DAMLAI THLANTHIM...
kan tleirawl lai hla.hihi.a lo pan dan leh a bul hrum deuh a tangin..op an moi dangdai sak talh a a sak kha..chhiar ila.
Kum 1970 - 1974 inkar vel a ni ta
awm e, Hmunpui khuaah hian
thingzai turin tlangval pahnih an
tei lut hlawl a, chu mite chu C.
Durthanga leh Saidenga te an ni.
Thingzai, mikhual mai mah nise
Hmunpui History-ah
pawimawhna an nei tlat a ni!
Hmunpui khua chu lal nei khua
niin Lengpui thlang lawk,
Rawpuichhip tlang dunga awm a
ni.
Mi in luahin nge an awm hriat a
harsa ta. Fiamthu thiam leh
kawm nuam, kha tih hun laia
naupangte pawhin U Dur, U
Saideng an tih sup sup khawpa
mi inhawng leh an bula awm
nuam an ni.
An ni pahnih hi Grouping avanga
lungngaia rum kaikun mekte nun
tihlim tura Hmunpui khuaa
Pathian tirh an ni hial awm e. Zai
mi leh hla phuah mi an ni ve ve
leh nghal a. Pu Dura phei chu
zoram huap pawha hlaphuahtu
lar a tling.
Khang hunlai kha
chuan musical instrument tha a
awm lova , mike leh hollow guitar
kha a ni mai. YMA hian social
gathering an nei zing fu thin a,
mipui hmaah an zai fo thin. Pu
Dura'n hian "I rau thla tal rawn
tir rawh" tih a sak phei chuan a
ngaihnawm thei hle thin.
An ni thian dun hi MNF ah ram
muin hun eng emaw chen hun
an hmang a.
Chung lai chuan an
vahvelnaah Khawrihnim nula
hmeltha leh chhuanvawr,
rualkawm thiam tak mai,
Lalsawmi, Khawrihnim P/S Head
Teacher fanu nen an inhmel duh
ta a, inneih ngei pawh an tum a,
a nu leh pate pawhin an rem ti
thlap a ni.
Chutih lai chuan Pu
Durthanga te chu Silchar Jail-ah,
rambuai avangin an tang ta
hlauh mai a, kum khat emaw lai a
tang nghe nghe a. A haw veleha
nupui atana Lalsawmi neih a tum
tehlul nen vanduaithlak takin
Lalsawmi chu a thi ta thut mai a.
Lalsawmi nu leh pate chuan a
boral thu "Zualko lehkha" a an
hrilh chu a hmuh meuh chuan
thlathumlai a liam hman tawh a
ni.
An hawn hnu chuan Pu
Saidenga chuan a thianpa Pu
Dura chu khawrihnimah chuan a
kal pui ta a, in an han lut chiah
chu tumah an insum thei lo,
Lalsawmi nu leh pa te nen an tap
tlang ta a, "a hrehawmka ti ngei
mai," tiin Pu Saidenga hian a
sawi a ni. Tichuan, an fanuin
inneih huna a chhawm tura ama
tah ngei puan mawi tak mai chu
hriatreng nan an pe ta a ni.
Pu Dura chu a lungleng thei em
em a , he hla tha tak, "I rauthla tal
rawntir rawh," tih hi
thangtharzelte tan pawha chuai
ngai lo tur hi kum 1971 khan a
phuah ta a ni.
Chung hun lai, Hmunpui khuaa
an awm laia a solo thin lai pawh
hian he hla a sak hi chuan mittui
tla lovin a sa chhuak thei ngai lo
va. Puipunnaa kal, nula tlangvalte
pawhin mittui tla teuh chungin
an lo ngaithla thin a ni.
"Thinlaiah a thar leh thin..
Khaw nge maw ka di ve kha...
An sawi pialral famkhawpui
tualah,
Riah run a rem an ti..
I kutchhuak i sulhnu te,
Ka thlir bang dawn nem maw,
Tunah van nun par tlanin leng
mah la,
A cham reng i zun thinlaiah.."
a tih lai thute hian a nupui hualin
an inneih huna a chhawm tur
puan a tah peih diam, an lo pek
chu atan a hlutzia a tarlang
chiang hle a ni.
Zai thiam, hlaphuah thiam,
fiamthu thiam pahnih Pu
Durthanga leh Pu Saidenga te
avang hian Hmunpui khaw
boruak nguai deuh nghuai, nula
tlangval leh nu leh pate nun
uaithla mek pawh a parh tan leh
ta a, khawtlang boruak pawh a
zangkhai chho ta zel a ni.
Heng,
Pu Dura chanchin leh a hla
thulkhung chungchang hi Pu
Saidengan a sawi thin dan a ni a,
ani pawh hian hla 20 chuang zet
a phuah ve bawk a ni.
kan tleirawl lai hla.hihi.a lo pan dan leh a bul hrum deuh a tangin..op an moi dangdai sak talh a a sak kha..chhiar ila.
Kum 1970 - 1974 inkar vel a ni ta
awm e, Hmunpui khuaah hian
thingzai turin tlangval pahnih an
tei lut hlawl a, chu mite chu C.
Durthanga leh Saidenga te an ni.
Thingzai, mikhual mai mah nise
Hmunpui History-ah
pawimawhna an nei tlat a ni!
Hmunpui khua chu lal nei khua
niin Lengpui thlang lawk,
Rawpuichhip tlang dunga awm a
ni.
Mi in luahin nge an awm hriat a
harsa ta. Fiamthu thiam leh
kawm nuam, kha tih hun laia
naupangte pawhin U Dur, U
Saideng an tih sup sup khawpa
mi inhawng leh an bula awm
nuam an ni.
An ni pahnih hi Grouping avanga
lungngaia rum kaikun mekte nun
tihlim tura Hmunpui khuaa
Pathian tirh an ni hial awm e. Zai
mi leh hla phuah mi an ni ve ve
leh nghal a. Pu Dura phei chu
zoram huap pawha hlaphuahtu
lar a tling.
Khang hunlai kha
chuan musical instrument tha a
awm lova , mike leh hollow guitar
kha a ni mai. YMA hian social
gathering an nei zing fu thin a,
mipui hmaah an zai fo thin. Pu
Dura'n hian "I rau thla tal rawn
tir rawh" tih a sak phei chuan a
ngaihnawm thei hle thin.
An ni thian dun hi MNF ah ram
muin hun eng emaw chen hun
an hmang a.
Chung lai chuan an
vahvelnaah Khawrihnim nula
hmeltha leh chhuanvawr,
rualkawm thiam tak mai,
Lalsawmi, Khawrihnim P/S Head
Teacher fanu nen an inhmel duh
ta a, inneih ngei pawh an tum a,
a nu leh pate pawhin an rem ti
thlap a ni.
Chutih lai chuan Pu
Durthanga te chu Silchar Jail-ah,
rambuai avangin an tang ta
hlauh mai a, kum khat emaw lai a
tang nghe nghe a. A haw veleha
nupui atana Lalsawmi neih a tum
tehlul nen vanduaithlak takin
Lalsawmi chu a thi ta thut mai a.
Lalsawmi nu leh pate chuan a
boral thu "Zualko lehkha" a an
hrilh chu a hmuh meuh chuan
thlathumlai a liam hman tawh a
ni.
An hawn hnu chuan Pu
Saidenga chuan a thianpa Pu
Dura chu khawrihnimah chuan a
kal pui ta a, in an han lut chiah
chu tumah an insum thei lo,
Lalsawmi nu leh pa te nen an tap
tlang ta a, "a hrehawmka ti ngei
mai," tiin Pu Saidenga hian a
sawi a ni. Tichuan, an fanuin
inneih huna a chhawm tura ama
tah ngei puan mawi tak mai chu
hriatreng nan an pe ta a ni.
Pu Dura chu a lungleng thei em
em a , he hla tha tak, "I rauthla tal
rawntir rawh," tih hi
thangtharzelte tan pawha chuai
ngai lo tur hi kum 1971 khan a
phuah ta a ni.
Chung hun lai, Hmunpui khuaa
an awm laia a solo thin lai pawh
hian he hla a sak hi chuan mittui
tla lovin a sa chhuak thei ngai lo
va. Puipunnaa kal, nula tlangvalte
pawhin mittui tla teuh chungin
an lo ngaithla thin a ni.
"Thinlaiah a thar leh thin..
Khaw nge maw ka di ve kha...
An sawi pialral famkhawpui
tualah,
Riah run a rem an ti..
I kutchhuak i sulhnu te,
Ka thlir bang dawn nem maw,
Tunah van nun par tlanin leng
mah la,
A cham reng i zun thinlaiah.."
a tih lai thute hian a nupui hualin
an inneih huna a chhawm tur
puan a tah peih diam, an lo pek
chu atan a hlutzia a tarlang
chiang hle a ni.
Zai thiam, hlaphuah thiam,
fiamthu thiam pahnih Pu
Durthanga leh Pu Saidenga te
avang hian Hmunpui khaw
boruak nguai deuh nghuai, nula
tlangval leh nu leh pate nun
uaithla mek pawh a parh tan leh
ta a, khawtlang boruak pawh a
zangkhai chho ta zel a ni.
Heng,
Pu Dura chanchin leh a hla
thulkhung chungchang hi Pu
Saidengan a sawi thin dan a ni a,
ani pawh hian hla 20 chuang zet
a phuah ve bawk a ni.
Comments