PASALTHA CHAWNBURA
Tun tum chu kan hriat lar vak loh pawi pasaltha bawn zet mai chanchin ve thung aw.
Chawnbura hi pawih pasaltha hmingthang ani a, sa leh ral hma a huaisen zet ani. vawikhat chu Sakeiin mi a seh a, a zawnna tur a hlang vel siamna a tan hrui an mamawh si a, mahse chulai hmunah chuan ram-hrui a lo vang nasa mai a, khua a thim em a vang te leh, sarthi buaipui an nih a vang te in mi nazawng chu hrui zawng a hmun hla deuh vak ngam reng an awmlova. Pi pu chenah sakeiin mi a seh chuan hrui a vang duh tih ani reng a. Chawnbura chu meichher kengin hmun hla deuhah an vak kual vel a, chutia a vahna lamah chuan tleirawl te mai hian thim zingah hrui a lo seh chat chat mai a, chutiang ang zan a tleirawl te leh nghal, thim zing a hrui lo seh ta chat chat mai chu mihuaisen pasaltha Chawnbura tan pawh en liam mai a har ngang ni tur ani ti hian a zawt ta a.."Tlangval i hlau lo emni?" ani lah chuan hawi pawh hawi chhuak chuang lo hian.."Enge ka hlauh ang". a lo ti mai si! Chutah Chawnbura chuan nui sang chung hian.."Ka mi kawp duhzawng tak i ni e". Tiin,a nau a tan a la ta ani. He tleirawl hi ani Karhluana ti a kan hriat lar tak chu.
Tichuan anni pahnih chu inkawp ta zel in, hriau leh a hrui ang maiin an in-hnuk ta mai a, mahse Chawnbura ai mah a Karhluana chu a lo hmingthan tak a vangin, itsikna sual chuan Chawnbura mi tlawmngai tak pawh chu a man ta tlat a, an sa-ui-tanna thuthlung chu a bawhchhe hmasa ta nge nge a. Chu pasaltha chuan a nau hnenah chuan.."Tunah zawng awmdun thei ziazang kan ni ta love, kan intawng leh ta anih ngai pawn, chempui leh fei a chibai kan inbuk a ngai tawh ang ".Tiin,
Karhluana,amah ngai em emtu chu khaw.. .dangah a pem tauh san ta a.
Tichuan hun leh ni te an ral zel a, Chawnbura lo sawi lawk ang ngeiin chempui leh fei hmanga chibai in-bukna chu a lo thleng ta tlat. Khaw indo an lo ni ta a. Tumkhat chu le Karhluana leh a hote chuan Chawnbura te khua chu run an tum ta a, an kal hma chuan pawihte pakhat hian.."Chawnbura chu kan hre hrang ve awm si lova, kei ka hmazawn a a chhuah ka hlau tak tak ani". Tiin. Chu pasaltha, a tlang-a-tluana hmingthangchu a huphurh ngang mai. Chutah Karhluana chuan.."E..naua Chawnbura chu hai theih ani hleinem, a ngumsek te hi a pawrau mai a nia". a han ti a. Tichuan an chhuak ta a.
Chawnburate khua an thleng tep tih chuan a beih dan tur velah Karhluana chuan ro a han rel zat zat a, chutia an pu thu ngaichanga an din thap lai chuan an zinga a sir bera ding chu thawk-leh-khatah a te tuarh mai a, an han en thuai a, a nghawngah chuan thalfang a lo bur ngur tawh mai ani.
Chutia phawklek taka an awm lai tak chuan an piah mai, nghalenglutar leh leihruisenbuk phen a tang chuan.."Tunge ka khaw run khawpa huaisen a inngai a lo feh chhuak ta mai. Ka thisen far khat khata a far zawh hma chu patling leh patling a tawp thleng rak in i han in-nuai teh ang". a rawn ti thum chher chher ta mai. Chu aw, chona aw chu namnul mai leh ngaihnep a lak tum talh chi ani tlat lo mai le. Chu awki-ah chuan mihuaisen tak te pawh tizam thei tur aw danglam leh mi bik ngawih ngawih pasaltha aw ani tlat..! Chu veleh Karhluana hote chu an zam bechhe ta ani tih a mah ngei pawh chuan a hai lo. Tih ngaihna tak awm ta lo le. A zam hmasa ta na na chu in-saseng mai a ngai ta.
Chawnbura lah chuan umphak ngei tumin a pawihhrum tlan zawng a then nghoh nghoh pawh chu a zial tawm ta hmak mai le. A huho a tlan ai chuan a mal a tlan chu tlanchak a remchang ta zawk nge nge a, Karhluana hote zing a a tlan hnuhnung lam chu a sat pha ta vuai vuai mai. A tlan hnuhnung ber paihte pa hlau lutuk chuan lehhawi pawh leh hawi chuang lovin a fei ken lai chu hnunglam-ah a khawh ta zawt mai. Chawnbura a vanduai ta, fei chu a dulnemah lut in, a ngumah a tlang ruah mai. mahse chu pasaltha chu a zam chuang reng reng lo, zam a hnek-in.."Vapual in a chang a phawi ngai lo". a la ti fan!! a la um tang tang a, mahse mihring ve mai bawk tan daih rei chi ani ta tlat lo. Hreh em em in a tlu ta a, Karhluana leh a hote pawh chuan an rawn nangching nghal a, hun kal tawh dawn kir in Karhluana chuan a hma a a kaihruaituber, pasaltha huaisen chakna reng nei tawh lo chu en in a mittui chu dan rualloh-ina dir ta zawih zawih a, chu chu a hmuhin Chawnbura chuan.."I va hmeichhia awm zik zek ve, i chem khan ka nghawng sa hi a duhlo ang tih i hlau a mi? kha ka chem hi hmang rawh,a hriam tha teh mai a nia".tiin,ama chem ngei chu a lu lak nan a pe ta ani. A tawp ta.ka post tumna a rei deuh tawh a.ka source ka lo save tello palh hlauh mai. Mizo pasaltha 22 te ah khan a awm in ka hria.
Tun tum chu kan hriat lar vak loh pawi pasaltha bawn zet mai chanchin ve thung aw.
Chawnbura hi pawih pasaltha hmingthang ani a, sa leh ral hma a huaisen zet ani. vawikhat chu Sakeiin mi a seh a, a zawnna tur a hlang vel siamna a tan hrui an mamawh si a, mahse chulai hmunah chuan ram-hrui a lo vang nasa mai a, khua a thim em a vang te leh, sarthi buaipui an nih a vang te in mi nazawng chu hrui zawng a hmun hla deuh vak ngam reng an awmlova. Pi pu chenah sakeiin mi a seh chuan hrui a vang duh tih ani reng a. Chawnbura chu meichher kengin hmun hla deuhah an vak kual vel a, chutia a vahna lamah chuan tleirawl te mai hian thim zingah hrui a lo seh chat chat mai a, chutiang ang zan a tleirawl te leh nghal, thim zing a hrui lo seh ta chat chat mai chu mihuaisen pasaltha Chawnbura tan pawh en liam mai a har ngang ni tur ani ti hian a zawt ta a.."Tlangval i hlau lo emni?" ani lah chuan hawi pawh hawi chhuak chuang lo hian.."Enge ka hlauh ang". a lo ti mai si! Chutah Chawnbura chuan nui sang chung hian.."Ka mi kawp duhzawng tak i ni e". Tiin,a nau a tan a la ta ani. He tleirawl hi ani Karhluana ti a kan hriat lar tak chu.
Tichuan anni pahnih chu inkawp ta zel in, hriau leh a hrui ang maiin an in-hnuk ta mai a, mahse Chawnbura ai mah a Karhluana chu a lo hmingthan tak a vangin, itsikna sual chuan Chawnbura mi tlawmngai tak pawh chu a man ta tlat a, an sa-ui-tanna thuthlung chu a bawhchhe hmasa ta nge nge a. Chu pasaltha chuan a nau hnenah chuan.."Tunah zawng awmdun thei ziazang kan ni ta love, kan intawng leh ta anih ngai pawn, chempui leh fei a chibai kan inbuk a ngai tawh ang ".Tiin,
Karhluana,amah ngai em emtu chu khaw.. .dangah a pem tauh san ta a.
Tichuan hun leh ni te an ral zel a, Chawnbura lo sawi lawk ang ngeiin chempui leh fei hmanga chibai in-bukna chu a lo thleng ta tlat. Khaw indo an lo ni ta a. Tumkhat chu le Karhluana leh a hote chuan Chawnbura te khua chu run an tum ta a, an kal hma chuan pawihte pakhat hian.."Chawnbura chu kan hre hrang ve awm si lova, kei ka hmazawn a a chhuah ka hlau tak tak ani". Tiin. Chu pasaltha, a tlang-a-tluana hmingthangchu a huphurh ngang mai. Chutah Karhluana chuan.."E..naua Chawnbura chu hai theih ani hleinem, a ngumsek te hi a pawrau mai a nia". a han ti a. Tichuan an chhuak ta a.
Chawnburate khua an thleng tep tih chuan a beih dan tur velah Karhluana chuan ro a han rel zat zat a, chutia an pu thu ngaichanga an din thap lai chuan an zinga a sir bera ding chu thawk-leh-khatah a te tuarh mai a, an han en thuai a, a nghawngah chuan thalfang a lo bur ngur tawh mai ani.
Chutia phawklek taka an awm lai tak chuan an piah mai, nghalenglutar leh leihruisenbuk phen a tang chuan.."Tunge ka khaw run khawpa huaisen a inngai a lo feh chhuak ta mai. Ka thisen far khat khata a far zawh hma chu patling leh patling a tawp thleng rak in i han in-nuai teh ang". a rawn ti thum chher chher ta mai. Chu aw, chona aw chu namnul mai leh ngaihnep a lak tum talh chi ani tlat lo mai le. Chu awki-ah chuan mihuaisen tak te pawh tizam thei tur aw danglam leh mi bik ngawih ngawih pasaltha aw ani tlat..! Chu veleh Karhluana hote chu an zam bechhe ta ani tih a mah ngei pawh chuan a hai lo. Tih ngaihna tak awm ta lo le. A zam hmasa ta na na chu in-saseng mai a ngai ta.
Chawnbura lah chuan umphak ngei tumin a pawihhrum tlan zawng a then nghoh nghoh pawh chu a zial tawm ta hmak mai le. A huho a tlan ai chuan a mal a tlan chu tlanchak a remchang ta zawk nge nge a, Karhluana hote zing a a tlan hnuhnung lam chu a sat pha ta vuai vuai mai. A tlan hnuhnung ber paihte pa hlau lutuk chuan lehhawi pawh leh hawi chuang lovin a fei ken lai chu hnunglam-ah a khawh ta zawt mai. Chawnbura a vanduai ta, fei chu a dulnemah lut in, a ngumah a tlang ruah mai. mahse chu pasaltha chu a zam chuang reng reng lo, zam a hnek-in.."Vapual in a chang a phawi ngai lo". a la ti fan!! a la um tang tang a, mahse mihring ve mai bawk tan daih rei chi ani ta tlat lo. Hreh em em in a tlu ta a, Karhluana leh a hote pawh chuan an rawn nangching nghal a, hun kal tawh dawn kir in Karhluana chuan a hma a a kaihruaituber, pasaltha huaisen chakna reng nei tawh lo chu en in a mittui chu dan rualloh-ina dir ta zawih zawih a, chu chu a hmuhin Chawnbura chuan.."I va hmeichhia awm zik zek ve, i chem khan ka nghawng sa hi a duhlo ang tih i hlau a mi? kha ka chem hi hmang rawh,a hriam tha teh mai a nia".tiin,ama chem ngei chu a lu lak nan a pe ta ani. A tawp ta.ka post tumna a rei deuh tawh a.ka source ka lo save tello palh hlauh mai. Mizo pasaltha 22 te ah khan a awm in ka hria.
Comments