Nl. ROHMINGTHANGI:
Mizo nula martar chanchin hi a runthlakin,a ngaihnawm ang zawng pawn a ngaìhnawm khawp mai.tlem ka'n share ang che aw.sual teh mahila.he2.
Thlalak kha calendar a mi ka resnap a.a fiah vaklo a.ka dah tel ta lo mai.
Nula rohvi hi 25th November 1957 a Jairampur ah a lopiang a, apa hi Zakhuma niin a nu hi Thanghliri a ni a.kum 8 a nih in mizoramah lo chhovin W.Phailengah an chhungkuain an inbengbel ve ta a. Nula fel tak niin pawl 8 thleng a zir chhuak a. Kum 1978 Krismas laia W.Phailenga harhna chuan amahah rah duhawm tak mai nei in Chanchintha puandarhna hi a rilrua lian ber niin, he Pathian kohna hi haider theih chi-ah ngai lovin a penchhuahpui ta a ni. Amah hi zai leh lam peih tak a ni a. Tlarau bo man hna hi a rilru a lian ber anih avangin Tripura lamah hlawh mumal pawh nei lovin thahnemngai takin a zuk thawk ve ta ngawt mai a ni. Mizoramah hna awm turah koh chhoh a ni a, mahse kalkawngah a thang rei deuh avangin midang an lo la hman a, engemaw chen chu a tangkhang a.
2.Sept.86 khan Lambachhora ah Mission hna a hmu ve ta a. Mi tumruh, tih tawh chu rilru leh taksa zawng zawng nena thawk chi a ni a, tlaikhat pawh Lambachhora Hindu Mandir a thiannu Nl. Thangmawii nen an hal sak hmiah mai a ni. 23rd. Sept 1986 khan sikul naupang pakhat Lilabona hruaiin Tuipuibari I atangin Tuipuibari II-ah zirlaibu la turin an kal a, Bus ah Tuipuibari thleng chuangin rei vak lo an chawl a. Bus a kal tawh loh vangin KM 7 vel la awm chu ke a kal turin tlai dar 5 ah ke in an chhuak ta a. Chutia an kal lai chuan an hnungah chuan Chakma mipa pahnih Rabiranjon leh Sachbahan te an lo kal ve bawk a. Anni hi Camp atangin ration la tura kal an ni a, khua a thim tawh vangin Rovi pawhin a thlamuanpui hle a, Km3 vel chauh an kal hman tih in an rawn umphak ve ta a. Chakma te chuan Rovi chu chhaihbuaiin Rovi chuan Pathianthu a hrilh mawlh mawlh thung a, mahse engahmah an ngai lo.
Tichuan a kalpui naupangtf Lalibona chu an thah hnuah Nl. Rohmingliani hi a luah lungin an chhu thlu a, an sual zui ta a, an pawngsual hlawhtlin hnuin an that zui ta a ni. Hemi hnu hian an awmna lamah chuan an kir leh ta tlat lo mai le. Tichuan Rovi leh a naupang hruai Tuipuibari II an kal an lo kir leh ta lo leh Tupuibari lamah pawh an hmel an hmuh loh thu leh Tuipuibari Centre tlai dar 5 vela an chhuahsan si avang chuan a thawhpuite leh W.Phaileng Bialtu Pastor Pu Zalenthanga te ngaih a tha ta lova, thenkhatin Rovi hi Mihlim ngang a a ni a, a thawhna hlui Tripura lamah a kal ta daih anih te an han ring deuh vel bawk a. Tuipuibari centre atanga an chhuah dan leh Chakma 2 in an zui tih an han hriat takah chuan an ngaih a tha lo zual ta hle mai a.
Rovi te pahnih hi an bo ngei tih an chiang ta a. Pi Xmirai inah Evangelist ho leh VCP, VC leh YMA te chu a zawn dan tur reliin an thukhawma a. Khawtlanga zawng turin tlang an au tir ta a. 1st Oct zing dar 7 velah Tuipuibaria II kal VCP Pu Birbahu leh Evangelist Teacher Lalhlira leh Vanhlira te kal hmasa chuan Tuipuibari centre atanga Km 3 lek a hlaah rim uih an hre ta a, an han dap nghala Ruang chu an hmu ta thuai a. A chhe hnehin a rim a chhe tawh hle a, Rovi ruang ngei a nih rinngin midang pawh chu an lo thleng ve nghal a, lakchhuah nghal duh mahse Pi Laxmi chuan Mamit police koh phawttha a ti tlat a. Mahse Rohmingthangi ruang ngei a nih ringin mi 25 ten hming sign in Ruang chu an hlawm ta a. Tuipuibari thlanmualah lo dah hawh in Mamit Police leh Lalibona, a naupang hruai nu leh pa ten an han en chian chuan Lalibona ruang zawk a ni tih an hre ta a. Lo tap sual ngial ngial pawh an lo awm hman nual a. Hemi ni vek hian ruah sur nasa tak hnuaiah Nl Rohmingthangi ruang chu an zawng zui zel a, Lalibona ruang an hmuhna atanga Km 1 velah rim an hre leh a puan ringawt an hmu a, mahse a bul lawkah chuan Rovi Ruang chu tuihawk luankawr zul zui-in mau khamphei chunghah bawkkhupin a lo awm reng mai a. Hetih hun lai hian chhun dar 12 a pel hret a, hnaha khuh a ni a, a taksaah sahna hnuhma hmuh a ni a, a darah Kraws anga zaina a awm bawk a. A sam a filh vek a, thuamhnaw a ha lova. A ruang thlangah a kawrhnuai ho leh thawmhnaw a hrang hrangin an chhar bawk a ni. Ruang chu kuangah an khung a Pastor C. Zalenthanga a tawngtai hnuin an haw pui ta a. A tuk 2nd Oct 1986-ah W.Phaileng Bialtu Pastor Zalenthanga’n W.Phaileng Presbyterian Biak Inah ropui takin a vui liam ta a ni.
Nl. Rohmingthangi that tu ni a rinhlelh an hnunga kalte Rabiranjon leh Sachbahan te hi man nghal an ni a. He thil thleng avang hian Mizo Tlangval thinlung a dam thei tlat lo mai a. Mizo nula thlavang hauh turin motor tamtakin Tuipuibari II an pan a, mahse Khawtlang hruaitu, Kohhran leh Sorkar hruaituten an thlem dai thei ta hram a ni. A hnuah Evangelistic Team hovin an Speaker Evan Lalthlamuana hovin PHUBA Lakna dangdai tak hmangin Nl. Rohmingthangi thlanah Tawngtai Beihpui an zuk thlak ta zawk a ni.
Thulakna.: R.lalhmangaiha
Comments