CAPTAIN.LALHLEIA.(hnam pasaltha)

(A kimchang vak dawnlova, a bu rawn tur ka neilo tlat mai a, ka hriat ang ang leh Amah capt Lalhleia nau pi C.thani Lunglei ami ka va zawh atang ten tlem ka’n thai lang ange.comment lamah kan belh zel ang a, Hriata chhakchhuak type hi tlm kan blh ange..ka lo dah lut zel dawn nia.)



A NAUPAN LAI

Lalhleia chhangte hi mizoram chhimlam khaw pakhat, Thiltlang khua ah Pu Lalpuia leh Pi Darbuangi te fa pakaw zinga a upa lama pathumna niin, Sept.7.1946 khan alo piang,a naupan lai atang renga mi thil chikmi deuh mai hi ani a,naupang tumruh tak ani a,A thiante a sualin a tithinur ngailo a ni.Naupang thuawih thei tak e ti lo in a duh loh chinah chuan tirh luih harsa tak a ni thung a,a pa Pu Lalpuian nang hi chu i zia a dang mang e,i pu i chhun gei mai a ti fo thin a ni .Kaihbu kaih te, inkawihnawk te a uar hle thin a,hockey te khelin volley ball pawh a khel ve thin a,thiama han sawi tur chu ni lo mahse,a rualpawl tawk han tih tur hi chu a ni ve phak a.A lo leikang deuh a,daivah leh thangkam a rawn ching a, a rualu deuhte hnung zuiin Thilva ram leh Lamtual tlangahte daivakin sava thangte a kam thin a.Sikul chawlh hunawl tam ber chu daivah nan a hmang thin a. . Tumkhat chu an kawmchar huan Hmawng zarah pipu an suih a,pipuah chuan a thiante nen an uai a,an in bengberek a,hlim au chel chul chunga an in benberek lai chuan pipu hrui chu a chat ta hlauh mai a,a hnuai awih phikphihritah chuan an tla thla a,an lum ta chiam mai a,Lalhleia hi a insawh na deuh a,din pawh a ding ngil thei lo va, mahse a nu leh pa hnenah a hrilh duh lova,thla khat zet a ruka a tawrh hnu chuan a dam ve leh ta a ni. .Tum khat pawh an khuaa driver awm Chharan Lalhleia leh a thian naupang dangte a kawi khawma,zawngtah a lawh pui a,Chhara chu zawngtah kungah a lwn a,zawngtah bawr a rawn theh thlak chu naupang hovin an lo chhar khawm zel a.A duh tawk a lawh hnu chuan naupang ho chu a hawpui a,naupang ho chuan zawngtah chu an pu bawrluai hlawm a. .Chhara te in an thlen chuan Chharan naupang ho chu zawngtah kawm khat den denin a sem a .Hleia ngaihdan a ni lo hle a,an haw kawngah ka tlangval ve hun chuan hetiang hi chuan ka ti ve miah lovang tiin a phun nang nang a,a thiante chuan an en hehaw a. mak an ti hl nghe nghe ni.

 

Kum 13 mi a nih in,an khaw Lal fapa Pu Lalhrima Sailo in Shilong a zinnaah a hruaia,Silchar atangin Rel in Guwahati panin an kal a,Rel a an kal lai chuan Hleia chu a zun a chhuak ta tlat mai a,Rel zunin lam a pan a,passenger an tam em avangin zunin chu a thleng lawk thei lova,a zun chhuak lutuk chuan a bul lawka Sikh putar pakhat no bengnei lian ken lai chu a pawh thlaksak a,no chhungah chuan a zung ta a.Sikh putar thinur chu ang buan buan chungin a ding a,Hleia chu khawih a tum a,Hleia chu nui var var chungin Sikh pa ban phak loh deuh turin a hnungtawlh a,Pu Lalhrima a lo inrawlh thuai a,an buai thui ta lo a ni.Guwahati an thlen hnu chuan motor in Shillong ah an chho leh a. Zirna lam .Thiltlang khua atangin Primary leh ME a zir zo va,Primary School Scholarship exam ah phei chuan Mizoram pumah 2na niin,chhim bialah pakhatna a ni a,an zirtirtu Pu Liansanga (L) pawhin lawmpui nan kawr thar a leisak nghe nghe a ni.ME School Scholarship exam ah pawh 1Div ah a passed a,an sikulah chuan a ti tha lawr lak a ni. .Shillong ah lehkha a zir Kum 1961 ah class VII Lunglei Govt High School ah a zir a,tha takin a passed a.Hetih lai hian a pa nau Pu Thangzika chu Shillong ah sawrkar hna thawkin a awm a.Zirnaa rual a awh em avangin a pa Thangzika chu belin kum 1962 ah Shillongah a chhuk a,Shillong High School ah class VIII a zir a. English subject a a hnufum deuh avangin pawl 8 chu a pass zo ta lova.A pa Thangzikan English ah a chak lo a ni tih hria in a kum leh ah chuan Don Bosco Technical School Hostel ah a dah ta a,English chu a man nghal thuai a,class VIII leh IX chu tha takin a passed ta a.Kum 1965 ah matric a zir a 1966 March thla a Matric Scholarship exam tur a ni a,Hostel aia ina lehkha a zir that theih zawk beiseiin February ,1966 ah Hostel atangin a Pa Zika te inah a in sawn a.A beisei loh takin a Pa Zika te chuan mikhual an ngah thei riau mai a.Eirawng a bawl bakah mikhual thawmhnaw balte chu a suk sak a,lehkha a chhiar hman ta mang lova,tlaval fel leh zuan zang tak a lo ni bawk si a,mikhualte chuan thil leia an tirh thin bakah tirhkah berah an nei ta a. Lalhleia Chawchhum. Mite tana a inpek zawhna avang leh a tlawmngaihna avangin lehkha chhiarna hun tha a nei ta meuh lova,matric exam naah pawh chuan a tih chhiat phah ta a,history subject ah a supplement a. A tlawmngai hle a,subject khat chauh exam ai chuan a vaia exam leh turin rilru a siam a.Matric zir nawn leh tura a pa Zika ina a awm lai hian lehkhathawn a hmu nual a,a Zika ina thleng thin then khat chuan Pu Zikan eisiam tur leh insu tura a awmpui emaw an ti a,Envelope ah Lalhleia chawchhum ,Lalhleia puansu tiin an ziak a ni. .Tuk khat chu Hostel a awm laia a pa Zika ina a haw tumin,a pa Zika thiannu Pi Saihnuni (L) zanah vawk sa a chhum a,a lo chhum rei deuh nge ni,zinga vawksa bel an hawng chu,a rin aiin a lo phai deuh ni tur a ni,Hleia vawksa hi i tem then a ni lo maw,a vaphai ve a ti a.Hleia chuan a chhang lova a ngawi reng a.A nu Saiin amah ringhlel ang deuha tawngkam a nei chu a tuar na hle a, a thianpa Lalzika hnenah Vawksa hi ka sa ngainat ber pawl a ni a, ka nu Saiin hetianga min rinhlelhna tawngkam a chhak chhuah avang hian,vawksa ka tem ru lo tih entir nan Shillong a ka awm chhung zawngin vawksa ka ei tawh miah lovang a ti a.Hetia a sawi hnu hian kum khat zet Shillong ah a la awm a,vawksa a ei ta miah lo a ni. .

Kum 1966 March thla tir khan ram buai a intan a nih kha,hetia ram a buai takah hian Shillong a Mizo zirlai awm te pawh an rilru a phawklek nasa hle a.April 1966 atang phei kha chuan Mizo zirlaite an duh hun hunah Zoramah an haw thei lova,Zirlai zinga MNF thlawp ru deuh nia hriatte phei chu enthlak ruk an ni a.Hei vang tak te pawh hi a ni mai thei,zirlaite rilruah chuan MNF inpek duhna a rawn intuh lian ve tulh tulh a,Lalhleia pawh hian a zirlai hlamchhiah thak khawpin MNF movement hi a buaipui ta a ni.

,A aia rual u deuh Tv .Lalthankunga B.A.final year zirlai ,Serzawl khua pawhin a zirlaite hlamchhiah thakin he movement hi a lo tuipui ve a.Lalthankunga leh a thiante hian Shillong a Mizo awm zirlai leh zirlai lo pawh a ruka MNF zawm duh leh rammutnaa kal duh an zawng a,thalaite rilru a inhawn avangin MNF zawm duh engemaw zah an hmu a.Zirlai ve tho an nih avangin rammu duhte kal man tur an nei lova, tanpuina (donation) an khawn ngam bawk si lova,an mangang chuan Shillong a awm Khasi pate deuh Brigadier a tia an koh mai fel zet chu an bel ta a.A ni chuan Lungngai suh u ,in ram chhana in rammut duh chuan East Pakistan(Tun ah chuan Bangladesh a ni tawh) in thlen dan tur ka ngaihtuah pui ang che u a ti a.Mizo tlangval rammu duhte kalna tur pawisa chu a tum sak ta thin a ni. . He tih lai hian Kha si a hovin ralthuam nena chetlak (movement) siam an tum a,Nichol Roys a ramah Khasi nula leh tlangval za rualin ralthuam hman dan an zir (trained) a.Brigadier an a hova training a pe thin a ni.Hnam movement ah a tui em em a,Lalthankunga hnenah Had say a nih in neih phawt chuan min rawn hrilh zel ang che u a ti nghe nghe a ni. .Lalthankunga leh Lalhleia ten kum 1966 June thla hma lam khan Mizo tlangval MNF zawma rammu tur tum 8 pawl hran theuh an tir chhuak hman a ni.

 .Lalthankunga chu CID hovin an enthla ru reng a,hun a kal hret a man tur an ti ta,Lalhleia pawh a kangkai ve tan a.He mi a vang hian Lalthankunga leh Lalhleia chu khaw chhungah an riak ngam lova,Shillong park hnuaiah buk an sa a,bukah chuan an riak thin a,chhunah chuan Lalhleia patea,Pu Thangzika in leh in dangah an biru thin a ni.MNF ram mu sawrkar an zawm hmain Meghalaya Police emaw vai sipaiin emaw an man hman ang tih an hlau a,a hma thei anga E.Pakistan thlen vat an an duh a,pawisa an neih loh avangin Lalthankunga Brigadier a a hmu a,an harsat thu a hrilh a,In kal dawn hunah ka tanpui dawn che u nia ati a.Lalthankunga chu a lawm hle a a thaw huai a.

.Khasi ho hian Kut chikhat banding khlam kut fur laiin an hmang thin a,nula leh tlangval hlim tak leh uar takin an zai thin a ni.Brigadier a leh Lalthankunga an titi a, Banding Khlam kut laia Shillong chhuahsana Syhlet lampan mai thaiin an hria a,an kalna tur motor leh ramchin leh kalkhan hria anmahni hruaitu tur Brigadier an a ngaihtuahsak vek a. .June thla 1966 chuan Lalthankunga ,Lalsangliana(Brigadier Thenphunga Sailo fapa Shillong ) ,Thanthuama Phulpui,Vanlallawta Lunglei ,Lalhleia,Lalzika leh midang 2 ,an vaiin 8 chu Kut hmang tur ang a incheiin motor ah an chuanga,Jowai an pan a,Kut hla an sa a,hlim awm takin an bante an phar a.Meghalaya Police leh vai sipai kawngkama awm leh check post a mi ten Kut hmang tura an ngaih avangin check lovin an kal tlang tir a,him takin Jowai an thleng ta a. .Jowai ah chuan thingpui in in an chawl a,Jowai atang chuan Doki lam pan an tum a,thingpui dawr atang chuan Doki kawng lam chu an han thlir a,police duty an tam em avangin kal ngam na chi niin an hre lova,Driver chu Doki kawng lama amah chauh kala,Police duty na piaha lo nghak turin an hrilh a,thingpui an in zawh chuan driver chu amah chauh in a kal ta a.Police duty na piah deuh ah motor chu a park a,a lo nghak a. .Thingpui in zawh tawh hnua thingpui dawra awm reng chu thil kawi lo leh inhmeh lo a nih avangin thingpui dawr atang chuan an chhuak a,hnim karah an biru a,darkar 3 dawn lai an bihruk hnu pawhin Police duty te an la insaseng duh si lova,kal tlang theihloh mai an hlau ru hle a.Lalhleian kan thenawmte zawhte ka that a an hrechhuak ang tih a hlauhawm a sin mawle,kir leh chi chu ka ni tawhlo a sin a ti nang nang a.Thanthuaman An hriat chhuah tak leh thil eiruk a ching em a nih kha i ti anga ni mai lawm a ti a. Darkar 3 zet an nghah hnu chuan Doki kawnga Police duty te chu an kal kiang ta a.Police an kal kian veleh Doki kawngah an kal nghal vat a,an mahni lo nghak rengtu an chuanna Jeep awmna an thlen chuan motor ah an lut nghal sawk sawk a,an tlan ta nghal a.Doki kawtchhuaha sipai an awm avangin Doki thlen hma deuhah motor atangin an chhuk a.Syhlet pan tura kea Doki hel a ngai a,an ni ho chuan kawng chin an hre miah lova,kawng chin hria anmahni hruai tura Brigadier an a tirh khan a hruai a.Doki an hel a,thimtham hnuaiah Syhlet an pan ta a,an kal tlaivar thak a,zing dar 8:00 velah ramri an thleng a.Khasi tlangval hian ramri thlengin a hruai a ni.Lalthankunga leh a thiante chu an lawm hle a,an pawisa neihchhun chu pek an tum a,Khasi tlangval hian a la duh lova,kan tanpui ve theihna che u a nih hi a ti a.Kut thinga duhsakna an inhlan hnuin an in then ta a. 

Lalthankunga leh a hote chu Pu Malsawma Kawlni leh a thian ten an lo dawng sawng a,Mizo tlangval zirlai huaisen rual Zoram chhan tura in rawn pen chhuak hi lawmawm ka tiin ka chhuang tak zet che u a ni,ti in lawmthu a sawi nghe nghe a ni. (1966 june thlaah MNF zawmin athiante nen an lut a.Lehkhathiam a ni bawk a,2 Leutenant pek nghal ani a,Army Headquarter ah Staff in an thawk ve nghal phawt a .1968ah Captain Rank ah kaisan tir ani a.hei hi a thihni thlengin rank ani ta ani.)

 Syhlet kan thlen hnu chuan a hma zana kan kalna kha ka han their a,kham chhengchhia leh awih tak vek a ni a.Engtin nge khi tiang kham karah te khian kan kal theih ka ti a.Chhunah chuan kal ila kan tlahlum nualin ka ring.Khasi tlangval min hruaitu khan thimtham hnuaia kham chhengchhe em em ah kal khan a hre em em mai kha mak ka ti tawp thei lo a ni ,Lalthankungan a ti. Syhlet atang hian Rel in Chittagong ah an chho a,Chittagong atangin motor in Rangamati ah an chho a,Rangamati atangin lawngin Marasia ah an chho a,Marasia atang chuan Masalong lui a hnar zawngin an zawh chho zel a,lawng thlen theihna chin atangin kein an kal a,Sajek tlang dunga (Chittagong Hill Track ti in an sawi bawk) Mahmuam khua ah an lut a.Mahmuam khuaa an awm lai hian an thiante eng emaw zat ralthuam la tura an lokal lai a ni a,Mahmuam,Lawngkawr velah te chuan an inchap phei zut mai a.Lalthankunga hote zinga thenkhat chu silai la tur hian chhim lamah an phei ve nghal a ni.

Amah hi han en mai chuan panaran ve mai zuamawm ve tak bawk a ni a,mhs zuam sual awl tak chu ni e.A nunah hian zir tur tam tak a awm a,a huaisenna leh atlawmngaihna te, hotu ber ni chung pawha a hote chungah in ti lal mai lova
hna hniamber a thawk leh hmun ralti ah pawh hma hruaitu ani thin hi athawhpuite sawi zin ber thin ani,tin, a rem hria a, a hun leh hmun a zirin a in adjust zung zung thin a,vawikhat pawh sipaiin a khawlai leng an nangchingin an um thut mai a,tih ngaihna awm tawh heklo,kawngka lo in hawng remchang hmasa berah tlan lutin a lo in thlak vek a,puan alo tah ham ham a,a um tut e pawh chuan hmeichhia ah ngaiin a hmuh leh hmuhloh an zawt a , an kalsan ve leh ta mai ani. President Laldenga leh a chhungkua vengtuah hial tlan chhuah ngat ani bawk ani.



Mizoramah duty tura tirh ani ve ta a,hmun hrang hrangah te hnathawkin an kalkual vel thin a,1972 Oct 8 ah a thiante pahnih nen an man a,mahse atukah Jail trang antlanchhuak leh nghal a,date 2 feb 1973 ah Aizawl Power House an Bomb a, Aizawl a a duty chhung hian Lt.Governor rukbo a, an thian jail tang mek ten en inthleng pui an tum a,mhs remchang an hmu thei talo hlauh a.hemi tum hian en thlak hna amah ngeiin a thawk a,Governor.Bangla ah inhlawhfa in Room fangkualin nilengin in siamchhia in a hmui a ti sawi peih ani.remchang an hmuh tak siloh ah chuan engemaw tih ngei chu ngaiin anhre si a,rem hran2 an han ruat kual a,a tawpah chuan IGP man a,chumi nen a thleng chu an tum leh ta a.


IGP kah.

Hetih hunlai hian IGP hi Govt high school tlangah ala awm a,office hi tun a SP office awmnaah hian a awm a, a building hi Assam type ani a. a chenna leh office inkar ah kidnap nise an ti a,mahse tum thum lai an chan hnu ah pawh an la hlawhtlin theihloh avangin kawng dang an dapleh ta a,a office a luh chilh mai an rel ta riap mai a.hmanraw ngai hmasa,police uniform leh motor chu Lt.Rohnuna a ngaihtuah ah an dah ta a.an mamawh ang an neih kim hnu chuan dt 13 jan 1975 tlai lam a che chhuak turin an in ti ta a.


Lt.Rohnuna chuan Pu Khuanga Director LAD inah kalin a jeep ZRG 124 chu athiante thlah zawk nan ava dil ta a,Pu Khuanga remti vaklo chungin an hmansak ta thova ,
13.1.1975 tlai dar thum ah chuan mi 6 te chu che chhuak mai thei turin an in peih tawh a,police form an in bel theuhva,capt,Lalhleian automatic pistol china siam apai a,capt Thangrehlova,Lt Rohnuna,Ralkapzauva,leh Zorama te chuan G3 an ak vek a,driver Lalhmachhuana’n pistol a pai thung a,tlai dar 4 pelh hret chuan IGP office lam pan chuan an in khalh chhuak ta a.


Gate vengtute chuan an pute emaw tiin khawng takin salute an lo pe thak thak a.Lalhleia’n salute bawkin a chhang let a.harsatna awmlovin office kawt chu an thleng a,rang takin an zuang chhuak a,an tih tur theuh an hrechiang hlawm bawk a hrilh leh chuan ngai an awmlo.Thangrehlova chu varanda ah a vei kual thauh2 a,Ralkapzauva leh Zorama ten,kawngkapui vengtu te silai hmangin an thunun nghal bawk a,capt Lalhleia leh Lt.Rohnuna te an tumah an chiang,silai kausa nen IGP room an panding nghal a.Lalhmachhuana’n varanda hnaih thei ang berin motor adintir bawk a.


Capt lalhleia te khan an tumloh tawp an va hmu ta tlat mai,IGP chuan inleng alo nei tlat.mahse hrilhhai avang a chet buai a hun tlatlo.lalhleia chuan pistol kausa a tin reng chungan`we are mizo national army,we demand…..(ziak veklo mai ang)’tiin an thil tum chu tlang takin a sawi nghal a,ban phar a pawn a chhuak turin a hrilh a.mahse chuti ngawt a ni tlatlo,pakhat chuan a silai a chuh ta tlat mai,lalhleia silai a puak thawr a, chatuan ram pan turin an tir liam ta a,Pawn lam a mi ten silai ri an han hriat tak ah chuan thil a kal diklo tih an hre nghal a,varanda leh IGP pindan luhna a CRP duty te chuan an hlau hle a,an dang sawp sawp mai.capt lalhleia leh rohnuna te chu an lo chhuak a,motor ah rang takin an zuang lut a,hman hmawh takin an tlan chhuak ta nghal a.Hmunhim an thlen chuan Lalhleia chuan`Anung chung a rawn hruaichhuah ngei kan tum ania mhs silai an chuh ta si ale,kan tum chu a tlawlh ta ni.”a ti a.IGPleh senior officer 2 an kahhlum hnu chuan lalhleia,rohnuna leh thangrehlova te chu, anung emaw athiin emaw,man thei chuan cheng 10000(singkhat) an hlawh dawn ani. heta an kahhlum tak te hi IGP GS Arya,senior officer pahnih DIG L.B Sewa IPS leh SP /CID panchapagasen IPS te an ni.


A HUN HNUHNUNG


He thil thleng hian india ram pum anghawr hneh hle mai a, Luman(ahunlai chuan tam tham tak ania aw)nei reng chung leh ralti tak chungin hun an hmang ta a,an tan chuan an mizopui ngei te pawh mi hlauhawm an nita a,fimkhur angai em em mai a, east Pakistan lama chhuk turin an ti ta a.March 6.1975 tlai ah tanhril ah chaw an ei khawm a, an chawei kham chu an riahna lam pan turin an insiam sang sang a,an chhuak ta a,thui pawh an la kal hmain capt.Lalhleia chuan a silai a theihnghilh tih a hre ta a. alam turin a let leh ta a.hetihlai hian chawlhhmun ropaia bawk velah SSB leh BSF tam tak an awm tih an hria a.a silai chu a va lam leh ta a, a chhuah dawn chuan an chaweina pitar chu vawithum ngawt amangtha a.pitar chuan silai theihnghilh leh vawithum in mangtha hi upa in an duhlo a sin mawle, ati nauh nauh a.a kal liam tur chu a thlir zui vawng vawng a.
Chawlhhmun a thleng chho tep tih ah chuan sipai ho chu a han hmu ta ngei a,chak takin a kal a,sipai ho chuan,`kapu,ding rawh”tin in silai hmawr a hawlh thuak2 in an um zui a.


Capt.Lalhleia chuan kawng dang awmin ahre talova,apistol chu phawiin a hnunga rawn zuitu sipaite chu lehhawi chuang lovin a kap ta a.sipai pakhat chu athi nghal mai a.sipai lam pawh inrin loh laia silai lo ri chu an tehhak a,Lalhleia pawh kawngko theihai kung bulah a per chho nghala,a hmalama lo tlan khalhtute khan an rawn bawhchilh ta nghala,a rawn bawhchilhtu hmasa ber chu akiu veilamah alo kah saka,mahse silaimu in a khup veilam pang hnuai deuhah arawn fuhve ta tlat mai a,kawng thlanglampang Pu Thanglawma Gate bulah chuan sipaite chuan hnai setsawt mtr 5 emaw vel lekah silaimu thum ngawtmai a awmah an kaplut ta ani.
Silaimu hian a den fuh hlawm em avangin han tuar zawh chi rual ani lova,mi huaisen thihdanin a bawkkhup chungin ral leh lam lawka a thiante lo nghak reng tute chu a kalsan ta ani.


Sipaite hian an mithah hi tunge an hre bik chuang lova,silai hmetpuak hmasatu chuan Luangmual VC Secretary chu tunge a nih silaia tin chungin an zawt a,Lalhleia hian Locket alo awrh hlauh a,heta tang hian Capt. Lalhleia tih an finfiah tachauh ani,sipaite hian Capt.Lalhleia hi Aizawl police station an thlen hnuah a patea Pu.T.Chhangte chu koin Tv.Lalhleia ani ngei ani tih chu an chian leh zual ta ani.(a kaphlumtu nih hi an inchuh leh hnuhnawh vel)a patea hian aruang hlawmin Nula leh Tlangvalin an tlaivarpui a. Zan Dr 6:00 atranga Zing Dar 5:00 Khawlai lenchhuah phalloh(CURFEW) a ni a.Curfew tan tlai dar 6:00 hmain nula tlangval thrahnem tak Pu Thangzika chenna inah chuan an khat tlat hman a ni.Vai Sipaiin hmun danga kal phal loin an duty hnan nghal a,In thiar duh pawh inthiar an phal lo a.Zan Dar 10:00 velah Brig T Sailo arawn kal a,''Mipui inhiar duhte hi in thiar tir rawh u,''a tia chuta trang chuan zalen deuhin an in thiar thei chauh a ni.Lalhleia ruang chu a duh duh en theih turin an dah a,Veng hrang hranga nula leh tlangval,nuleh pa,pitar leh putar te chuan Lalhleia ruang enturin Pu Thangzika chennainan pan a.Lalhleiaruang en chu an in zul zut zut mai a ni.

 March ni 7 ,1975 zing ah chuan Govt.Mizo High Schhol (movement) naupang School pana kal mek thenkhat chuan High School Field a vai sipai motora Capt. Lalhleia ruang a awmthu mi sawi an hria a,high school field an thlen chuan .Pawl 9 (class IX ) zirlai F. Chalngenga,Lungchhuan khua,A.Zohmangaiha Chanmari,Rothangzuala leh an thiante chu vai sipai motorah chuan an lawn a Lalhleia ruang chu an en a,khawia kalpui tur nge tih Field a vai sipai te chu an zawt a .Vai sipaiin postmortem tur a nih thu an hrilh a.F Chalngenga leh a thiante chuan School naupang an aukhawma School kal lova postmortem na hmuna kal tur an ti a.Vai sipaiin Civil hospital pana Lalhleia ruang postmortem tur a anphurh phei hnu ah Civil hospital lampanin Govt.Mizo High School zirlai te chu an kal ve ta a.Capt.Lalhleia ruang an postmortem zawh chuan mi zawnna (stretcher)ah an dah a,zirlai leh tlangval tlawmngaiten an zawn a,(Lalhleia ruang an postmortem zawh hi chawhnu dar 1:00 vel a ni awm e)a tirah chuan mi an tam vak lo va,Bazar Bungkawn an thlen thlak chuan mi engemaw zah in an rawn belh a.Kawnga an mi tawh thenkhat te leh an hnunga kal ten an zawm ve nghal zel a ni.Pu Thangzika Lalhleia pate an Tuikual South Office bul quater a luan a Tukual S V\C huam chhunga awm a ni. Pu Thangzikan Lalhleia chu Khatla thlanmuala phun a duh avangin YMA Khatla Branch hruaitu te leh YMA Tuikual S Branch hruaitute a bia a .YMA Branch hruaitu pahnih te rem tihnain Khatla thlanmuala phum turin thu an ti tlu ta a ni.

Mizo tlangvalzawnglai thi tawh zingah Lalhleia tluka mite mittui ti tlahnem anawmlo ani.


A tuk March ni 7.1975 chuan a ruang chu thlanmual panpui a ni a,veng hrang hrang nula leh tlangval te chuan puan dum sinin pasalthra,mihua
isen Lalhleia chu ui em em chungin Khatla thlanmualah thlah liam a ni ta a ni.
A thih zan hian aizawlah ar pakhatmah a khuanglo ani. Capt.Lalhleia vuini hi Aizawl mitthi vui tawh a tam ber leh ropui ber zing ami anihial awm e.