PASALTHA ZAHMUNGA CHANCHIN





Zahmunga hi Hawirehlova fapa mal a ni a. Kum 1894-ah a piang a, a pian tirh atangin a ha hi a to sa vek a; tin, a khabe ruh leh a ha hi a inzawm vek a. A pian tirh atanga a thih thlengin ha nget leh na a nei a lo a, pakhat mah a bal lo bawk. A ha hi a hriamin a chak hle a, vawi khat chu lal ina zu an in hona-ah Pu Salthuama(naupang a nih lai) chuan satel puitling hi a rawn chaih(kai) a, athiante chuan,”Zahmung, i ha hi a hriam hle mai a he satel nghawng hi i seh chhum thei angem?” an ti a. Pu Zahmunga chuan, “Rawn la ula a ni mai a lawm,” a ti a. Satel chu an rawn la a, a lu rawn lawr chu a nghawngah chuan a lo seh chum sak hmawk mai a, a thial sawm nghal a, a lem vek mai a ni an ti.


Tin, tuibur dawn(dardawn) hi per maih loin a seh chhum hmak hmak thei bawk. Tin, sechal vun thlep(thuah) hi vawi khat chilh(seh)ah a seh chin zawng chu rualtakin a tla hmiar thei bawk.


A ran vulh leh ramsa a kahte hiandanglamna an ngah hle a, a hmingpawh a than phah hle a ni.


A RAN VULH DANGLAMNA:


1. KHAWVELA SEKI LIAN BER: Tuna Mualkawi khaw awmna chung, Ruantlang panna kawng chhak kawng ko lungah he seki lem hi ziah a ni.
He sial hi kum ruk ‘Sechal’ ti a sawi thin a ni a. Bawng anga tlai tin haw thin a ni a, vawi khat chu tlaiah a lo haw loh avangin PuZahmunga chu a ngaih a tha lo deuha, a lo hawng leh em ang chu tiin ngaih tha zan lo chuan a awm a. A tuk tlaiah chuan a lo hawng leh ta lo a. Chutia zan hnih lai mai hawng lova a awm chu a ngaih tha lo chuan a zawng ta a. A sial chuan Mualkawi ram atang chuan Tiau lui kanin Khawzim ram a kai a, Khawzim ramah chuan sakei nen aninsual a, nasa taka an insual hnu chuan ko pangah hian a sial chuan sakei chu a lo si betreng mai a, ran a nana na chuan a si hlum tih a hre lo a, a puin a han koh chuan a pu lam hawi chuan a lu chua han vilik a chutia a lu a han lak sawn takah chuan sakei chu a hmaah chuanthiin a lum ta reng mai a ni. Chutianga zan hnih leh ni hnih lai tui pawh in lo a nih avang chuan a sial chu a kua a ruakin a chau hle a,a neitupa Pu Zahmunga chuan CHAWNLAM-ah a chhun(talh) ta a ni.


He seki hi Champhai Kanan venga a fapa C.Hranghleia chuan a la kawl a ni. A len zawng chu: a ki hmawr ve ve inkar chu ft.3 leh inches 3 zet a zau a ni a. A ki bul len zawng chu sum thum laia lian a ni a, a ki pakhat kawrawng chhungah hian bel khap nga khat tui a leng tawk ve chiah a ni an ti bawk.


2. A arpa ngumah kel hmul ang a tro: A arpa pakhat chu a ngumah hian kel hmul a tro tlat mai a. He ar hi an talh a,ni hnih leh zan hnih chhum lo chat loa an chhum pawhin an chhum hmin zo lo a ni.

3. A vawkpui dum, a var leh vek: Pu Zahmunga hian vawk note sa hi a sa duh tak a nih avangin vawkpui a vulh thin a, vawi khat chu vawkpui dum a vulh a, note a nei a, a no neih atanga kar khat velah zankhat thilthuah dum lair eng reng awm loin a var vek.

4. A arpa thla hnuaiah a siak a tro bawk.
Ramsa a kah danglamnate:
1. Sazuk pachal, sakawr anga tuang nei a kap.
2. Sanghal(Nghalchang) ngho phir a kap.
3. Sanghal chal rang a kap.
4. Sanghal mei par a kap.
5. Sakhi pachal til nei lo a kap.
6. Sakhi kaihza a pahnih a awng a kap(saihlum leng vel).
7. Sakhi a hmui atanga zung hnih bawk vela a zang tluana a mei hmawr thlenga rang a kap.
8. Sakhi a zak kula chhuaka rang a kap.
9. Sakhi pa lian tak mai ki nei miah lo a kap.
10. Sakhi pachal a mei pangngai ang tak hi a hreibat(dar) bula to a kap.
11. A sakhi kah pumpuiah ‘Sa ai’ a awm.
Kum 1954 –ah kum 60 mi niin a thi a, a ram vulh leh ramsa a Pathian malsawmna a dawnte chu a lung phun (damlai lung)-ah amah ngeiin a thu a phuah leh a ziah dan angin ziah lan a ni. A lungphun hi Border Trade RoadMualkawi(kan khua) atanga 2 km vela hlaah a awm ani.


Thu lakna : "Mitthi Thlarau Kalkawng"By C. Lalthanmawia
@joel lairemsanga.

Comments

Post a Comment

Popular posts from this blog

FAM LALZOVA.

LALZOVA CHHANGTE (chanchin tawi Tlem bìh thuak ang) Lalzova (1924-1945) hi kum 1924,dec thla ni 2-ah lunglei rahsivengah alo piang a,a pa chu hnuna niin a nu chu aimawii a ni Mizo zingah chuan lengzem hla phuah thiam ber zinga mi a ni a. Hla 50 zet a phuah hman a . Kum 1945,dec thla ni 8-ah a thi a, Lunglei Venglai thlanmualah phum a ni. A thih hian kum 21 chauh a upa a ni. Indopui II-na lo chhuah khan Pawl nga a zo hman chiah a. Lemziah lehthil lem siam lama a talent thatzia hriain, SDO Wiscott-an Aizawlah a hruai phei a. Aizawl atangchuan C.Thuamluaia’n lehkha zir turin Calcutta-ah a hruai a. Sikul luhna tur anhriat lawk loh avang leh a lung lenem avangin Mizoramah a lo chuang chhuak leh a. Lehkha zir chu a bansan ta a ni. Kum 1943-1945 chhungin hla 48 vela phuah a. Sakhaw lam hla 3 leh hla lenglawng 5-te bakchu a hlate chu lovesong ang chi vek hi a ni. Rimawi a ngainain heng Spanish quiter, Hawaii guiter, violin, ukelele-te hi a tum thiam vek a. Mi lungleng thei mi nihnak ala...
Read more
Image
ROPUILIANI Site hrang hrang a mi ka lawr leh puat puat a,rinthu deuh reuh nen cheibawl leh hmiah ang. Kan pi leh pute zingah pawh khan ram leh hnam zalenna an humhalh avang a British sawrkarin an thahte chu mi tlemte an ni a. Chung zingah chuan Mizo Hmeichhia ngei, pitar tawh lehnghal, hetiang khawpa huaisen kan lo nei hi a chhuanawm em em a ni. Mizoram zalenna atana a hnathawh leh a thih dante hi thangtharte ta chhinchhiah tlak a ni. Mizo Freedom fighter hmasate zingah hmeichia kan neih chhun a ni a, chawimawina sang tak pek a phu hliah hliah a ni. A mah chu…. Ropuiliani hi Vanhnuailiana fanu a ni a, a pasal chuVandula Denlung lal ani a.a pasal thih hnu hian Denlung khua chu a awp ta a ni.MAHSE ziaktu thenkhat chuan ropuiliani hi vanhnuailiana fanu ni lovin a farnu niin an sawi thung a.a unau te ni a an sawi chu 1) Vanhnuailiana, 2) Lalphunga, 3) Thawmvunga (Chhim leh hmar indo dawna Lalpuithanga ina kawlhnam kenga lam kha),4) Lalchawngpuii (Laltheri),5) Thangpuii leh 6) C...
Read more

CENTRAL JAIL TLANCHHUAHNA

*AIZAWL CENTRAL JAIL AȚANGA TLANCHHUAHNA* joseph colney.. 1992 kum a Aizâwl Central Jail atanga tlanchhuahna leh rawng taka Rothili an thah a, anmahni manchhuah an nih a, an kawngzawhlai tawp dan rapthlak tak chu CHHIAR TEH LE *KHUH HAWNNA:* Tûk dang ang bawkin zîng ni chhuak chuan Aizâwl Central Jail chu a rawn chhun leh at tawh a. Chu ni chu ni dang nên danglamna eng teh ual a awm loh hmêl hle. Jail tângho chu an rawn tho chhuak phak phak a, zîngkârah chuan thil pawimawh êm êm tih nei loin tûkthuan ei an nghâk leh far a. Ni danga tûkţhuan an dawn ‘cut hnih/khat’ chu chumi ni pawh chuan an nilêng ‘quota’ a ni leh dâwn tih pawh tângho chuan an hre chiang leh hle a. An rinlâwk ang ngei chuan tûkţhuan an han dawn chuan ‘cut hnih/khat’ chu uicho chaw pêk takin pêk an ni leh a: tuma’n vui leh vaina thu an chhâkchhuak ngam lo. Vui eng ang mah se awmzia a nei dâwn lo tih hrechiangtu an nih vek tawh avangin thil sawngsawhlawt lo taka chilper sên chu tuma’n an tum lo ting tang tawh ...
Read more