PASALTHA HRANGHLEIA
Pasaltha Hranghleia hian mirethei sa tuihang duh anga hawp ve thei lote a hre em em a, a hleh reng reng thin a, amah hi fit 5.10 vela sang ngo lam leh hmai tluak deuh niin amah hmu phakte chuan an sawi thin.
Hranghleia pa hi Phunzama a ni a, a la naupan laiin Pawih ralin an man a, midang anga a lu lam mai lovin amah mantu Pasaltha chuan fa angin a en zui ta a. Nupui a neihsak a, Hranghleia a lo piang ta a ni.
Hranghleia chu Halkha Pawihho zingah chuan a seilian a, ral beih dan leh sa beih dan tinreng an zirtir a, hnahthel ro zingah pawh ri hlek loa kal dan te, thawm nei miah loa chetdan an zir nasa hle a, hei hi Mizoram thatna tur a lo ni ta a ni.
Zahau lal Khawtinngawra an pafain an rawn bel ta a. Hetih lai hian Tuaka thlahte leh Sailo lal Vuttaia thlahte an indo reng reng a, nikhat chu Vuttaia pasalthate rammu haw chuan Hranghleia pa Phunzama chu an vau vel a, ani lah chuan a lo hlau awkawng mai si lo. A lo chhang ve ngam zel mai chu Vuttaia pasalthate chuan inhrosak nan tiin van lam hawi chuan an silai chu an kap dur dur mai a. An thawm chu Hranghleia chuan lo hriain a pa chhan tur chuan a tlan ta a, an khaw mualkil fapa Lalkhuma chu a kapthlu tawp mai a ni.
Khawtinnghawra te leh Vuttaia thlahte hi indo an nih loh avangin Hranghleia chuan tual a that chu a ni ta mai a, lal sut vuana vanlung meihawl rah keh ai chuan tiin Nikuala lal huaisen tak mai chu a bel ta a ni.
Nikuala ho chuan Chawngtlai an kai ta a. Hetah hian Halkha pawihho nen an indo nasa hle a, Hranghleia pawh hian a hming a chher hle nghe nghe.
Halkha pawihho chu sailo lalhoin an do ngam meuh lo a, a chhan chu hmarho nen an indo reng vang te, anmahni leh anmahni an indo reng vang te a ni a, tichuan Nikuala chuan huaisen takin Halkha pawihho lakah chuan leido a la ta a ni.
Vawikhat chu Hranghleia chuan a hruaihrat thin rawlthar Vawmkai hruaiin Lumlerh an pan dun a, tiau lui dung zawhin Chhimtuipui lui lamah an peng leh a, Thingsai ram atangin Lumlerh khua an lut ta a ni.
Lal leh a nupui thah an tum a, mahse khawchhungah luh a rem theih loh avangin khaw daiah feh hawng an lo chang a, tlai thim dawnah pa pahnih feh haw tlai fal an hmu ta a. Chan an insem ta a.
Pasaltha Hranghleia chuan a bitumpa chu a sam zialah a man a, mahse a lo chak ve phian mai si a, an insual ta ngat ngat mai a, nakinah chuan Hranghleia chuan a hrawkah chuan a seh ta chat mai a, a thi ta mai a. A thianpa pawh chuan a bitumpa lu chu a rawn la ve bawk a.
Tichuan ram lam hawiin an hnu chu an hawitir a, khawchhungah an tawlh lut a, ral vengtu chuan nakinah chuan, "Kulh kawngka kan khar dawn e, kim lo an awm em?" a ti a. An mi thahte pahnih nupuite chuan an pasalte an la rawn haw loh thu an rawn sawi a, va lam tura an kal chu an ruang chu an va hmu ta mai a.
An thin a ur em em mai a, kulh daiah ro an rel a, mei an chhep a, tunge chumi khanah chuan kal thei an ti a, pahnih te te chuan Hranghleia um tur chuan an liam zung zung a.
Nakinah chuan "Tunge Thingsai ram lamah kal thei?" an rawn ti leh a. Hranghleia chuan, "Keimahni kan kal ang," a ti a, Vawmkaia nen chuan anmahni vek um tur chuan an liam ta vang vang a.
Vawikhat pawh amahin Dawn khua a han run a, mipakhat lo vat lai chu a thingkih rualin a kap thal tawp mai a, mahse an hre tho a, an rawn um ta a ni.
An hual fuh ta tlat mai a. Amah pawhin tun tum chu ka thi ngei dawn a nih hi a ti rilru tawh a, mahse khawvar dawn lamah chuan, "Hranghleia chu khawnge a awm dawn ni? zam hlek suh u," a ti ve ta hlut mai a, an mut a chhuak tawh nen remchangah hmangin a tlan chhuak leh ta daih mai a ni.
SILAI KAP THIAM PASALTHA HRANGHLEIA Hranghleia hian silai a kah reng rengin a tin kawh ve vu vu ngai mang lova, a sep hliau hliauva a kap pawp mai thin a, a chang chuan a kawng bawr vela tang hian a kap pawp mai thin a ni. A silai a kokia nghata tin kawh meuhva a kah hi chu silai kah inthemthiamna turu deuh leh lo fing danah te a ni thin.
A tar tawh hnu khan vawikhat chu Chawngtlai khua- ina khaw nawtin ruai an theh dawn a.An sial talh tur chu Tumpang thlah , lian zet mai hi a ni a. An han kap chu an tihsual nge? an kaphlum thei ta reng reng lo mai a,Vawk talh tur bek vuak sual,thi lawk thei tawh lo ang hi a ni ang chu. Val upate tihngaihna hre lo mangang chuan Zu inkhawmnaa Hranghleia chu an zuk ko ta poh va. Kai nam chhalh tawh pasaltha Hranghleia chuan, “Khawnge,Keiman” tiin a silai a hawl chhuak a, a kal sawt hlak hlak a.A kaplai hmu ve ngei tu Vanhlei’an min hrilh dan chuan, “ Tumpang thlah sial hma-ah chuan Hlado a chham vang vang a, “Kan kah hnu, Kan kah hnu” tih pahin a silai kawm chu a zakah a dah a,tin pawh tin lovin a kap ta ţhuai mai a!A hmaa vawi 3 ngawt an kah pawha an kah hlum zawh loh sial lian zet mai chu a awp ta rup mai a,a khur ta chur chur a,a thi ta der mai a. “Pasaltha kut thlak nge nge chu a na deuh e!” an ti sup sup a.Hranghlei a chuan “ A sahuat lai hre hek lo che u” a ti chheu mai a ni.
SILAI KAH INTHEMTHIAMNA ROPUI
Hetih hun lai hi Kumpinu’n min awp hnu tawh, lal khua leh khua indo leh inrun awm tawh loh hun a ni tawh a.Chiseh phurin Tuiruang vaichhuah (Tipaimukh)-ah mi an kal duah duah thin a.Vai-hovin lawngin chiseh te, dar bel te,kawr bel te,rawng te, la duang te leh tlereuh te an rawn tawlh chho va,Mizovin saingho te,artui leh a thil dehchhuah dangte an phur thla ve thung a,vaiho sual vangin meng leh meng, an inbum tawn reng thin a,Mizote pawh hi kan lo rinawm vek kher lova, an thelret hnai sawh chhungah lungtum te an lo dah ru ve thin bawk a.An insumdawn tawn reng tho a.
Phullen nghalchang hliam a kahhlum tawh hnu chuan Pasaltha Hranghleia leh a thiante chu Tipaimukh-a chiseh phur tur kalin a tlangthla ve ta nghal a. An zuk thlen chuan Tuiruang lui pui zau tak mai kama,tuikuanglawng te, lawnglengte leh bungraw phur lawngleng lian pui puite an lo thlung ngir khup mai an hmuh chuan mak an tiin an enduh hle a.Pasaltha Hranghleia ho te pawh lui kamah an insu a, an inbual a.Hranghleia chuan silai a tuaifai malh malh a. A Awlan silai kaw zau pui chu a hlawlh fai a, a thuamte hawlhfaiin bawlhhlawhte a ker fai a. Chutihlai chuan Sap sipai officer leh a hote an lo kal a, Mizo pa silai chu an en a, an nuihzat hmel em em a, silai inkahsiakah an cho ta a.
Tuiruang lui,Sairang bula Tlawng lui pathum lai inbelhkhawm ai pawha lian awmah mi pakhat lawngin a va karkaitir a,mau phel var vau a va vitbur ta a.Inthemthiam tur chu an ding dun ta a. Sap sipai Officer chuan Mizo pasaltha Hranghleia chu a tham loh em avangin kap hmasa turin a ti a.Inthemthiamna mau phel vihbur chu Pasaltha Hranghleia chuan a tin vang vang a, a han kap ta a, a kap phel ta phak mai le! Mizoho lawmin kut an beng dar dar hlawm a.Chutah sap sipai officer chuan a han kap ve ta a, a kap thleh! Sapho leh an thuihruai vai sipaiho an ngawi ta thiap.Ani Rifle hmang a ni a,Mizo pasaltha silai chu Awlan kaw lian pui sei riang ruang a ni thung si!
Inthemthiamna tur mau phel dang an va tar tir leh a,Pasaltha Hranghleia’n a vihphunna a leiseh atanga khap 2 awma sangah a va kap phel leh ta! Mizo paho chu an lawmin kut an beng leh ta dar dar mai a.Sap sipai officer chuan a han kap ve leh a, kut phah bawk vel laiin a thleh leh ta! Khang hun laia khawvel ram ni tla seng lova roreltu Sap sipai a thin a ur ta.Mizopa hovin an intihbuai phah an hlau rilru ta a.
Inthemthiamna tur mau phel thar an tartir leh ta a, Mizo paho chuan pasaltha Hranghleia tan an hlauhthawnpui tak avangin “Thelh der ve tawh mai teh,a thin a rim tawh em hi!” an tih avangin Hranghleia chuan a kap thleh der v e ta a.Sap sipai officer chu a nui suk a. A tawp nan ti ni awm fahranin a Rifle chu a han tin leh ta vang vang a, a kap puak thuai a, a thelh leh ta tho va. In tibuai leh kut inthlak em lovin an inthathen thei ta hram a.Chiseh phur tura lo kal,silai kah inthemthiam en tuau tute chuan , “Sap sipai silai kap thiam pawh eng teh ual a lo nih bik loh hi! Pasaltha Hranghleia’n a tlawm chiang ngei mai.Vanhnuaithang mihrang Hranghleia nge nge a lo ropui ngei mai” an ti ta huai huai mai a ni.
Pasaltha Hranghleia hian mirethei sa tuihang duh anga hawp ve thei lote a hre em em a, a hleh reng reng thin a, amah hi fit 5.10 vela sang ngo lam leh hmai tluak deuh niin amah hmu phakte chuan an sawi thin.
Hranghleia pa hi Phunzama a ni a, a la naupan laiin Pawih ralin an man a, midang anga a lu lam mai lovin amah mantu Pasaltha chuan fa angin a en zui ta a. Nupui a neihsak a, Hranghleia a lo piang ta a ni.
Hranghleia chu Halkha Pawihho zingah chuan a seilian a, ral beih dan leh sa beih dan tinreng an zirtir a, hnahthel ro zingah pawh ri hlek loa kal dan te, thawm nei miah loa chetdan an zir nasa hle a, hei hi Mizoram thatna tur a lo ni ta a ni.
Zahau lal Khawtinngawra an pafain an rawn bel ta a. Hetih lai hian Tuaka thlahte leh Sailo lal Vuttaia thlahte an indo reng reng a, nikhat chu Vuttaia pasalthate rammu haw chuan Hranghleia pa Phunzama chu an vau vel a, ani lah chuan a lo hlau awkawng mai si lo. A lo chhang ve ngam zel mai chu Vuttaia pasalthate chuan inhrosak nan tiin van lam hawi chuan an silai chu an kap dur dur mai a. An thawm chu Hranghleia chuan lo hriain a pa chhan tur chuan a tlan ta a, an khaw mualkil fapa Lalkhuma chu a kapthlu tawp mai a ni.
Khawtinnghawra te leh Vuttaia thlahte hi indo an nih loh avangin Hranghleia chuan tual a that chu a ni ta mai a, lal sut vuana vanlung meihawl rah keh ai chuan tiin Nikuala lal huaisen tak mai chu a bel ta a ni.
Nikuala ho chuan Chawngtlai an kai ta a. Hetah hian Halkha pawihho nen an indo nasa hle a, Hranghleia pawh hian a hming a chher hle nghe nghe.
Halkha pawihho chu sailo lalhoin an do ngam meuh lo a, a chhan chu hmarho nen an indo reng vang te, anmahni leh anmahni an indo reng vang te a ni a, tichuan Nikuala chuan huaisen takin Halkha pawihho lakah chuan leido a la ta a ni.
Vawikhat chu Hranghleia chuan a hruaihrat thin rawlthar Vawmkai hruaiin Lumlerh an pan dun a, tiau lui dung zawhin Chhimtuipui lui lamah an peng leh a, Thingsai ram atangin Lumlerh khua an lut ta a ni.
Lal leh a nupui thah an tum a, mahse khawchhungah luh a rem theih loh avangin khaw daiah feh hawng an lo chang a, tlai thim dawnah pa pahnih feh haw tlai fal an hmu ta a. Chan an insem ta a.
Pasaltha Hranghleia chuan a bitumpa chu a sam zialah a man a, mahse a lo chak ve phian mai si a, an insual ta ngat ngat mai a, nakinah chuan Hranghleia chuan a hrawkah chuan a seh ta chat mai a, a thi ta mai a. A thianpa pawh chuan a bitumpa lu chu a rawn la ve bawk a.
Tichuan ram lam hawiin an hnu chu an hawitir a, khawchhungah an tawlh lut a, ral vengtu chuan nakinah chuan, "Kulh kawngka kan khar dawn e, kim lo an awm em?" a ti a. An mi thahte pahnih nupuite chuan an pasalte an la rawn haw loh thu an rawn sawi a, va lam tura an kal chu an ruang chu an va hmu ta mai a.
An thin a ur em em mai a, kulh daiah ro an rel a, mei an chhep a, tunge chumi khanah chuan kal thei an ti a, pahnih te te chuan Hranghleia um tur chuan an liam zung zung a.
Nakinah chuan "Tunge Thingsai ram lamah kal thei?" an rawn ti leh a. Hranghleia chuan, "Keimahni kan kal ang," a ti a, Vawmkaia nen chuan anmahni vek um tur chuan an liam ta vang vang a.
Vawikhat pawh amahin Dawn khua a han run a, mipakhat lo vat lai chu a thingkih rualin a kap thal tawp mai a, mahse an hre tho a, an rawn um ta a ni.
An hual fuh ta tlat mai a. Amah pawhin tun tum chu ka thi ngei dawn a nih hi a ti rilru tawh a, mahse khawvar dawn lamah chuan, "Hranghleia chu khawnge a awm dawn ni? zam hlek suh u," a ti ve ta hlut mai a, an mut a chhuak tawh nen remchangah hmangin a tlan chhuak leh ta daih mai a ni.
SILAI KAP THIAM PASALTHA HRANGHLEIA Hranghleia hian silai a kah reng rengin a tin kawh ve vu vu ngai mang lova, a sep hliau hliauva a kap pawp mai thin a, a chang chuan a kawng bawr vela tang hian a kap pawp mai thin a ni. A silai a kokia nghata tin kawh meuhva a kah hi chu silai kah inthemthiamna turu deuh leh lo fing danah te a ni thin.
A tar tawh hnu khan vawikhat chu Chawngtlai khua- ina khaw nawtin ruai an theh dawn a.An sial talh tur chu Tumpang thlah , lian zet mai hi a ni a. An han kap chu an tihsual nge? an kaphlum thei ta reng reng lo mai a,Vawk talh tur bek vuak sual,thi lawk thei tawh lo ang hi a ni ang chu. Val upate tihngaihna hre lo mangang chuan Zu inkhawmnaa Hranghleia chu an zuk ko ta poh va. Kai nam chhalh tawh pasaltha Hranghleia chuan, “Khawnge,Keiman” tiin a silai a hawl chhuak a, a kal sawt hlak hlak a.A kaplai hmu ve ngei tu Vanhlei’an min hrilh dan chuan, “ Tumpang thlah sial hma-ah chuan Hlado a chham vang vang a, “Kan kah hnu, Kan kah hnu” tih pahin a silai kawm chu a zakah a dah a,tin pawh tin lovin a kap ta ţhuai mai a!A hmaa vawi 3 ngawt an kah pawha an kah hlum zawh loh sial lian zet mai chu a awp ta rup mai a,a khur ta chur chur a,a thi ta der mai a. “Pasaltha kut thlak nge nge chu a na deuh e!” an ti sup sup a.Hranghlei a chuan “ A sahuat lai hre hek lo che u” a ti chheu mai a ni.
SILAI KAH INTHEMTHIAMNA ROPUI
Hetih hun lai hi Kumpinu’n min awp hnu tawh, lal khua leh khua indo leh inrun awm tawh loh hun a ni tawh a.Chiseh phurin Tuiruang vaichhuah (Tipaimukh)-ah mi an kal duah duah thin a.Vai-hovin lawngin chiseh te, dar bel te,kawr bel te,rawng te, la duang te leh tlereuh te an rawn tawlh chho va,Mizovin saingho te,artui leh a thil dehchhuah dangte an phur thla ve thung a,vaiho sual vangin meng leh meng, an inbum tawn reng thin a,Mizote pawh hi kan lo rinawm vek kher lova, an thelret hnai sawh chhungah lungtum te an lo dah ru ve thin bawk a.An insumdawn tawn reng tho a.
Phullen nghalchang hliam a kahhlum tawh hnu chuan Pasaltha Hranghleia leh a thiante chu Tipaimukh-a chiseh phur tur kalin a tlangthla ve ta nghal a. An zuk thlen chuan Tuiruang lui pui zau tak mai kama,tuikuanglawng te, lawnglengte leh bungraw phur lawngleng lian pui puite an lo thlung ngir khup mai an hmuh chuan mak an tiin an enduh hle a.Pasaltha Hranghleia ho te pawh lui kamah an insu a, an inbual a.Hranghleia chuan silai a tuaifai malh malh a. A Awlan silai kaw zau pui chu a hlawlh fai a, a thuamte hawlhfaiin bawlhhlawhte a ker fai a. Chutihlai chuan Sap sipai officer leh a hote an lo kal a, Mizo pa silai chu an en a, an nuihzat hmel em em a, silai inkahsiakah an cho ta a.
Tuiruang lui,Sairang bula Tlawng lui pathum lai inbelhkhawm ai pawha lian awmah mi pakhat lawngin a va karkaitir a,mau phel var vau a va vitbur ta a.Inthemthiam tur chu an ding dun ta a. Sap sipai Officer chuan Mizo pasaltha Hranghleia chu a tham loh em avangin kap hmasa turin a ti a.Inthemthiamna mau phel vihbur chu Pasaltha Hranghleia chuan a tin vang vang a, a han kap ta a, a kap phel ta phak mai le! Mizoho lawmin kut an beng dar dar hlawm a.Chutah sap sipai officer chuan a han kap ve ta a, a kap thleh! Sapho leh an thuihruai vai sipaiho an ngawi ta thiap.Ani Rifle hmang a ni a,Mizo pasaltha silai chu Awlan kaw lian pui sei riang ruang a ni thung si!
Inthemthiamna tur mau phel dang an va tar tir leh a,Pasaltha Hranghleia’n a vihphunna a leiseh atanga khap 2 awma sangah a va kap phel leh ta! Mizo paho chu an lawmin kut an beng leh ta dar dar mai a.Sap sipai officer chuan a han kap ve leh a, kut phah bawk vel laiin a thleh leh ta! Khang hun laia khawvel ram ni tla seng lova roreltu Sap sipai a thin a ur ta.Mizopa hovin an intihbuai phah an hlau rilru ta a.
Inthemthiamna tur mau phel thar an tartir leh ta a, Mizo paho chuan pasaltha Hranghleia tan an hlauhthawnpui tak avangin “Thelh der ve tawh mai teh,a thin a rim tawh em hi!” an tih avangin Hranghleia chuan a kap thleh der v e ta a.Sap sipai officer chu a nui suk a. A tawp nan ti ni awm fahranin a Rifle chu a han tin leh ta vang vang a, a kap puak thuai a, a thelh leh ta tho va. In tibuai leh kut inthlak em lovin an inthathen thei ta hram a.Chiseh phur tura lo kal,silai kah inthemthiam en tuau tute chuan , “Sap sipai silai kap thiam pawh eng teh ual a lo nih bik loh hi! Pasaltha Hranghleia’n a tlawm chiang ngei mai.Vanhnuaithang mihrang Hranghleia nge nge a lo ropui ngei mai” an ti ta huai huai mai a ni.
Comments