Maite khua inkahna kha MNF in vai kan lambun tawh ah chuan kan hneh ber tum ani awm e.kan kahhlum tak ai khan kurung chhia thuk zet mai hi a awm a, kha ta tla lut kha an tam zawk fe ani,(naxalite ho hi kan hre theuh awm e, an in pawh hi vawmtlak kan tih ang chi leh,hetiang khur thuk pui pui hi an laia.a hnuai lamah hian fei kibar ang chi zuk in vih na tur an phun fur thin a ni,hman kum a CRP an lambunte kha ,an tlan chhia kha,dai thut ang leh he tiang khur a zuanglut apiang kha a vanduai an ni ma anih kha.)ambush position a fuh bawk a, kawr ruam rai deuh zal leh kawng kal te lan chian theihna lai tak hi ani a.kan rinai daih a, an lo tam a vang leh ralthuam kan in neih that hleih em avangin kan hup barh theilo mai pawh a,70 chuang zet zawt chu an inhloh ngei turah kan ngai.an mahni hian an sawi chiang duh tlat lo va, mahse ahnu a an chet dan a tang hian an in hloh nasa fe a ni ngei ang. Keini lam pawh kan in hliam nual a,pali laiin nunna kan chan nghe nghe a ni,
A hmasa a tanga chhiar a sawmthumna ah pawh silai a la ri tlatlo.. mahse an lo tam em a vang kha ani a. a fuh ta phian zawk ani. Sawmnga dawn an kal ta ang tih ah chuan silai a puak thawr a.mahni hma zawn zawn a mi kan han kap dawt dawt mai a, a tir chuan mahni mihring pui han kah thawr chu a harsa khawp mai.mhse bul lawk lawk a silai mu a ving fia fia takah chuan, thisen a lo lum a, thin a rim chawp a, hlauh hi awm tawh lo reng reng , kha tia kan han inkap kha, vai ho chi ai chu khalai kawr ruam ah khan tal buai in kurung chhia chu a thuk leh thuk loh pawh ngaihtuah hman lek lovin an zuang lut nghal bawrh bawrh mai a, an te thla vawn vawn ri kha ka beng ah ala cham reng mai. Minute 20 vek kan in kah hnuchuan silai ri a han duak a,” charge” tii kawng puiah kan tlan thla a, tah hian sipai tlu ho silai kan khawm mawlh mawlh a, vanlallawta leh srgt kapthanga te an huai hle a, sipai thi pheikhawk te chu an naute bun a tan an thlawn mawlh mawlh a, hmalam atangin an rawn leh kah bawk a, hnung lam ho an rawn thawk tha leh bawk.silai a ri leh ta tuarh tuarh mai.hetah hian srgt kapthang a chu sipai thider pakhat hian hnung lam atang a tlir ngheng mai a, ka hmu chiang nasa mai si a, kan kap mai dawn a, silai mu ka lo kap zo der tawh mai.tih ngaihna dang a awm tawhlo. Ka tlan phei a , theih tawp a na in kan trum nghek mai a.a hnang tal buai vel lai chuan a silai ka chuh a, mahs a pa lian nasa mai si a ka pawh thlak sak mai thei ta hauhlo mai.a hmaiah ka tlawh pawp pawp a mahse silai chu a hmeh perna lam a chang tlat si a, silai hmawr chu ka lam hawi tir a tum a,keiin ka dang bawk a, kan in chai fe lai chuan kan thian pakhat rawn tlan in chuktuah in a lu ah an kap siah mai a, chiang khawp mai.vai an rawn tam zel bakah silai mu kan tla chham tan tlat a, ka inhliam phung tawh bak ah pali lai kan hloh tawh si a vang chuan in saseng zai kan rel ta. Kn thian te ruang chu a rem chang in kan paw nawlh a, RV lam pamin kan withdraw ta phawt a, hlawhtling kan in ti viau na a.kan lawm erawh a kim theilo ani.silai mu sur chur chur karah pawh thian te ruang tlansan mai lovin hlawm kan tum hram hram thin hi a va hlu em.hmanlai mizo lal te leh pawi lal te in run thin lai pawh khan,lusei ho chuan ruang an thlauh(kalsan) ve ngailo an lo ti thin kha ni ngai a,mizo nih hi a va nuam thin em.
Ramhnuai ah kan thian te phumna tur chu kan lai a, hmanrua awm tha bawk silova rilru ana duh ngei mai, kan thian te ,ro kan rel pui, vangvat karah a sur a sa kan do pui leh,zalenna thlahlel ve em em te chu kan zalh ta ani.
A hnu a kan hriat leh dan in maite khua sipaiin an han thleng chu an han thinrim em emkhawp a,mipui zawng zawng mualah an khawm a,ni an em tir a. nilengin eitur ei an phallova, brigadier thlawhna in alo kal a,nunau nen lam a kap hlum vek turin a ti ta mai a.he tah hian kah hlum tak tak an tum a, mhs capt huaisen leh dik deuh pa khat alo awm hlauh mai a,hepa hian a aia chung te chu a hnial char char a, brig nen pawh an in hnial nasa hle a.” heng nunau pawisawi lo kan kah hlum hian eng hlawkna mah kan hmu lovang,kei chu ka bang nghal ang” ti a tan a khawh tlat avangin, mualpho an hlau ve si chuan an ti ta em lo ani.(hei hi tak tak)
Chhawrtui ram hnuai puk pakhat ah kan in kulh a, a lian ang reng phian a, tui anuam bawk a.mi 50/60 vel chu min dawl zo phian mai. Mahse a raltit tak em avangin kan eitur neih te khek angai si a, chaw chhuan hnih chu kan nghei ti tih ta.
Kan thian hliam te hi enkawlna mumal an dawn vat loh chuan an ngaihtuah awm tan tawh bawk si.pakhat pu dova phei hi chu a khup hnuai hret ah hian a tliak a, rim a nei tan deuh tawh leh nghal a, a mah phei chu a chhelin na ti awm ang pawn a awm duh miah lo va.” Vai kah mai mai te chu” a ti ve tlat a, mhse a hliam chu enkawl anih loh chuan a khua ti sikin a mu mumal lo tih a hriat hle tawh a,vawikhat phei chu<khawmaw chempui kha min khan pe teh u, kan chhawk hmawk mai teh ang ,a ti nghe nghe a, tihngaihna dang a awm tak ngang loh ah chuan ,thing zaina ara lian in a raw tak meuh meuh inkan tan sak ta nih chu .vawikhatmah a rum eihlo bawk a. a va han tlawmngai tak em aw.
Tleirawl sava veh in sipaiin kan awmna an hriat thawi thu an rawn sawi takah chuan insawn zai rela ngai ta a.hetihlai hian awm kan tlem leh tawh a.sawm pahnih bawr vel chauh kan ni tawh a. Hliam kal theilo panga kan nei bawk, mangan thlak tak ani. A zawn dan tur kan han siam a, kan in chang kim ta far mai a,khawtual ho pun mai tur em niang kan han ti zet a hun a wm tawhlo.ti chuan kan theih dan danin kan tlan chhe leh ta a, tlai lampang ani tawh a, he ta kan thil tawn hi ani,ka in chhir reh teih takloh chu….
Hah thikulin kan thian te kan zawn a,kawng pui pangngai ve deuh kan pawh ciah tih ah cuan, naute tap ri kan hreta a.kan ding thap a, a reh ve leh mai avang chuan khawi lam nge kan hre mai thei lova. Kawi khat kan kal leh tih ah chuan kawn sir ah hian nu pakhat a lo mu a,a fa kumkhat bawr vel tur hi hnute ngen in anu thi tawh chung ah chuan a lo tap a lo ni a,a va han khawngaih thlak tak em, mahse la thei kan awmhrihlo.kha tihlai kan dinhmun min chhut pui lo chuan min dem vek ti ru..mahse chaw ei mumallo, mu tha manglo leh tha khur det det tawh kha kan ni ve bawk a, thildang han ti tel thei tumah kan awm tawhlo ani.khua a hla vaklo bawk a,sipai in min nan kan hlau si a, kan kal san ta anih kha.ka inchhir tawp thei ngai dawnlo ani.khua kan thleng fel a, sipai khan min rawn um zui ta reng a. chaw pawh ei hman lovin kan tlan chhe leh ta nghal anih kha.
tawk phawt ang..
Comments