awm pawhin alang lova, amah chimtu mipui tamtak karah chuan mal leh khawhar hmel tak hmuh hian ka va hmu tlat mai pek a ! Kalkawnga tumkau hnah te chu kuai balin van lam hawiin an lek suau suau a, a then chuan kan kalna turah chuan an lo phah a, an kawr haklai te, an puan bahlai te pawh an lo phah zel a !
Mipui an au dual dual a khau kan lut tan ta a, kawtthler pang lehlam lehlamah chuan an lo intlar khat vek a, kan kalna turah chuan puan te, tumkau te an lo phah zel a, chutih lai chuan Pharisai thenkhat an lo kal a Isua chu an rawn bia a, ‘ Zirtirtu an thawm hi a nasa emai Rome ho pawi kan sawi palh hlauh ange, khap dai deuh teh khai,’ tiin an rawn hrilh a.
‘ Anni hi an ngawi anih chuan lungte tal an auchhuak ang,’ tih chu an chhanna dawn ani.
Kan kal zel lai chuan Isua chuan ding lawk turin min rawn hrilh a, Zedekia chu dintirin Isua lam chu ka thlej nghal vat a a biang ah chuan mittui hi alo luang ngiai ngiai a, zirtirtu a tap ani, Isua chu a tap ani. Ka ngaithla a zawitein a phun mawlh mawlh a, a kianga a zirtirte a bia emaw ka ti zet a mahse khawthianghlim chu a bia tih ka hre thiam ta thuai a, zawitein, uar takin, lungngai taka mittui tla chungin, pa in a fa sual tak lungngai tak chunga thu a hrilh ang mai hian.
‘ Aw ! I chunga lo thleng tur lah I hre silo, lung intiang pakhat pawh zuahin I awm dawn silova, I Lal I hnena lo kal chu i hai avangin.’
Khatih hunlai khan a awmzia ka hrethiam pha lo, mipa naupang mai ka ni, mahse kum sawmli a ral meuh chuan lungngai taka a tahna chhan kha ka mit ngei hian a hmu a, a aia rapthlak awm leh thei hian ka ring lo. Kan kal zel a kidron ruam lam ep Temple gate chu kan thleng dawn a, mipui an au dual dual reng a, an tam em avang chuan kaltlang a harsa tawh takzet a theihtawp chhuahin ka hmaa mipui chu ka tawntlang zel a.
‘Hosanna.’
‘ Lalpa hminga lo kal chu fakin awm rawh se.’
An authawm chu kulh bang ropui tak chuan sawhkhawkin ruam chu a zawh a Gethsemani huan lamah chuan a thangkhawk phei ruih ruih a. Gate kan thleng tawh a Isua pawh Zedekia chung ata a chhuk tawh a, ran chelhbet chung chuan Isua chu ka thlir reng a, mipui chuan an zui dum dum a, anin hma a hruai a ala tap zel ani tih pawh ka hmu thei a. Temple an luh hma Isua lamah chuan ka ban chu ka vai a, mipui ho ban vai nuai nuai mail eh an tumkau te avang aniang a rawn vai let ve lemlo mahse min rawn en chung chuan a lu a bu nghat a hmuphuna, ‘ Ka lawm e Johan.’ A tih chu ka va hmu thei a. A inher a Temple ah chuan alut ta a.
‘Keipawh ka lawm e Isu, ka lawm e,’ ti rilru mawlh mawlh chung chuan ka kalsawn ve ta nghal a.
Zedekia chu kai chung chuan kawtthler tawt tak mai chu ka tawn leh ta a, mipui thawlna chin ka thleng thuai a, ka kaihna hrui chu nghet takin ka chelh a kan khua Bethphage lam pan chuan kan kir leh ta hnak hnak a, kan haw kawngah chuan Isua tah dan te chu ka ngaihtuah pah neuh neuh a, ka tan, ka chhungkaw tan, ka mite tana a mittui far te chu. Kal pah chuan ka phun ta mawlh mawlh a, nilo ka tawngtai ani ber mah zawk e.
Hosanna ! Davida fapa..
Hosanna ! Min chhandam rawh..
Min chhandam mawlh teh !
Kan sualna lakah !
Kan sualna ata !
HOSANNA !
signor dexter dimebag zadeng
Chutia Isua zirtirten kan sabengtung patuai Zedekia kan thlunna an phelh sawk sawk lai chu ka thlir reng a, an mahni ta ni mai awm hian an sawngbawl ni ber in ka hria a, kan phalna an la lova, hawikualin an ngaichang lova, thil dik ani reng em tih hre turin an ngaihtuahna an seng hek lo, a phuarna chu an phelh mawlh mawlh ringawt mai nia !
Heng zirtirte hi ka hmu fo tawh, nia an zawlnei zui thin Isua hi a lar em lah tak a, hnaitea Bethani khuaah Mari, Marthi leh Lazara te kiangah a thleng fo mai, ni e Lazara, kha mitthi Isuan a kaihthawh leh pa kha !
Ring zet chuan ka pa chu ka au ta nghek a, ‘ Ka pa tuten emaw kan sabengtung an la ringawt ania !’
Inchhungah chuan kangmei a chhuak ta emaw tih mai tur khawpa ranga rawn zuangchhuah pah chuan ka pa chuan, ‘ Hey ! Eng thil nge in tih tak !’
An ding zui ta nghal a,mahse ka pa chuan ala duhtawk mai lo, kan Sabengtung kaitu ber chu pan hnaiin a hmai bul chetah chuan ava kun hniama(Ka pa hi pa lian leh chak tak ani a), ‘Zawhna ka zawh che chu,’ a va ti leh a.
‘ A .. englo ania ka pu, Zirtirtuin va la ru ati alawm mawle, engmah buaina a awm lovang atia !’ buh nuaih in a chhang ta a.
‘Lalpain a duh ani’ tiin an zinga upat hmel ber chuan a rawn ti ta thuai a..
Mak tak maiin ka pa hmela thinrimna zawng zawng chu a kiang ta daih a, a tawlh kiang a an kalna kawng a kian ta mai a ! Chupa chuan, ‘ Isua… Lal Isua chuan I sabengtung hi a mamawh tih hrilh tur che in min ti a ni,’ ati leh ta a..
Ka pa hmel chu ngilneihna in alo khat a nuih sak pah chuan, ‘In hotupa hi mi ropui tak ani, tlang chunga thu a sawi tum khan ka ngaithla ve asin, Pathian ram chungchang te pawh kha,’ ati ta a.
Jerusalem lam chu a thlir vang vang a, ‘ Zedekia hi chu la chhawr ngailoh ania, thunun a buaithlak deuh ka ring in duh zawk chuan amah hringtunu ‘Sarai’ hi in hruai thei ang a chunga chuan pawh anuam zawk daihin ka ring,’ ati a.
‘ Lalpa chuan tuma la chuan lohna hi a thlang tlat ani, a chhan kan hre bik lo, kan hman zawhah keiman ka rawn kir leh dawn nia’ tih chu a chhanna dawn ani.
Ka pa chuan a hnial zui tawh lo, anni pawh chu an kal tan ta nghal a, ka ngawi thei tawh lo, ‘Ka pa, ka kal ve duh Zedekia pawh keiman ka lo kai haw leh thei anga, an tan pawh a awlsam zawk dawn asin,’ ka tit a a.
‘ I tibuai mai mai lo maw ?’ ka pa chuan ati a mahse zirtir zinga mi khan, ‘ A duh phawt chuan lo kal ve sela, sabengtung pawn a thu a awih deuh maithei asin,’ a rawn tita a. Ka damchhunga ka huntawnte zinga ka nghilh ngai tawhloh tur chu a intan ta a.
Khaw pawn maiah chuan Isua leh a zirtir dangte chu amah zuitu midang tamtak nen an lo tlim hmur a, tam tak an ni, keini ho leh sabengtung min hmuh chuan an au ta hluah hluah a. Zedekia chu ka kai a zirtirte nen chuan Isua hnenlam chu kan pan phei ta a. A bul kan thlen chuan Isua chuan puan pakhat hi Zedekia hnungah chuan phahin a chungah chuan a lawnzui ta nghal a.
Chutia a chunga mihring an chuan tak ah chuan Zedekia chu a hram ta dut dut a, a ke hmalam chu a per tat lat tlat maia ka rilru chuan, ‘Chhei le ! An inthingthla ngei dawn anih hi,’ ka ti a. Mahse Isua chuan Zedekia pang chu an beng thak thak a kun hniamin zawitein eng thu emaw hi a zu hrilh a, mak tak maiin Zedekia awmdan chu a inthlak chawpchilh ta nghal a thu awih zet chuan a awm ta hle hle a, a hnu a mipui tam takte thawm nasa takin a chhunzawm te pawh chuan eng buaina mah a siam zui ta lo, thu awih takin, lawm takin, tlawm takin a chunga chuang chu a phur ta zel a !
‘ Vala enge I hming ?’
‘ Johan-a ka ni e ka pu.’ tin ka chhang a
‘ Sabengtung tha tak anih hi, I pa hnenah chuan ka lawm em em ani tih hi ilo hril dawn nia.’
‘Awle ka pu.’
Ani sabengtung chunga chuang, kei a sira kal mipui thawm lo bengchheng bawk nen inbiakzui ngaihna a awm ta lova. Jerusalem panna kawngpui chu kan zawh zel a kan khua Bethphage chu kan lut ta a, Zedekia ka kai a a chungah Isua a chuang a kan hnungah chuan mipui tamtakin min zui mup mup a, ka thiante chuan min va thik dawn tehreng em ! Kan khua hi kalhlen kut Jerusalema hman tum khualzin tam takin kum tin an paltlang thin a, kut a hnaih tawh avangin mi an tam a, kal sawt a har hle a.
Kan hnunga mipui kara tang chuan Rabbi pakhat hian Zawlnei lehkhabu thu a rawn au chhuah pui a..
Aw Zion fanu, nasa takin hlim la
Aw Jerusalem fanu, au chhuak rawh
Ngai rawh, I Lal I hnenah alo kal e
Mifel ani a, hnehtu ani
Inngaitlawm takin sabengtung chungah a chuang a
Sabengtung no chung ngeiah..
Chutia hlim tih te, au chhuak rawh tih te an hriatlar em em mai zawlnei lehkhabu ami auchhuahpuia an awmtak ah chuan a hmaa ngawi renga an zui dul dul ang kha ni tawh lovin mipui chu an au ta thup thup mai a, I Lal I hnenah alo kal e tih chuan an au dan ki chu a thlak danglam ta nghal thuai bawk a.
Hosanna ! Davida fapa ! Min chhantu tur…
Hosanna ! Davida fapa..
Hosanna tih chu ‘ Min chhandam rawh’ tihna ani a, tun ang kut hunah chuan khawthianghlim pantu khualzinte tawngtaina hla ber ani thin reng a, mipui chu an au rual dual dual reng a. Kei pawh chuan uar zetin, ‘ Hosanna, Hosanna Lalpa min chhandam thuai rawh,’ tiin ka au ve ta chiam chiam a. Kan thlahtu kalta te pawh khan he fakhla chham chung zel hian khawthianghlim an lo pan tawh thin.
Kan hma lawkah Jerusalem pawh a lang ta, ni chuan Temple cheina rangkachak chu a chhun tle sur a, a mawi in a ropui takzet zet ani. Hnunglam chu ka lehhawi a Isua chu ka va en a, ani chuan mipui au thawm chu hr eve awm pawhin alang lova, amah chimtu mipui tamtak karah chuan mal leh khawhar hmel tak hmuh hian ka va hmu tlat mai pek a ! Kalkawnga tumkau hnah te chu kuai balin van lam hawiin an lek suau suau a, a then chuan kan kalna turah chuan an lo phah a, an kawr haklai te, an puan bahlai te pawh an lo phah zel a !
Mipui an au dual dual a khau kan lut tan ta a, kawtthler pang lehlam lehlamah chuan an lo intlar khat vek a, kan kalna turah chuan puan te, tumkau te an lo phah zel a, chutih lai chuan Pharisai thenkhat an lo kal a Isua chu an rawn bia a, ‘ Zirtirtu an thawm hi a nasa emai Rome ho pawi kan sawi palh hlauh ange, khap dai deuh teh khai,’ tiin an rawn hrilh a.
‘ Anni hi an ngawi anih chuan lungte tal an auchhuak ang,’ tih chu an chhanna dawn ani.
Kan kal zel lai chuan Isua chuan ding lawk turin min rawn hrilh a, Zedekia chu dintirin Isua lam chu ka thlej nghal vat a a biang ah chuan mittui hi alo luang ngiai ngiai a, zirtirtu a tap ani, Isua chu a tap ani. Ka ngaithla a zawitein a phun mawlh mawlh a, a kianga a zirtirte a bia emaw ka ti zet a mahse khawthianghlim chu a bia tih ka hre thiam ta thuai a, zawitein, uar takin, lungngai taka mittui tla chungin, pa in a fa sual tak lungngai tak chunga thu a hrilh ang mai hian.
‘ Aw ! I chunga lo thleng tur lah I hre silo, lung intiang pakhat pawh zuahin I awm dawn silova, I Lal I hnena lo kal chu i hai avangin.’
Khatih hunlai khan a awmzia ka hrethiam pha lo, mipa naupang mai ka ni, mahse kum sawmli a ral meuh chuan lungngai taka a tahna chhan kha ka mit ngei hian a hmu a, a aia rapthlak awm leh thei hian ka ring lo. Kan kal zel a kidron ruam lam ep Temple gate chu kan thleng dawn a, mipui an au dual dual reng a, an tam em avang chuan kaltlang a harsa tawh takzet a theihtawp chhuahin ka hmaa mipui chu ka tawntlang zel a.
‘Hosanna.’
‘ Lalpa hminga lo kal chu fakin awm rawh se.’
An authawm chu kulh bang ropui tak chuan sawhkhawkin ruam chu a zawh a Gethsemani huan lamah chuan a thangkhawk phei ruih ruih a. Gate kan thleng tawh a Isua pawh Zedekia chung ata a chhuk tawh a, ran chelhbet chung chuan Isua chu ka thlir reng a, mipui chuan an zui dum dum a, anin hma a hruai a ala tap zel ani tih pawh ka hmu thei a. Temple an luh hma Isua lamah chuan ka ban chu ka vai a, mipui ho ban vai nuai nuai mail eh an tumkau te avang aniang a rawn vai let ve lemlo mahse min rawn en chung chuan a lu a bu nghat a hmuphuna, ‘ Ka lawm e Johan.’ A tih chu ka va hmu thei a. A inher a Temple ah chuan alut ta a.
‘Keipawh ka lawm e Isu, ka lawm e,’ ti rilru mawlh mawlh chung chuan ka kalsawn ve ta nghal a.
Zedekia chu kai chung chuan kawtthler tawt tak mai chu ka tawn leh ta a, mipui thawlna chin ka thleng thuai a, ka kaihna hrui chu nghet takin ka chelh a kan khua Bethphage lam pan chuan kan kir leh ta hnak hnak a, kan haw kawngah chuan Isua tah dan te chu ka ngaihtuah pah neuh neuh a, ka tan, ka chhungkaw tan, ka mite tana a mittui far te chu. Kal pah chuan ka phun ta mawlh mawlh a, nilo ka tawngtai ani ber mah zawk e.
Hosanna ! Davida fapa..
Hosanna ! Min chhandam rawh..
Min chhandam mawlh teh !
Kan sualna lakah !
Kan sualna ata !
HOSANNA !
signor dexter dimebag zadeng
Comments