Hei thanthu tak tak.
Inkhelh a,inthlak theih chin tawp tawh hnu ah aia lian/thiam an lo thlen leh a min nat der tir ziah te kha a ngeiawm e. thian ho a, a te pawl nih kha chu hreawm tak a ni..u zawk ten an duh loh loh min tih tir a. Inkhualtelemna ah pa nih kan chak ve theih teh reng nen.naupang min han nih tir a.an ni nu leh pa lemah an han chang ngei a.thil engkimah a harh hma pawl nih kha chuan pa nih nawm tur zia kha kan hre ve kur sia.bihthla khawl ah bawk kan han tang leh a. Nu lem a hmeltha kan tih deuh an tan tum khan kan va ngei thei tak.
Hnim chen leh krismas bawng ven kha a lunglen thlak hle. Ram kan han kal a,hnimbuk lian tha deuh hlek kan hmuh kha chuan a hnuaiah engnge awm tih leh a thlang engtia sang nge tih lam a lang hmanlo.risk tak meuh meuh khan bawh hmasa nih kan in chuh a, tih fuh loh fe fe chang lah a tam e.thingbul a lo awm fuh chang kha chuan...hnang tihpiah lamin hnungzang ah a kalh ul a.kapkar ah a fan lut nguih a,mawl zual deuh inti bengvar fu si khan a tawk aia na hret khan min chum belh ngei bawk ah. Road roller emaw bull dozar kawt hnai deuh a a chhiat tum khan kan va inti thu thei tak. Acid kha..lapua kan chiah a.lei pilh vek khan kan liak duai duai thin a nih kha.
Tlai sikul ban ah bus station lam ah kan liam thla a. Conductor in chuan a phal tum kha chuan, kan rualpui hlamzuih a thi ta te kha hlep riau in kan inhre thin. A phalloh erawh chuan a hnung leihlawn pahnih kha kan ta..kan bet chho char char a.kan veng kawnah kan bawk thlawp a.kan sim duh chuanglo.
Tawlai chuan kha a nuamin a lo va hlauhawm si em.vangthing ngei mai kha pate chempui ru chhuakin put zawh tawk vel a lian kha kan han kit a,uluk takin a ke tawk vel turin kan han tan a.thingtuai feet li vel pahnih leh perek sawm kan neih chuan a tawk der.brake nei mang silo kha kawng chhuk deuh deuh ah khan han khalh a.harsatna awm thei ho kha.a ke phel, a mauchhungphum keh,a za tliak..Tel leh saum kha a tlan chakna.tel emaw saum emaw nghei kha a poi thei hle bawk.tlangsang lamah kan pu chho ngat ngat a.kan chuang thla vang vanga.formula one leh moto GP chu khutah.kan pu chho leh tang tang a.kan vuilo.kan lungawi em em tho.sephung laih leh mihring ek a mi a chal duh tihte. Laih lai a a lu lam a lo awm khan meihawl ah a chang duh tih vel kha chu midangin an sawi teuh tawh a, sawi tawhlo mai ila. Engtikah mah a her chhuak leh tawh dawn silo.
Alkatra barel kha.thelret chu a awm a lom dawrah.mahse leina kan neihloh bakah,kan rilru ah "lei",tih tawngkam khan hmun a chang tam lua lo.alkatra barel ami cheh khoh hlawk han thial kha a hangin a thlum viau lo a nia. Ha a dum tha duh rap.Thial ve in awm ngei ka ring..thelret hnai panngai poh kha ri rut rutin kan thial thin. Tui thak.chi thak aieng leh hmeh han tel kha chu leh kha puan rulrin phek hnih lo chuan thleng phal chi a nilo.sawhbur, theihmu rah hunlai khan.khawpui mi chuan in hre ve tak silovahhh.
Tunlai angin fridge te la awm tam ve heklo, thlasik laiin vur dawh in phaiah tlai sikul ban ah kan kal thin a."ka dawhna luah luah" tiin hman hmawh phelengin kan tlan a. Thlengah tui a khat tawk velin kan dah a.a nei deuh chuan chini pawh an chawk thin.a tuk zing vartianah en turin kan kal a.thleng a kan tui dah kha a lo khal a."vur" tiin kan lawm ve em em a.nichhuah hma in zing khawvawtah ei zawh leh vek a ngai tho thin.dahthatna awm heklo le.mahse kan lungawi em em tho.lungawina hi teh dawn ila, a neitu rilru hi a lo pawimawh ber ani.miin chawhmeh tui ber ber nen a chaw an ei tui theih mang loh laiin keini kha chu.zingah maian bai.chhunah a thing.tlaiah maian bai bawk.a tukah pawh maian tho..mahse kan va puar si thin tak em.chawlhni tuk a dal kan kan hmeh kha chuan inkhawm tura insiam kha a phurawm hliah hliah thin.thenawmte hnawm bawm a arhmul leh saruh khan kan rilru a luahlo.an awmloh lai a hnawmbawm lo hun thleng mai duhna rau pawh khan min pawl hek lo. :DD
Tlemin kan han lian deuh a,zial zuk ruk kha,an phal hnu hian zuk ruk lai khan a lo tui daih zawk a ni tih ka hre chiah.(nulat tlangval thil pawh.kohhran hriatpuina thlap/nu leh pa phalna a nih tawh chin ah hi chuan a dan a dang tawh an ti. ) hnathawh tur tul a awm a tho hma peih lek silo kha zialbung zawng tur kha chuan kan tho hma thei teh e.a chang chuan puitling zialzu kha an paih hun a chhar tumin kan zui thin. Vawikhat chu pitar zial dawrawn deuh zu thin hi kan zui a.a pak talh talh a.a paih har phian a.thui fe kan zui a, a liak hlum a a bengzeh daih... Kan beidawng hmel kha min hmu ula min khawngaih ve ngawt ang. Zurui pakhat kan zui pawh a paih a aliam ve leh kan inchuh laih laih a. Chil a lo thun teuh. Tlangval sual deuh in "kha zial i zu ru a nimaw,khawmaw han la teh," " ka zu lo re re" tih pahin jacket ipte ah kan han dah ngawt a.kut kan han hmuh a.kan kal khu leh vung vung sia.an hmuh lohna chin kan thlen hi chian jacket ipte a lo mut fe hman tawh thin.. janata biri.dunvil.elephan.dongshi etc ho kha kan zu nasa..
Krismas kha..chenghnih leh thosilai khan kan lawm a va kim thin em.masi chhung min daih a..kumthar ah cheng hnih bawk. Tribal power lar vanglai kha a ni chho bawk a tlangval tape khai chhuak ho khan 'aizawl a mi ngei' leh ' i belhpawn 'tih hla te kha tlaivar zan ah an khawlaiah an play ang nghawng nghawng a.mas hla emaw kan ti tho. Na na na.saphla hot deuh hlek leh jimy jimy.mas hla a ni vek mai.hihi.
Mi tawm bihthlak tum in meilum bawm nen zan khaw tairek thleng thleng khan kan vak kan vak a.kan khaw nula chhelo deuh o.c. fapa in a kherawlai kha chu kan kumkhaw sawi tur a ni e.bihthla fuh ve em a lom.engahmah min ngailo miau a.anmahni tih loh ah chuan kan hmu hnai ber ang.mahse nu leh pa hriatpui loh a nia. A nawm hmel ka ti.
Tv kha la tam heklo.thingfak keng khan kan en thin a.vengchhak pa phawk deuh hi a nei hmasa pawl ah a tang roh a.a ni kha chu a dan a dang deuh.thingfak aiah..khuangpui a rawn la chhuak a,lalchhungkaw hla kan sa a.a lam uar uar an lut hmasa a. Ka va lut hma thei tak.mahse lam kha nuam tihzawk chang ka nei.a chhan chu. Sitar deuh kha kan nei ve tawh miau a..
Ualkap te kha zan rei a khel tur kan nghak thleng ve hram hram a.an khel chiah a.kan muthlu leh daih zel..pu hnema'n."khi khawi sawrkhar leh khawi sawrkhar nge in khel ? A tu mah mah an la indraw nange?" A tih lai te.in neitu pitar in." mahni bawl chhuih um duai duai mi fing tak ka hre lo e..in chuh in chuh ai te chuan an inkim khi pe se.mahni ball theuh pet se ti nia" ti a a an hlawk hlawk lai te kha khuarei an chang zo ta.A rawn mur chum chum kha chuan pa rova khan staplizer ( nimaw a sipel ka hre nek lo e)kha a duh zawng zawngin an herh phawt ah. A la mur tho. Booster an beng leh a.fanghmir a la tlan mur mur tho. Umm.in chungah antenna her a ngai.a lawn thei deuh an han lawn a.a fiah em ti khan.." Fiahlo.thingthupui kung lam hawi khan her rawh" a la fiahlo." Pu lawma te ekin hlui lam kha hawi tir rawh"a la fiahlo.Pu hrangate kawhtebel kung hawi khan her leh teh" umm a fiah ta.kawhtebel kung ngei kha a nih kha.. Govinda um tu lungpui lian pawh a thuina a lang ta ruak mai.A va fiah ta si e.a um tu sakawr khi a puak angem ilo thlir zel ang.love story hindi film kan en a,thianpa in mittui tling kung chung a" chanchawp mai mai" a tihlai te kha aw.Thil pawi tak thleng thin kha chu.ri hriattur awm silova rimna tak,ek pheka hmai zah ang deuh kan hre thin kha a ni.
Video kha cheng hnih chawiin hall ah an chhuah thin a.second show kha chu a kengkung deuh thin a, naupang en ve an phal ngailo.mahse bihthlakna kan hria,an thlen san lai tak kha chuan chil lem a ring duh khawp mai.mahse,pawi lutuk chu.kan bihthlakna an hria.an hnawh daih a.mahse VCR neithar kan thianpa'n a hre hlauh maia.zan reiah an chhuah ziah 'sangau wrestling'.a lo hre thei bik hi ka tia.mahse bihthlakna a awmlo,thlanglam kilah tv an hung daih.chung thleng thleng a alo hria chu a mak,spy tha mi a ni ringawt.a hriatdan pawh tuihal miahlo in ah tui in a lo dil fo tawh tlat.
zan khat chu an thing kan thiar hlawhah min entir hlauh mai a.kan film duh tak kha an chhuah mai duh tlatlo a.mahse an chhuah dawn tih kan chiang,a chhan chu Pa Pana a la thu tlat a lawm.haw tur in min ti a.mahse kan thian zinga spidermana bawkin thluak a vawrh leh, tui em em in a muthlu tlat.tun hlawl pawn a la hnar nia.tumah paw zo kan awm silo a.kan va chang chhuak chiang em.a vawikhatna a chanve vel ah a rawn thu chhuak hlawl a.mahse haw tur chuan min ti ta em lova.. A film tawp dawn tep ah "ka zun a chhuak lutuk" a tia.a va han zungrei tak.haha.kan hrethiam vek a lawm thianpa hi chu,sawi mualpho lovang.amah vang a en thei kan ni si a.
Middle school kan han kal chho a, aw te a lo danglam in .kan rualpui hmeichhia te kan hmuhdan pawh a dang ta.an hriat miahloh a.kan tahpui.kan nuih pui.kan hmangaih,an hriat loh a kan ban leh tak daih kha engzat tak niang maw. Khawlai ah kan han intawk a, kan lai em em phawt a,kan star ruk deuh ten min han chhaih a.thinrim tak tak siloin kan han thinrim der a,duhai a na a hnek tak pawp te pawh kha an awm nual awm e..ka star ruk deuh te sarep tul thum kan eizo vek a, a chhungten len an phal tawhlo a.kan in thathen tak te kha a lunglenthlak mange.i lo chhiar ve a ngem aw kan thianpa,a mah startu deuh in a bem a,a lo duh silo beidawng tawngkam te kha, "an khawl chhiat teh reng nen min duhlo vel a" a lo ti,kan hre leh si,kan va thinrim pui tak. Kan han leng ve ngei a, lut hmasa tur in hnawn thawm kha bawng emaw te min lo ti thul.a chang leh tui kan lo in ti a tap chhak a thut tak tlat te kha nuam in a lunglenthlak.
Dikton kha lukham hnuaiah kan han dah ve ngat a, "Dikton ka tawn,ka chhun mu lo ka zan mu, kumtluang a ka 'D' tur min hrilh rawh" ngaihtha deuh in kan han mu a,mumangah phei chuan kan hmu zui lem hleilo a.
Love letter kha kan va ziak thlum thei tak..queen of my heart a bul tan kha chu dan panngai.a awmzia pawh hre hawt lo khan tawngupa leh nula tlangval inlemna tawngkam ni a kan hriat ang ang kha kan thawh khawm a.kan vawm lut mawlh mawlh a.. "Kawlthei min lawh sak rawh" ti se, a lawn chu sawi loh a kan a kang thei aih lo khan" I tan chuan siar lak ka huam"te kan han ti kur ve dup a. Lehkha puan no 5 mikado ah ngei khan pentui rim tuiin,vawkhat thawnna ah i tan a tling zolo.te kha kan han tia. A lo dawngtu tan khan lawm tur nge tah tur thliar fe a ngai thin in ka ring..kan ziahkhah vek hnu ah.a tlang ah a chho zawngin, NB: english thumal kan hriat ho kha kan hmangrim thin khawp.rsvp..repondez s'il vous plait.i luv u more than...aiawwwa..a ngai deuh hlir kha kan la hmang zui. Hmeltha ve deuh in min lo duh khauh tum kha chuan kan tawm hi khawtlangin min bihthla thup se ka ti thin.ka in ti thei thin a sin aw.
High school kan han rap a,kan han inla MZP nghal em em phawt ah.zu in ve zeuh zeuh te kan han ching a.sikul tlanbo te kha kan in lak pa ve na ania. Tuai zu zuar in kan zing a mi star a neih khan kan va vannei thei e.a cial tui a bin pawlh ngam hlir kha, hei chu a taklo ti ila.vawthum vel a dang dang a rawn phawrh thin te kha
.Mathe hi kan han harsat khawp a. Mark bial hmuh te kha kan zak em em chuanglo a.mahse ka thianpa nen hian subj dang pawh kan entawn ngai miahlo thung.second term exam ah khan mark an complained sap sap a.ka thiana hi a pass chiah chiah a.engmah ngaihtuah chiang mang hleilo khan a answers paper kha a va thehlut ve ngawt a, an check tha leh vek a.mark 7 an paih leh a, a fail daih.( a chhe zual hi chu thianpa zel a nia.)
Kan ti hluai a.thingtlang naupang nun lo nawm zia kha aw..thil thleng tak tak hrul vek a nia.lo in ngaihbel awihloh.duhtawk phawt ang.
Comments