*MIZO LAL HUAISEN THAWMVUNGA THIH DAN*
(Source- thu leh hla 2013 february by B. Thangdailova)
Mizo lal huaisen Thawmvunga hi kan hre deuh theuh awm e. Ani hi sawi tawh angin a huaisen em em mai a. Lalpuithanga khuaa silai la tura a pu Vûta nena an kal pawhin lal khawnbawl upaten vau zam an tum rawk a, mahse a teuh lo mai. Hetia Lalpuithanga khuaa an va kal hian an thleng hrang a. Zingah chuan a pu Vuta thlennaah a zu zing len a. An chawhmeh te a zawt a. Anni chuan," Ka pu hi, hmeh kan neihpui lo, vaimim pulung kan hmehpui mai mai" an lo ti a. Ani Thawmvunga chuan a lainat ta tlat mai a. " Chawhmeh in nei lo em a nih chu" tih pahin chhiar kawngka a hawng a, ar lian tha tha a man a, an ring a thuai chhum ta nghauh nghauh mai a. Sumhmunah a theh thal ta pheng phung mai a nih chu. "Hei lo hmeh ve rawh u" tih pahin a hawsan ta a. Silai an lak dan te hi a pui ngawt mai. Mahse Mizo history chhiar thin kan ni nual ang a, sawi tawh lo mai ila. Hetia silai an la ta hi Mizo History-a chhim leh hmar indo (Khawnglung run) lo chhuahna bul a ni ta a ni. Chutia silai an lak hnu rei vak lovah chuan Thawmvunga leh a khawnbawlte chuan Ngentiang khâma khuai kai lak zai an rel a. An zinga pakhat chuan," Kham khuai kan lak dawn chuan khâm huai tihlungawi nan ar ngo kan pek ve a ngai ang, ni dangah pawh an pe ziah a nia," a ti a. An lalpa chuan," Ni lo ve, anni pawh lal an ni a, keini pawh lal kan ni a, lal leh lal kan inpekna tur a awm lo ang" tiin ar ngo chu an keng ta lo va. Hemi tuma an khuai la tur hi an tluang lo hle a ni. Khâm chung atanga an palai, khawithlâr zai thla tura an thlak lai chuan, khâm hnuaia lo pawt kawitute khan palai awmna bawmah kelchal ang tak zuang lut zauh hi an hmu a. An ngaihtha lo chuan khâm chung amite chu palai an khaina hrui pawt chho leh turin an han au va. An pawh thlen meuh chuan a ruh filh rul chauh an chang ta a ni. Chutia an khuai la an hlawhchham takah chuan ro hran an rel leh ta a. "Khuai lak kan hlawhchham ta si a, luiah len tal kan den a ngai a ni" tiin lui mawng atang chuan an deng chho ta a. Sangha pawh an man viau a. Lalpa Thawmvunga chuan," Ti hian lo chhum ula, kawi khat khi ka'n deng leh ang e" tiin lui hnâr lam chu a pan ta a. A nakin lawkah chuan," Keimah Thawmvunga ka ni lawm ni?" ti lauh lauh hi an hre ta a. " E, kan lalpa chu a va man lian awm ve, a hming te hial a chhâl tâk"? an ti mai a. Lo chhuk tur a awm mai tak si lovah chuan an han kal ta a. An han kal nak chuan zangthal zawnga lo awmin thinur hmel zeta a lo meng bial kul chu an han hmu ta mai a. Mahse rorel thang an ni a, a tlangthang lo thei ang berin anmahniin an buaipui vek a, a ruang pawh in an peizawn thleng thak a ni. A thih dan dik tak chu- A chhipah hian tangka tiatin a pawp a. A thluak hi chuta tang chuan a hip chhuak vek ni tur a ni. Chu chu Ngentiang khâm huai tih a nih an ring ber a; mahse Ngentiang khâm huai sawisaka thihtir ai chuan sakei seh anga thihtir an duh ta zawk a ni.
(Source- thu leh hla 2013 february by B. Thangdailova)
Mizo lal huaisen Thawmvunga hi kan hre deuh theuh awm e. Ani hi sawi tawh angin a huaisen em em mai a. Lalpuithanga khuaa silai la tura a pu Vûta nena an kal pawhin lal khawnbawl upaten vau zam an tum rawk a, mahse a teuh lo mai. Hetia Lalpuithanga khuaa an va kal hian an thleng hrang a. Zingah chuan a pu Vuta thlennaah a zu zing len a. An chawhmeh te a zawt a. Anni chuan," Ka pu hi, hmeh kan neihpui lo, vaimim pulung kan hmehpui mai mai" an lo ti a. Ani Thawmvunga chuan a lainat ta tlat mai a. " Chawhmeh in nei lo em a nih chu" tih pahin chhiar kawngka a hawng a, ar lian tha tha a man a, an ring a thuai chhum ta nghauh nghauh mai a. Sumhmunah a theh thal ta pheng phung mai a nih chu. "Hei lo hmeh ve rawh u" tih pahin a hawsan ta a. Silai an lak dan te hi a pui ngawt mai. Mahse Mizo history chhiar thin kan ni nual ang a, sawi tawh lo mai ila. Hetia silai an la ta hi Mizo History-a chhim leh hmar indo (Khawnglung run) lo chhuahna bul a ni ta a ni. Chutia silai an lak hnu rei vak lovah chuan Thawmvunga leh a khawnbawlte chuan Ngentiang khâma khuai kai lak zai an rel a. An zinga pakhat chuan," Kham khuai kan lak dawn chuan khâm huai tihlungawi nan ar ngo kan pek ve a ngai ang, ni dangah pawh an pe ziah a nia," a ti a. An lalpa chuan," Ni lo ve, anni pawh lal an ni a, keini pawh lal kan ni a, lal leh lal kan inpekna tur a awm lo ang" tiin ar ngo chu an keng ta lo va. Hemi tuma an khuai la tur hi an tluang lo hle a ni. Khâm chung atanga an palai, khawithlâr zai thla tura an thlak lai chuan, khâm hnuaia lo pawt kawitute khan palai awmna bawmah kelchal ang tak zuang lut zauh hi an hmu a. An ngaihtha lo chuan khâm chung amite chu palai an khaina hrui pawt chho leh turin an han au va. An pawh thlen meuh chuan a ruh filh rul chauh an chang ta a ni. Chutia an khuai la an hlawhchham takah chuan ro hran an rel leh ta a. "Khuai lak kan hlawhchham ta si a, luiah len tal kan den a ngai a ni" tiin lui mawng atang chuan an deng chho ta a. Sangha pawh an man viau a. Lalpa Thawmvunga chuan," Ti hian lo chhum ula, kawi khat khi ka'n deng leh ang e" tiin lui hnâr lam chu a pan ta a. A nakin lawkah chuan," Keimah Thawmvunga ka ni lawm ni?" ti lauh lauh hi an hre ta a. " E, kan lalpa chu a va man lian awm ve, a hming te hial a chhâl tâk"? an ti mai a. Lo chhuk tur a awm mai tak si lovah chuan an han kal ta a. An han kal nak chuan zangthal zawnga lo awmin thinur hmel zeta a lo meng bial kul chu an han hmu ta mai a. Mahse rorel thang an ni a, a tlangthang lo thei ang berin anmahniin an buaipui vek a, a ruang pawh in an peizawn thleng thak a ni. A thih dan dik tak chu- A chhipah hian tangka tiatin a pawp a. A thluak hi chuta tang chuan a hip chhuak vek ni tur a ni. Chu chu Ngentiang khâm huai tih a nih an ring ber a; mahse Ngentiang khâm huai sawisaka thihtir ai chuan sakei seh anga thihtir an duh ta zawk a ni.
Comments