Sangthankima chanchin tlangpui:
Pu sangthankima hi kum October 18, 1960 khan Tlangsam, Champhai district ah a lo piang a, upa lalruma sailo leh suilianmawii te fa 9 zinga pa thumna a ni.Zirna lam hi a ti thei vak biklo a niang. Pawl 5 thleng chauh a kal a. Kum 20 a nihin a piangthar a, a pianthar hma hian a sual ve thei hle thin a.a mah hi a palian in a ruakhau bawk a.ft 6 leh inches 2 zet niin mizo pa ah chuan a lian ber pawl a ni a.insual te hi a peih in a hrat ve em em thn a. Champhai a tangin khawzawl velah te sual tur zawngin a kal vang2 peih niin a man a sawi thin.tin,mi luhlul leh sual ve tak a nih rual2 in mitan a hnawksak ltk leh nunau tiralti zawng chuan a khawsa ngai lem lova.a chimawm ve em emna chu,mi thing chhek khawl sa te hi a let zawngin(ramlam hawiin)a pu let ngat ngat peih thin. A pian thar hnu hian rualbanlo leh baihvaite enkawlna lamah hun a hmang ṭan nghal a.khawlai ah te au in,pathianthu a sawi kual a."lamlianah te,daiah te,kal ula pachhia leh vakvai te ka hnenah han hruai rawh" th hi a thupui ber pakhat a ni.
November 14, 1988-ah Champhaiah,zungawlvi pakhat dai a pu chhuak in pathian thu a hrilh tan a, Thutak Nunpuitu Team a din a.chumi hnu ah zau zawk a hma la zelin Zuangtuiah TNT hmunpui an siam. Lunglei, Champhai leh Kolasib-ahte TNT rawngbawlna hmun an siam ta zel bawk a. TNT-ah hian Mizote bakah, Chakma, Tuikuk, Assamese, Burma lam mi an awm a. TNT, Aizawlah naupang 424, Pangpar Huanah mi 254, ruihhlo ngai mi 324 an awm mek; an vaiin mi 1,002 an ni. Thawktu mi 68 an awm bawk. TNT Kolasib-ah mi 40, Lungleiah mi 95 leh Champhaiah mi 63 an enkawl mek. A hmun a thawktute inpekna te saw ropui tak a ni. Nausen thla 2 mi atang a mianglo nutling leh patling thankin zet twh leh addict luhlul zet zet enkawl saw thil hautak tak a ni.patling pui pui bual turin kekawr an han phelh a,ektum hrawl twk te hi a lo awm leh ngut thin a.tin,ka aa lo ti a nileg a vei tlut2 leh, kha kha chaw a eìhnem ltk.kai sawn twh ru..sawi tur a tam mai.nikhat a an buhfai ei ral ringawt pawh saw pui tak a ni.pathian tello chuan mihring rinchhana tih theih a nih lohzia chu a hmunah.(ka awm ve tawh nghe nghe a.he2) thingpui paw kan indawn tum te khan biakinah an puang lawk thlap a,kut kan beng dur2 thin. Sa hi chu kan awm lai phei kha chuan good friday leh krismas ah bak kan hmu lo hrim2.he2.kolasib kan awm lai khan a rawn kal a.ar kha kan vulh nual a.talhsak kan tum chu a lo duh hauhlo."mi a te,naupang te khian an ei pha hleinem" a ti tlat a nih chu.
Sangthankima hian a hnathawh that avangin Mizoram leh ram pawn aṭangin chawimawina 20 a dawng tawh. Mi chhuanawm tak a van ni chiang m! Kum 2012 khan CNN heroes ah nominee a ni a. 2014 mizo award kha a dawng bawk a ni..
(Ka post hi a rei tawh deuh a hei hi kan dah zaw mai ange..2011/12 vel a ka post kha nia.. kim chang zawk hi kan dah belh ange..)
Dr. Sangthankima, Thutak Nunpuitu Team (TNT) Founder hi Upa S. Lalruma leh Pi S. Lianmawii fa pakua (9) zinga a upa lam pathumna niin, Kum 1960 October 18 ah Champhai Tlangsam khuaah a lo piang a, amah hi Ft.6.2″ a sang a ni. An unau hi mipa pasarih(7) leh hmeichhia pahnih (2) niin, tunah hian Champhai Vengthlangah an cheng mek a.A pu Thanghlianga (Upa S.Lalruma Pa) hi Tlangsam lal a ni a, Pu Thanghlianga pa chu Lalsanga Sailo a ni. Ngur khua, Zote-Khawbung leh Buangtlangah te Lal niin, heng khua te hi a enkawl a ni. A pi leh pu te atangin mirethei leh chanhai te hmangaih thei tak leh tanpuingaite tanpui thin mi, mi ngilnei leh zaidam tak chhungkua an ni.Pu Sangthankima hi Kristian tha tak chhungkua atanga lo piangchhuakin a naupan lai chuan zakzum tak, Sande Sikul pawh Beginners atanga Senior Department thlengin a kalchhuak vek a. Zirna School lamah chuan pawl nga (CL-V) a ni. A lo thanglian zel a, rawlthar a lo nih chuan ruakhauh leh luhlul tak a ni a. A lo tlangval chhuah chuan rorum tak leh huaisen tak, ahlauh nei lo, engpawh tise a thiltih chu a tawp thlen hma loh chuan tilui tlat zel thin mi a ni. Pa kawmnuam tak, hlimthei tak leh fiamthu pawh duh tak a ni.Kum 1983 ah Champhai Vengthlang a mi, Lalthakimi, Pu Chawngkhuma fanu nen Pathian Kohhran Dan Thianghlimin an innei a, fapa pathum leh fanu pakhat an nei a ni. Tin, infiamna (sports) lama tui mi tak a ni a, hruaitu hna pawimawh tak tak te pawh a lo chelh tawh thin a. Mizoram aiawhin rampawn-State dangah te pawh vawi tam tak a kal tawh a. Infiamna (Sports) lam tui mi a nih angin a hlawhtling thei hle a. PHE Department pawhin Volleyball Khela-ah an lo la tawh nghe nghe a ni. Volleyball thiam tak a ni. Chutiang ang a hun a hman mek lai chuan, khawvel hlimhlawp, zu leh sa hmun lamah a hun chu a lo hmang ve tan ta a, a inhmang thuk zel a, chutia khawvel thilanasa taka a inhman lai chuan a nunah beidawnna leh Pathian lam ngaihna a lo nei ta a.Tichuan, Isua Krista a nunna a tana inpe (inpuang) reng chu kum 1988 ah khan a nun atan a puang ve ta a, chuta tang chuan Pathianin “Chhuak la, kawtthlerahte, kawmkarahte kal thuai thuai la, pachhiate, piangsual te, mitdelte, kebaite hetah rawn hruailut rawh”, Luka.14:21 tih thu hmangin a rawngbawl turin a ko zui nghal a. Pu Sangthamkima huan Pathian kohna lo thleng chu “Midang te hnena thu ringawta sawichhawng mai tur ka ni lo va, a thawha thawk tur ka ni” tiin, ruihhlo ngai te chhanchhuah hna chu a tan ta nghal a. Mi pakhat zu ngawlvei daipawna pawchhuakin chhawlbuk sa chawpin, chhawlbuk hnuaiah inhlawh chawpin Pathian thu hrilh leh enkawlna chu a thawk tan ta a.Chumi hnuah chuan Champhai leh a chheh vela misual rual nun beidawng tam takin damna duhin an zui a, damlo tam takin an rawn pan a, damdawi lama beidawng tawh te leh doctor ten thi mai tura an ngaih tawh te pawhin damna an chang a. Chutiang anga rawngbawlna ropui tak Champhaia a neih lai mek chuan, kum 1990 khan rawngbawl turin Aizawl lamah a chhukthla ta a. Tichuan misual rual leh ruihhlo ngai ten an rawn pan khawm a, chumi hnuah, mi a chhungkaw tan leh khawtlang tana hnawksa, enkawl theih loh leh phungzawl, ramhuai mante, enkawltu neilote an rawn pe khawm leh a, chungho kara rawng a bawl mek lai chuan fahrah naupang michuang, nu leh pa neilo te leh nu leh pa ten an duh loh, vakvai mai mai te, nausen a nuin a sen laia a paih, miin an chhar te an rawn pe khawm leh a, chung te enkawla Pathian hnena hruai hna chu tumlawk reng pawh ni lovin a thawk ta a. TNT Founder Chairman leh Speaker niin a enkawl tawh damchhuak te hnenah “Kan ruihhlo ngaihpui mi chhumchhiate Isua hnenah kan tan hmun a awm a, i hruaikhawm zel ang u” tiin a sawm zel a, a sawmna chhangtute nen chuan khawvela hna ropui ber, “Thlaraubo chhanchhuah hna” chu harsatna tamtak paltlangin a la thawk mek zel a ni. A rawngbawlna hi kohhran emaw, sorkar emaw tumah tatu leh neitu bik awm lovin rinnain a kalpui a, a awmna kohhran chu Presbyterian kohhran a ni a, a innghahna ber leh a thupui ber chu “KEI AIIN ISUA KA RING ZAWK” tih hi a ni. kum 1991 atanga tanin tuna TNT Headzuarter Aizawl Muanna veng a,
Pu K.Thangzuala ramah hian fahrahte, mi a te leh ruihhlongai te enkawlna tur hmun a dinsak ta a ni. Tun thleng hian taksa rilru thlarau lama hasatna nei ten Pathian tihdamna an channa hmun a ni ta zel a ni.
THUTAK NUNPUITU TEAM HEADQUARTER AIZAWL MUANNA VENG BIK RAWNGBAWLNA TLANGPUI
RUIHHLONGAI (Addict)ENKAWLNA:
Ruihhlo ngai (addict) enkawlna bikah hian vawi tamtak Chhandamna campiang neih a ni tawh a, ruihhlo ngai (addict) ringawt pawh mi singkhat leh sangkhat (11000) vel zet enkawl tawh an ni a. Heng zingah hian Pathian chhanchhuahna changa nunkawng pangngai zawh leh ta pawh sawitur tam tak an awm a, chhungkaw tamtak leh khawtlang tan pawh a chhenfakawm tak tak an awm hlawm a ni. Tuna TNT a thawk mek te hi he hmun atanga damchhuak te hi tunah mi sawmhnih pathum(23) missionary-in an kalchhuak tawh bawk a ni. Mizoram hmun hrang hrang te leh thenawm state atang ten an lut reng a ni.
MI A (PANGPAR HUAN):
Champhai daia rawngbawl atan atangin Pathianin mi anglo, phungzawl, ramhuai man leh rilru buaite a pe tel nghal a. Anni ho hi an lo pun tak zel avangin a hrana enkawlna hmun siamin “Pangpar Huan” tiin enkawl bik an ni. Heng mite hi an at dan (case) a inang lo hlawm hle a. Chhungkaw tan leh khawtlang tan enkawl an harsa tlang pui a, enkawltu neilo mi chuang an awm ve nual bawk. Mi a sanghnih leh zathum (2300) zet enkawl an ni tawh a, heng zingah hian damchhuak zasarih sawmruk pariat (768) zet an awm ve tawh a ni. Heng mi anglote hi thenawm state- Manipur, Nagaland, Assam, Zampui tlangdung, Megalaya, Burma, Halflong leh Mizoram hmun hrang hrang atanga rawn pankhawmte an ni a. Pathian chhandamna an chang thin.
FAHRAH (NAUPANG):
1994 atangin Lalpan fahrah te a hruaikhawm sak leh ta a. Fahrah enkawlnaah hian naupang zali sawmnga (450) vel an lo lut tawh a. Khawtlang hruaitute leh an chhungkua te nena thil remchan zawkna a vangin engemaw zat chu pekkir leh an ni. Fahrah enkawlnaa dah tur hian mi chuang tak tak lo chu an la ngai lo. Thlarau lam leh taksa lama enkawl puitlin hi an mawhphurhna a nih avangin Pathian au chungin theihtawp an chhuah a. Sikul an kaltir a, nursery atanga Class-X thleng school an neih sak a. Class X zo hi sawmthum leh pahnih (32) an nei tawh bawk, infiamna (Sports) te, Mizo culture te, Music leh Arts te hlawhtling taka zirtir an ni.
Heng te hi Pu Sangthankima rawngbawlna kalzel leh a rahchhuah tlangpui te a ni a. Heng bakah hian Lunglei, Champhai leh Kolasib-ah te ruihhlo ngai leh mi a te enkawlna IN din..
Comments